Зәбүр

36 Зұлымның жүрек түкпірінен заңсыздық сөйлейді;

Зұлымның көзінен Құдайдан қорқудың нышаны да көрінбейді+.

 2 Өйткені ол тым асқақтап, өзін-өзі алдайды,

Сондықтан күнәсін байқап, оны жек көре алмайды+.

 3 Аузынан тек зұлымдық пен өтірік сөз шығады,

Жақсылық жасаудың не екенін ұқпайды.

Аяғы тура жолда тұрмайды,

Жамандықтан бас тартпайды.

 5 Уа, Ехоба, сенің айнымас сүйіспеншілігің көкке дейін+,

Адалдығың бұлттарға дейін жетеді.

 6 Әділдігің айбынды таулардай*+,

Шешімдерің шалқар әрі терең сулардай+.

 8 Олар үйіңдегі мол дастарқаннан ішіп-жеп тойынады+;

Сен оларға дариядай көл-көсір игілігіңнен ішкізесің+.

 9 Өмірдің қайнар көзі сенде+;

Сенің жарығың арқылы біз жарық көре аламыз+.

11 Тәкаппарлардың мені аяғымен таптауына,

Зұлымдардың қаңғытып жіберуіне жол бермеші.

12 Әне, заңсыздық жасаушылар құлады,

Сұлап түсіп, тұра алмай жатыр+.