Нақыл сөздер

 2 Жол бойындағы биік жерлерде+,

Тұр ол көше қиылыстарында.

 3 Қала қақпаларының жанында,

Есік кіреберістерінде жар салуда+:

 4 “Уа, халайық, сендерді шақырамын,

Әрбір адамға үн қатамын.

 5 Аңғалдар, парасаттылыққа үйреніңдер+,

Надандар, түсінетін жүрекке ие болыңдар.

 6 Тыңдаңдар, айтатыным маңызды,

Бәрі тура аузымнан шығатынның.

 7 Жұмсақ етіп жеткіземін шындықты,

Аузыма алуға жеркенемін зұлымдықты.

 8 Аузымнан шыққанның барлығы әділ,

Бұрмаланған, арам сөз жоқ арасында.

 9 Парықтыға оның бәрі ап-анық,

Білім тапқанға дұп-дұрыс.

10 Алыңдар күмістен гөрі тәлім-тәрбиемді,

Саф алтыннан гөрі білімді+.

11 Даналық маржаннан да артық,

Адам құмартатын еш нәрсе оған тең келмес.

12 Мен даналықпын, ақыл-парасатпен бірге тұрамын,

Білім мен саналылыққа иемін+.

14 Менде ақыл-кеңес бар, қолдануға тиімдімін+,

Иемін түсінік+ пен құдіретке+ де.

15 Менің арқамда патшалар билік құрады,

Әкімдер әділ заңдар шығарады+.

16 Менің арқамда әміршілер басқарады,

Төрелер әділ сот жүргізеді.

17 Мені жақсы көретіндерді мен де жақсы көремін,

Өзімді іздегендерге табыламын+.

18 Қасымда менің байлық пен атақ-даңқ,

Таусылмас дәулет* пен әділдік.

19 Жемісім артық алтыннан, тіпті саф алтыннан,

Өнімім құнды ең таза күмістен+.

20 Әділдік жолымен жүремін,

Әділет жолының ортасымен келемін.

21 Өзімді сүйгендерге зор мұра сыйлаймын,

Олардың қоймаларын толтырамын.

22 Мен Ехобаның ең алғашқы жаратылысымын+,

Ежелгі істерінің бастамасымын+.

23 Негізім қаланды байырғы заманда+,

О баста, жер пайда болғаннан әлдеқайда ертеде+.

24 Туылдым су тұңғиықтары жоқ кезде+,

Суы тасыған қайнарлар болмағанда.

25 Туылдым таулар орнатылмай тұрғанда,

Қыр-төбелер әлі жоқ болғанда,

26 Ол жер мен даланы,

Жердің алғашқы топырағын жаратпай тұрғанда.

Су бетіне ол көкжиекті сызғанда+,

28 Аспанға бұлттарды жайғастырғанда,

Терең мұхиттарды сумен толтырғанда,

29 Теңізге арнап жарлық бекіткенде,

Бұйырған жерінен тасытпай суын тежегенде+,

Жердің іргетасын орнатқанда,

30 Оның қасында шебер жұмысшы болдым+.

Күн сайын оны қуантып+,

Алдында әрдайым шаттанып жүрдім+.

31 Тұруға жайлы жерге қарап қуандым,

Адам баласын ерекше жақсы көрдім.

32 Сонымен, балаларым, мені тыңдаңдар,

Өйткені жолдарымды ұстанғандар бақытты.

33 Тәлім-тәрбиемді алып+, дана болыңдар,

Ешқашан оған немкетті қарамаңдар.

34 Күнде ертемен есігімнің алдына келіп,

Босағамның жанында күтіп тұрып,

Маған құлақ асатын адам бақытты.

35 Мені тапқан жан өмір табады+,

Ехобаның ықыласына ие болады.

36 Ал мені елемеген өзіне зиян келтіреді,

Мені жек көргендер өлімді жақсы көреді+”.