Jiisusi inuttut qanoq ittuua?

Jiisusip iliuusii oqaasiilu misis­sor­tarutsigit nuan­narilis­savar­put. Ilisarisimal­luarutsigulu aamma Jehovamut qanil­linerus­saagut. Maanna Jiisusip inut­tut qanoq ittuunera aamma qanoq ilaarsin­naagip­put sam­meriar­tigit.

1. Jiisusip Ataatani sutigut assigaa?

Jiisusip Ataatani ukior­pas­suarni qilammi najorlugulu ilin­niarfigisimavaa. Taamaat­tumik Jiisusip eqqarsar­taatsik­kut, misigis­sutsik­kut iliuutsik­kullu Jehova assigeq­qis­saar­paa. (Johan­nesi 5:19 atuarsiuk). Allaat ima oqarsimavoq: “Uannik takunnissimasup aamma Ataataq takusimavaa.” (Johan­nesi 14:9) Tassa Jiisusimut tun­ngatil­lugu paasisatit aamma Jehovamut tun­ngap­put. Assersuutigalugu Jiisusi inun­nik asan­nit­tuum­mat paasisin­naavat Jehova illit pil­lutit qanoq misiginersoq.

2. Jiisusip Jehovamik asanninnini qanoq ersersittarpaa?

Jiisusi ima oqar­poq: “[Inuit] Ataataq asagiga paasiniassammassuk Ataatamit inanneqarnittut iliorpunga.” (Johan­nesi 14:31) Tassa saper­naraluaraangal­luun­niit Ataatani naalat­tuar­paa. Aamma Jehova pil­lugu inun­nut oqalut­tuar­tarmat tusaasut tusak­katik Jehovamut qanil­lis­sutigisar­paat. – Johan­nesi 14:23.

3. Jiisusip inunnik asanninnini qanoq ersersissimavaa?

Biibilimi allas­simavoq Jiisusip ‘inuit nuannaarutigigai’. (Ussatit 8:31) Asan­nin­nini ersersit­tar­paa inun­nik qiim­mas­saasar­nermigut aamma ikiuisar­nermigut. Kinaas­susersior­nani inuit tamaasa inus­siar­nerfigisar­pai. Aamma misigin­neqataal­luni inuit ikior­niarlugit tupin­nar­tulior­tar­poq. (Mak­korsi 1:40-42) Inuit tamaasa asagamigit annaan­niarlugit naal­liul­luni toquvoq. Eqqor­tuliorusut­tut Jiisusi tusar­naaraangamikku tup­pal­lersar­neqarlutillu neriuuteqaler­tar­put. Jiisusillu imminut naalat­tut asaner­paavai. – Johan­nesi 15:13, 14 atuarsigit.

ITISILIINEQ

4. Jiisusip Ataatani asavaa

Guutimik asan­nin­ner­put qanoq ersersis­sin­naagip­put Jiisusip maligas­siaanit paasivar­put. Lukkarsi 6:12 aamma Johannesi 15:10; 17:26 atuarsigit. Allas­simaf­fiit ataasiak­kaarlugit atuariarlugit apeq­qut una eqqar­torsiuk:

• Jiisusi ilaarlugu Jehova asal­lugu qanoq ersersis­sin­naavar­put?

6. Jiisusi tukkortuuvoq

Jiisusi pigisakik­kaluarluni tuk­kor­tuuvoq, aamma uagut tuk­kor­tooq­qul­luta kajumis­saar­paatigut. Apustilit Suliaat 20:35 atuarsiuk apeq­qullu una eqqar­torlugu:

• Jiisusip oqaasii naaper­torlugit qanoq pil­lualersin­naavugut?

VIDEO takusiuk apeq­qullu tul­liut­toq eqqar­torlugu.

VIDEO: ‘Tunisineq pilluarnarneruvoq’ – Naalisagaq (4:00)

• Pigisakik­kaluarluta qanoq tunisisarsin­naavugut?

Nalunngiliuk?

Biibilimi allas­simavoq Jiisusip atiatigut Jehovamut qinusas­sasugut. (Johan­nesi 16:23, 24 atuak­kit). Jiisusip iliuusii pis­sutigalugit Jehova ikin­ngutigilersin­naavar­put. Tamanna qujamasuutigalugu ersersit­tar­par­put Jiisusip atiatigut qinugaangatta.

EQIKKAANEQ

Jiisusip Jehova inuillu asavai. Ataatani assigeq­qis­saarmagu Jiisusi ilisarisimanerulerukku Jehova ilisarisimanerulis­savat.

Uteqqiineq

• Jiisusi ilaarlugu Jehovamut asan­nin­ner­put qanoq ersersis­sin­naavar­put?

• Jiisusi ilaarlugu inoqatitsin­nik asan­nin­ner­put qanoq ersersis­sin­naavar­put?

• Jiisusip pis­susia sorleq nuan­nariner­paaviuk?

NAMMINEQ MISISSUGASSATIT

Jiisusip pis­susiisa ilaarsin­naasatta ilaat misis­suk­kit.

“Jiisusi ilaarlugu …” (Jiisusi – aqqut, ilumoortoq inuunerlu, qupperneq 317)

Sooq Jiisusip atiatigut qinusas­sasugut paasiniaruk.

“Sooq Jiisusip atiatigut qinusassaagut?” (Napasuliaq Alapernaarsuiffik-mi allaaserisaq)

Jiisusip isik­kua pil­lugu Biibilimi allas­simasoqarpa?

“Jiisusi qanoq isikkoqarpa?” (Nit­tar­tak­katsinni allaaserisaq)

Jiisusip arnanik pin­nit­tar­nera qanoq ilin­niarfigaar­put?

“Guuti arnanik ataqqinnittuullunilu isumassuisuuvoq” (Napasuliaq Alapernaarsuiffik, oktobarip aal­laq­qaataat, 2012)