• Қалай дұрыс шешім қабылдауға болады?
    Мәңгі бақи өмірдің рақатын көріңіз! (интерактивті Киелі кітап сабақтары)

    • 5. Басқалардың ар-ұятын құрметтеңіз

      Әр адам әртүрлі шешім қабылдайды. Сондай кезде басқалардың ар-ұятын құрметтейтінімізді қалай көрсетсек болады? Екі жағдайды қарастырайық:

      1-жағдай: Боянуды жақсы көретін бір әйел бауырлас басқа қауымға ауысады. Сол қауымдағы көп әйел бауырлас боянғанды онша жақтыра бермейді екен.

      Римдіктерге 15:1 және Қорынттықтарға 1-хат 10:23, 24 оқып, мына сұрақтарды талқылаңыздар:

      • Осы тармақтарға сай, бұл әйел бауырлас қандай шешім қабылдауы мүмкін? Қандай да бір нәрсені істеуге сіздің ар-ұятыңыз жіберсе, басқалардікі жібермеуі мүмкін. Сондай адамның қасында болсаңыз, сіз не істейсіз?

      2-жағдай: Бір ер бауырлас ішімдікті орынды мөлшермен ішуді Киелі кітап айыптамайтынын біледі, бірақ өзі ішпеуді шешеді. Оны бір отырысқа шақырғанда, ол ер бауырластардың ішімдік ішіп жатқанын көреді.

      Уағыздаушы 7:16 мен Римдіктерге 14:1, 10 оқып, келесі сұрақтарды талқылаңыздар:

      • Осы тармақтарға сай, бұл бауырлас не істеуді шешуі мүмкін? Сіздің ар-ұжданыңыз жібермейтін нәрсені біреудің істеп жүргенін көрсеңіз, не істер едіңіз?

      Дұрыс шешім қабылдау үшін не істеу керек?

      Дұға етіп жатқан әйел.

      1. Ехобадан көмек сұрау. Сонда не істеу керектігін шешу жеңіл болады (Жақып 1:5).

      Сол әйел алдына Киелі кітап, оған негізделген әдебиеттер мен компьютер алып, ізденіс жасап жатыр.

      2. Іздену. Қажетті принциптерді табу үшін Киелі кітаптан және оған негізделген әдебиеттерден ізденіңіз. Сондай-ақ тәжірибесі бар мәсіхшілермен ақылдассаңыз болады.

      Сол әйел ойланып отыр.

      3. Салдарын қарастыру. Шешіміңіз сіздің және өзгелердің ар-ұятына қалай әсер ететіні туралы ойланып көріңіз.