Jehovap nipaa tusarnaaruk

 1-2. (a) Jehovap inuit qanoq at­taveqaqatigisimavai? (b) Al­laaserisami suut misis­sus­savavut?

JEHOVAP at­taveqaqatigis­sal­luta nuan­naraa. Itsaq isum­mani ingerlateq­qin­niarlugit pruf­fiitit, in­ngilit aam­ma er­nini, Kristusi Jiisusi, aq­qutigisar­pai. (Am 3:7; Gal 3:19; Saqq 1:1) Nalitsin­ni Biibili aq­qutigalugu oqaluut­tar­paatigul­lusooq. Biibili uagutsin­nut tun­niup­paa eq­qarsaatiminik ingerlavigeq­qusaminil­lu paasitin­niarluta.

² Jiisusi nunarsuarmiim­mat Jehova qilam­miit pingasoriarluni oqalup­poq. Jehovap oqalun­nera oqaasiilu qanoq ilin­niarfigisin­naal­lugil­lu iluaqutigisin­naanerivut misis­soriar­tigit.

 3. Markusi 1:9-11 naaper­torlugit Jiisusi kuisim­mat Jehova qanoq oqar­pa, oqaasiinilu suut pingasut up­per­narsar­neqar­pat?

³ Markusi 1:9-11 al­laatigineqar­poq Jehovap siul­lermeerluni qilam­miit oqalun­nera. (Atuakkit). Ima oqar­poq: “Il­lit tas­saavutit er­nera asasara, nuan­narisaraak­kit!” Ataatami asanerarlunilu akuerin­nin­nera tusaramiuk Jiisusi kil­litsingaarsimas­saaq! Jiisusi pil­lugu ilumoor­tut pingasut Jehovap oqalun­neranit up­per­narsar­neqar­put. Siul­ler­tut, Jehovap Jiisusi er­neraa. Aap­paat­tut, er­nini asavaa. Pingajuat­tul­lu, Jehovap er­nini akueralugu nuan­naraa. Taak­ku ataasiak­kaarlugit sam­mil­lualaariar­tigit.

 4. Jiisusi kuisik­kami Guutimut at­taveqar­nermini qanoq al­latut inis­sisimaf­feqaler­pa?

⁴ “Illit tas­saavutit er­nera.” Taamatut oqarami Jehovap er­nini asasani, Jiisusi, at­taveqaqatiginerani al­latut inis­sisimaf­feqaler­nera ersersip­paa. Jiisusi qilam­miik­kal­larami anersaajuvoq Guutimit pin­ngor­titaasoq Guutil­lu er­neranik taaneqarsin­naasoq. Kuisik­kamili anersaamik il­ler­nar­tumik tanin­neqar­poq. Pisumi tamatumani Guuti paasisitsivoq Jiisusi er­nermisut tanitatut qilam­mut uter­nis­samik kun­ngitut palasiuner­tul­lu toq­qarsimasamisut neriuuteqalersoq. (Luk 1:31-33; Hebr 1:8, 9; 2:17) Taamaat­tumik Jiisusi kuisim­mat Ataataa pis­sutis­saqarluarluni ima oqarsin­naavoq: “Il­lit tas­saavutit er­nera.” – Luk 3:22.

 5. Jehovap asan­nin­nermik iluarin­nin­nermil­lu ersersitsinera qanoq ilaarsin­naavar­put?

⁵ “Illit tas­saavutit ... asasara.” Jehovap asan­nin­nermik iluarin­nin­nermil­lu ersersitsinera al­lanut qiim­mas­saasar­nis­satsin­nut periarfis­sarsior­tar­nis­samik eq­qaasitsis­sutigaar­put. (Joh 5:20) Nuan­naarutigisar­par­put asasat­ta asan­nin­nermik ersersitsivigalutalu ajun­ngitsuliavut pil­lugit nersualaaraangatigut. Taamatut­taaq ilagiin­ni qatan­ngutit­ta ilaqut­tat­talu uagutsin­nit asan­nin­nermik kajumis­saar­neqar­nermil­lu ersersitsivigineqar­nis­sar­tik pisariaqar­tip­paat. Al­lat nersualaaraangatsigit up­per­nik­kut nakus­satsit­tar­pavut Jehovamul­lu aalajaal­lutik kif­far­torsin­naaneran­nik ikiorlugit. Ingam­mik angajoq­qaat meeq­qatik kaam­mat­tor­tariaqar­paat. Angajoq­qaat meeq­qatik ilumoorlutik kaam­mat­torlugil­lu asan­nin­nermik ersersitsivigigaangamik­kit ingerlal­luar­nis­saan­nut ikior­tar­paat.

 6. Sooq Jiisusi tatigisin­naavar­put?

⁶ “Nuan­narisaraak­kit!” Jehovap taama oqar­nermigut ersersip­paa Jiisusip aalajaal­luni Ataatami piumasaanik naam­mas­sin­nin­nis­saa tatigalugu. Jehovap er­nerminik tatigin­nin­nera pis­sutigalugu uagut­taaq Jehovap neriorsuutaanik tamanik Jiisusi eq­quutsitsiumaar­toq tatigil­luin­narsin­naavar­put. (2 Kor 1:20) Jiisusip maligas­siaa eq­qarsaatigigaangatsigu taas­suma ilin­niarfiginis­saa maligas­siaatalu maleruar­nis­saa aalajangiusimaneruler­tar­par­put. Jehovap Jiisusimik tatigin­nin­neratut kif­fami eqimat­tatut er­nini ilin­niarfigil­luarumaaraat tatigaa. – 1 Petr 2:21.

 7. Mat­thæusi 17:1-5 naaper­torlugit Jehova qilam­miit qanga oqalup­pa, qanorlu oqar­pa?

⁷ Matthæusi 17:1-5 atuakkit. Jiisusip ‘al­lan­ngor­nerani’ Jehova qilam­miit aap­pas­saanik oqalup­poq. Jiisusip Petrusi, Jaaku Johan­nesilu qaq­qamut por­tusoorsuarmut majuaqatiserai. Qaq­qamiitil­lutik im­mik­kuul­laris­sumik takun­nip­put. Jiisusip kiinaa qaamaninil­luni atisaalu qaamaner­tut il­lutik in­ngianarsip­put. Taava Mosesimut Eliamul­lu as­sersuutaasut saq­qum­mer­put Jiisusil­lu toqunis­saa makititaanis­saalu pil­lugit taan­na oqaloqatigilerlugu. Apustilit pingasut ‘uer­narlutik sinilersimagaluarlutik’ taamatut im­mik­kuul­laris­sumik takusaqar­nermin­ni eq­qumap­put. (Luk 9:29-32) Taava nuis­samik qaamasumik ulin­neqar­put nuis­samiil­lu Guutip nipaa tusaalerlugu. Soorlu Jiisusip kuisin­nerani oqarsimanermisut Jehovap taan­na akuerinerarlugulu asanerar­paa ima oqarluni: “Tas­sa er­nera asasara nuan­narisara.” Tamatumuunak­kul­li Jehova ima nangip­poq: “Taan­na tusarsiuk!”

 8. Takorruugaq Jiisusip ajoqersuk­kal­lu qanoq sun­ner­neqaatigaat?

⁸ Takorruugaq taman­na Guutip naalagaaf­fiani Jiisusip kun­ngitut naalan­nas­suseqar­nis­saanut pis­saaneqar­nis­saanul­lu qilanaar­tuutaavoq. Qular­nan­ngitsumik Jiisusip taman­na naal­liun­nis­samini toqutaanis­saminilu aalajaan­nis­saminut nakus­satsis­sutigisimas­savaa. Aam­ma ajoqersuk­kat takorruuisin­neqar­ner­tik up­per­nermin­nik nakus­satsis­sutigaat misilin­neqar­nis­samin­nilu as­suar­naat­tuar­nis­samut sulias­samin­nul­lu piareersaatigalugu. Ukiut 30-t mis­saat qaangiut­tut apustilip Petrusip takorruugaq taman­na eq­qaavaa ersersil­lugu suli eq­qaamal­luarlugu. – 2 Petr 1:16-18.

 9. Jiisusip ajoqersuk­kani qanoq atoriaan­naasunik siun­nersor­pai?

⁹ “Taanna tusarsiuk!” Jehovap erseq­qis­sar­paa kis­saatigalugu er­nermi oqaasii tusar­naarlugil­lu maleruas­sagivut. Jiisusi nunarsuarmiik­kal­larami sumik oqariar­tuuteqarami? Tusar­naar­nis­samut pingaarutilip­pas­suar­nik oqariar­tuuteqar­poq! As­sersuutigalugu ajoqersuk­kani nutaarsias­samik nuan­nersumik qanoq oqaluus­sisin­naaneran­nik asan­nil­luni ilin­niar­tip­pai eq­qaasit­taqat­taarlugil­lu eq­qumajuaq­qul­lugit. (Matt 24:42; 28:19, 20) Aam­ma ‘ilungersoq­quai’ piner­tusaar­tuar­nis­saan­nil­lu kajumis­saarlugit. (Luk 13:24) Ajoqersuk­kami asaqatigiit­tariaqar­nerat, ataasioqatigiit­tariaqar­nerat inas­sutiminil­lu maleruaasariaqar­nerat Jiisusip ilin­niar­titsis­sutigaa. (Joh 15:10, 12, 13) Jiisusip ajoqersuk­kaminut siun­nersuutaasa atoriaan­naas­susii! Siun­nersuutai aam­ma nalitsin­ni atorluar­neqarsin­naap­put.

10-11. Qanoq up­per­narsarsin­naavar­put Jiisusip nipaa tusar­naarlutigu?

¹⁰ Jiisusi ima oqar­poq: “Sal­lusuis­sum­mit pisup kial­luun­niit nipiga tusar­tar­paa.” (Joh 18:37) ‘Kamageqatigiil­luta isumak­keerfigeqatigiik­kaangat­ta’ up­per­narsar­tar­par­put Jiisusip nipaa tusar­naarlutigu. (Kol 3:13; Luk 17:3, 4) Aam­ma “qanoq ilisuk­kul­luun­niit” aal­lus­sil­luarluta oqaluus­sisar­nik­kut nipaanut tusar­naar­ner­put ersersit­tar­par­put. – 2 Tim 4:2.

¹¹ Jiisusi ima oqar­poq: “Savaatima nipiga tusar­tar­paat.” (Joh 10:27) Ajoqersuk­kat Jiisusimut tusar­naarlutik ersersit­tar­paat oqaasii tusar­naagin­nar­nagit aam­mali taak­ku malil­lugit iliuuseqar­nik­kut. ‘Inuunerup matuma piinik isumakuluutinit’ al­lamut saasar­neqar­neq ajor­put. (Luk 21:34) Jiisusil­li peq­qus­sutaanik naalan­nis­saq, ajor­naraluar­pal­luun­niit, pingaar­nerutip­paat. Qatan­ngutivut amerlasuut arlalip­pas­suar­tigut misilin­neqar­tar­put, soorlu akerlilersuisunit saas­sun­neqarlutik, piitsuungaarlutik pin­ngor­titamilu ajunaar­nersuar­nit eq­qugaal­lutik. Qanorluun­niit nalaataqaraluarlutik Jehovamut aalajaat­tuar­put. Taak­ku Jiisusip tup­pal­lersarlugit ima neriorsor­pai: “Inas­sutin­nik pigin­nil­lunilu aalajangius­sisoq tas­saavoq uan­nik asan­nit­toq; uan­nil­lu asan­nit­toq Ataatan­nit asaneqas­saaq.” – Joh 14:21.

12. Jiisusimut tusar­naar­ner­put qanoq al­latigut ersersis­sin­naavar­put?

¹² Jiisusimut tusar­naar­ner­put aam­ma al­latigut ersersis­sin­naavar­put, tas­sa qatan­ngutit angutit siulersuisus­satut Jiisusip toq­qagaasa suleqatiginerisigut. (Hebr 13:7, 17) Ukiuni kingul­ler­ni Guutip peqatigiis­sor­taani al­lan­nguinerit arlaliusimap­put, soorlu oqaluus­sinitsin­ni periaatsit ator­tul­lu nutaat, ul­luin­nar­ni ataatsimiin­ner­put, naalagaaf­filersaarfitsin­nik sanaar­toriaaseq, iluarsar­tuus­seriaaseq aserfal­latsaaliueriaaserlu. Siulersueriaaseq taman­na uagutsin­nut iluaqutaavoq Guutil­lu peqatigiis­sor­taanit asaneqar­nitsin­nut up­per­narsaataal­luni. Taman­nalu qujamasuutigingaar­par­put! Peqatigiif­fiup pif­fis­saq eq­qorlugu ilitsersuutai maleruar­niar­tuarutsigit Jehovap pil­luaq­qujumaaraatigut qularutigis­san­ngilar­put.

13. Jiisusimut tusar­naar­neq sunik iluaqutis­sar­taqar­pa?

¹³ Jiisusip ilin­niar­titsis­sutai tamaasa tusar­naaraangatsigit iluaqutigisar­pavut. Jiisusip ajoqersuk­kani neriorsor­pai ajoqersuus­sutigisani nukis­saqalis­sutigiumaaraat. Ima oqar­poq: “Nukis­saqalis­saasi. Ersuutigami iluaqaaq ersutaralu oqeqaluni.” (Matt 11:28-30, NW) Guutip oqaasia, Jiisusip inuunera kif­far­tor­neralu pil­lugit iivangkiiliunik sisamanik imalik, anersaak­kut nukis­saqalis­sutigalugulu ilisimas­suseqalis­sutigaar­put. (Tuss 19:8; 23:3) Jiisusi ima iner­niliivoq: “Ilumum­mi, pil­luar­put Guutip oqaasianik tusar­tut toq­qorlugulu!” – Luk 11:28.

14-15. (a) Johan­nesi 12:27, 28-milu eq­qaaneqar­tutut qanga Jehova qilam­miit pingajus­saaneerluni oqalup­pa? (b) Sooq Jehovap oqaasii Jiisusip tup­pal­lersaatigalugil­lu nakus­satsis­sutigisimas­savai?

¹⁴ Johannesi 12:27, 28 atuakkit. Johan­nesip iivangkiiliuani Jehovap qilam­miit pingajus­saanik oqalun­nera al­laatigineqar­poq. Toqus­si ul­lunik arlaqan­ngitsunik sioq­qul­lugu Jiisusi Jerusalemimiip­poq naggam­mik poorskisioriar­torluni. Er­numanerar­poq, imali qinul­luni: “Ataataq, aq­qit naalan­narsisiguk!” Ataataa qilam­miit ima akivoq: “Naalan­narsisereer­para, naalan­narsiseq­qik­kumaar­paralu.”

¹⁵ Jiisusi er­numavoq Jehovamut aalajaan­nis­sani akisus­saaf­ferujus­suar­tut isigigamiuk. Nalun­ngilaa naal­liutsin­neqarluni iperar­tugaasus­saal­luni peq­qar­niitsumil­lu toqutaasus­saal­luni. (Matt 26:38) Jiisusip Ataatami aq­qata naalan­narsisin­nis­saa sunit tamanit pingaar­tin­neruaa. Jiisusi Guutimut mital­liisutut un­nerluus­saavoq, toqutaanis­samilu Guutimut kan­ngunarsaataanis­saa er­numas­sutigaa. Jehoval­li oqaasii Jiisusip nuan­naarutigingaarsimas­savai. Jehovap aq­qata naalan­narsisin­nis­saa Jiisusip up­peril­luin­narsin­naavaa. Piumaar­tus­sat eq­qarsaatigalugit Ataatami oqaasii Jiisusip tup­pal­lersaatigalugil­lu nakus­satsis­sutigisimas­savai. Pif­fis­sami tamatumani im­maqa Jiisusip kisimi Ataatami oqaasii paasisimagaluarai Jehovap oqaatsimi tamat­ta iluaqutigisatsin­nik al­latsin­nis­saat isumagaa. – Joh 12:29, 30.

16. Sooq ilaan­nik­kut Guutip aq­qata kan­ngunarsar­neqar­nis­saa er­numas­sutigisin­naavar­put?

¹⁶ Jiisusitut aam­ma uagut Jehovap aq­qata kan­ngunarsar­neqar­nis­saa er­numas­sutigisin­naavar­put. Imaas­sin­naavoq Jiisusi as­sigalugu naaper­tuil­luan­ngitsumik pineqar­tar­tugut, imaluun­niit akerlilersuisut eq­qun­ngitsunik oqaluuserinerluineri anersaaruluutigigivut. Eq­qarsarsin­naavugut taak­kua sal­luliuutaat Jehovap aq­qanut peqatigiis­sor­taanul­lu nikanarsaataasut. Taamaat­toqar­til­lugu Jehovap oqaasii uagutsin­nut tup­pal­lersaataangaar­put. Ingasat­tumik isumakulut­tariaqan­ngilagut. ‘Eq­qis­sinerup Guutimit pisup siuneqas­suser­nit tamanit an­nerungaar­tup uum­mativut eq­qarsaativul­lu ser­nigis­sagai Kristusi-Jiisusimi’ qularutigis­san­ngilar­put. (Fil 4:6, 7) Jehovap atini naalan­narsisit­tuaan­nas­savaa. Naalagaaf­fini aq­qutigalugu Guutip kif­fani aalajaatsut ikiorlugit Saatanip taas­sumalu silarsuaata ajoqusiineri tamaasa aaq­qil­luin­nas­savai. – Tuss 94:22, 23; Es 65:17.

17. Esaja 30:21-mi al­laatigineqar­neratut Jehovap nalitsin­ni qanoq oqaluut­tar­paatigut?

¹⁷ Jehovap aam­ma nalitsin­ni oqaluut­tar­paatigut. (Esaja 30:21 atuaruk). Ilumoor­poq Guutip nipaa qilam­miit tusaaneq ajorip­put. Taamaat­torli oqaatsini al­latsitani, Biibili, tun­nius­simavaa taan­nalu aq­qutigalugu ilitsersuut­tarluta. Tamatuma saniatigut Jehovap anersaavanit sun­ner­til­luni ‘pilit­taq’ aalajaatsoq Guutip kif­faanut anersaak­kut nerisas­sanik pilersuiuar­poq. (Luk 12:42) Anersaak­kut inuus­sutis­sat naqitik­kat inter­netimiit­tul­lu aam­ma filmit im­mius­sal­lu amerlangaaramik, ilaa?

18. Jehovap oqaasii qanoq up­per­nin­nut nakus­satsis­sutigalugil­lu sapiin­nerulis­sutigaagit?

¹⁸ Jehovap er­nini nunarsuarmiim­mat oqaaserisai eq­qaamajuar­tigit! Guutip oqaasiinit Biibilimi al­lan­neqarsimasunit qularun­naarsin­neqarisa Jehovap suut tamaasa aquk­kai aam­ma Saatanip silarsuaatalu ajor­tup uagutsin­nik ajoqusiineri tamaasa aaq­qis­sin­naagai. Aalajangiusimatigulu Jehovap nipaanut tusar­naarluar­nis­sar­put. Taamaaliorut­ta up­peril­luin­narsin­naavar­put ajor­nar­torsiutit nalaatavut nalaatas­savul­lu naam­magalugit atorsin­naal­lugit. Biibilimi ima eq­qaasin­neqar­pugut: “Nikal­lujuis­susermi atorfis­saqar­tip­parsi Guutip piumasaa iliuuserisin­naajumal­lugu neriorsuutigisaalu pis­sarsiaralugu.” – Hebr 10:36.