4. Езекиелдің екі таяқты қосып ұстауы не нәрсеге нұсқады? (Тараудың басындағы суретті қараңыз.)

⁴ Кейін Езекиел Ехобаның нұсқауымен екі таяқты “бір-бірімен қосып, біртұтас етіп ұстады”. Оны сескене бақылап тұрған жұрт одан: “Бұның мәні неде?”— деп сұрай бастады. Езекиел бұл қойылым Ехобаның өзі әрекет ететініне нұсқайтынын айтты. Ехоба осы екі таяққа қатысты: “Екеуі менің қолымда біртұтас таяқ болады”,— деген (Езек. 37:17—19).

 5. Езекиелдің екі таяқпен көрсеткен қойылымы нені білдірді? (“Екі таяқтың бірігуі” деген қоршауды да қараңыз.)

⁵ Бұдан кейін Ехоба екі таяқтың бірігуі нені білдіретінін түсіндірді (Езекиел 37:21, 22 оқыңыз). Жер аударылған екі рулы Яһуда патшалығының адамдары мен он рулы Исраил (Ефрем) патшалығының адамдары Исраил жеріне оралып, екеуі “бір халық” болмақ еді (Ерм. 30:1—3; 31:2—9; 33:7).

ЕЖЕЛДЕ

Б. з. б. 537 жылы шынайы ғибадат етушілер басқа халықтардың арасынан шығып, елдеріне оралды, Иерусалимді қайта тұрғызды және бір халық ретінде ғибадат етті

БҮГІНДЕ

1919 жылдан бастап Құдай халқы ақырындап қайта ұйымдасты әрі “бір отар” ретінде қызмет ету үшін бірікті