Зәбүр

145 Уа, Құдайым әрі Патшам, өзіңді асқақтата дәріптеймін+,

Есіміңді мәңгі бақи мадақтаймын+.

 2 Күні бойы өзіңді даңқтаймын+,

Есіміңді мәңгі бақи мадақтаймын+.

 3 Ехоба ұлы, зор даңққа лайықты+,

Оның ұлылығына адам ақылы жетпейді+.

 4 Бір ұрпақ келесі ұрпаққа істеріңді мадақтайды,

Құдіретті істеріңді жариялайды+.

 5 Олар ұлылығыңның салтанаты жөнінде айтады+,

Барлық керемет істерің жөнінде ойланады.

 6 Олар айбынды істерің жайлы айтады,

Мен де сенің ұлылығыңды жариялаймын.

 7 Олар мол ізгілігіңді еске алғанда, сөздің майын тамызады+,

Әділдігің үшін қуана ән салады+.

 8 Ехоба жанашыр да мейірімді+,

Ашулануға асықпайды, айнымас сүйіспеншілігі мол+.

 9 Ехоба бәріне шапағатын түсіреді+,

Барлық істерінен мейірімі көрінеді.

10 Уа, Ехоба, бар істерің өзіңді даңқтайды+,

Адал қызметшілерің де сені мадақтайды+.

11 Олар патшалығыңның ұлылығын жариялайды+,

Құдіретің туралы хабарлайды+.

12 Осылай адамдарға құдіретті істеріңді білдіреді+,

Патшалығыңның салтанатты ұлылығын аян етеді+.

13 Сенің патшалығың мәңгіге ұласады,

Билігің күллі ұрпаққа жалғасады+.

14 Ехоба құлап бара жатқандардың бәрін сүйейді+,

Бүгілгендердің бәрін демейді+.

15 Барлығы үміттене өзіңе көз тігеді,

Сен оларға мезгілінде азық бересің+.

16 Алақаныңды ашасың да,

Барша тіршілік иелерінің қажетін бересің+.

17 Ехоба барлық әрекетінде әділ+,

Барлық ісінде адал+.

18 Ехоба өзін шақыратындардың бәрінің қасында+,

Өзін шын жүректен* шақыратындардың бәрінің жанында+.

19 Ол өзінен қорқатындардың тілегін орындайды+,

Көмек сұраған үндерін естіп, аман сақтайды+.

20 Ехоба өзін сүйетіндердің бәрін қорғайды+,

Ал зұлым атаулының көзін құртады+.

21 Қызыл тілім Ехобаны мадақтайды+;

Жаны барлардың бәрі оның киелі есімін мәңгі бақи мадақтасын+!