Ишая

Халқыма бүлік шығарғанын+,

Жақып үйіне күнәға батқанын жарияла.

 2 Олар әділдіктерінен таймаған,

Құдайларының әділ жолынан ауытқымаған халықтай,

Мені күн сайын іздегенсиді,

Жолдарымды білуді қалағансиды+.

Құдайларынан әділ үкім шығаруды өтініп,

Оған жақындауды қалағансып+:

Өйткені ораза ұстағандарыңда да өз мүдделеріңді ойладыңдар,

Жұмысшыларыңды қанадыңдар+.

 4 Оразаларыңның аяғында жанжалдасып, төбелесесіңдер,

Қатыгездікпен жұдырық сілтейсіңдер.

Бұл адам өз жанын қинап,

Басын құрақтай иіп,

Қара мата мен күлді төсек қылатын күн болу керек пе?

Зұлымдық бұғаулары үзілсін,

Мойынтұрық жіптері шешілсін+,

Қаналғандар босатылсын+,

Мойынтұрық атаулы талқандалсын.

 7 Ашыққанға наныңнан бөліп бер+,

Үйсіз жүрген кедейді үйіңе кіргіз,

Жалаңаш жүрген адамды көрсең, киіндір+,

Жақыныңнан теріс айналма.

 8 Сонда сенің жарығың таң шапағындай жарқырайды+,

Сауығатын кезің лезде келеді.

Әділдігің алдыңда бастап жүреді,

Ехобаның ұлылығы арт жағыңнан қорғайды+.

Араңнан мойынтұрықты құртсаң,

Саусағыңды шошайтып өзгені тілдеуді қойсаң+,

10 Өзің қалап тұрғанды аш адамға берсең+,

Бейшара жанды тойындырсаң,

Жарығың түнекте де жарқырап тұрады,

Түнің тал түстей жарық болады+.

11 Ехоба сені әрдайым жетелеп жүреді,

Тіпті қуаң жердің өзінде қажеттеріңді қамтамасыз етеді+,

Сүйектеріңе қуат сыйлайды.

Сен молынан суарылатын баққа+,

Ешқашан сарқылмайтын бұлаққа ұқсайтын боласың.

12 Олар сен үшін ежелгі үйінділерді қайта салады+,

Сен ұрпақтан ұрпаққа қирап жатқан негіздерді қайта тұрғызасың+.

Сен дуалдардың жарықтарын жөндеуші+,

Бойында жұрт мекендейтін жолдарды жөндеуші ретінде танымал боласың.

13 Менің киелі күнімде өз мүддеңнен бас тартып, Демалыс күнімді берік ұстансаң+,

Демалыс күнін зор қуаныш күні, Ехобаның киелі күні, даңқталатын күн деп атап+,

Өз мүддеңді ойламай әрі бос сөзден аулақ болып, сол күнді даңқтасаң,

14 Зор қуанышты менен, Ехобадан, табасың,

Саған жердің биік қорғандарын бағындырамын+.