Зәбүр

6 Уа, Ехоба, мені ашуыңмен әшкерелеп,

Қаһарыңмен түзете көрме+.

 2 Әбден діңкеледім, уа, Ехоба, ықыласыңды түсіре көр,

Сүйектерім дірдек қағады, уа, Ехоба, сауықтыра көр+.

 3 Жаным жай табар емес+,

Уа, Ехоба, айтшы, қасіретім қашанғы жалғаса бермек+?

 4 Уа, Ехоба, қайта оралып, мені құтқаршы+,

Айнымас сүйіспеншілігіңмен жанымды сақташы+.

 5 Өлген адам сені есіне алмайды ғой;

Көрдегі* адам сені даңқтай алушы ма еді+?

 6 Күрсіне-күрсіне әбден қажыдым+,

Түні бойы төсегімде көз жасымды көл қылдым,

Жылай-жылай төсегімді суладым+.

 7 Қайғыдан көзім нашарлады+,

Қаскөйлердің көптігінен көрмей қалды.

 8 Зұлымдық жасаушылар, бәрің де аулақ кетіңдер,

Өйткені Ехоба зарыма құлақ асады+.

 9 Ехоба мені тыңдап, ықыласын түсіреді+,

Дұғама Ехоба құлағын түреді.

10 Жауларымның бәрі ұятқа қалып, асып-сасады,

Кенеттен кері шегініп, масқара болады+.