• Tarnikkut iluunngarlutit kiffartornerit Jehovap pingaartippaa
    Napasuliaq — 1997 | 1. novembari

    • 16. (a) Qanoq ililluni Jesusip takuaa uillarneq piitsoq tunissuteqartoq? (b) Uillarnerup aningaasaatai qanoq naleqartigippat?

      16 Ullualuit qaangiuttut nisanip 11-ani Jesus sivisuumik naalaffimmiippoq, tamaanilu ilaatigut oqartussaassusia apeqquserneqarpoq. Apeqqutigineqartuttaaq ajornakusoortut akileraarutinut, makititaanissamut allanullu tunngasut torrallallugit akisaqattaarpai. Aamma allakkanik ilisimasut farisiiarillu ’uillarnerit illuinik nungutitsisartutut’ avoqqaarai. (Mákorse 12:40) Taava Jesus qularnanngitsumik arnanut silarliliamut, juutit kingornussarsiaat naapertorlugit 13-inik tunissutinut nakkaatitsivilerneqarsimasumut, ingippoq. Tassani issiarusaarpoq tunissutissaminnillu aggiussisut isiginnaarlugit. Pisoorpassuit takkuttarput, immaqa ilaat imminut iluartuutippaseqisut immaqalu allaat tunissutiginiakkatik assut malugeqqusaarlugit. (Naleqqiuguk Matîuse 6:2.) Jesusilli arnaq ataaseq aalajangersimasoq maluginiartorujussuuaa. Immaqa inuit amerlanersaasa arnaq taanna tunissutaaluunniit immikkut maluginiarnavianngikkaluarpaat. Jesusilli, uummatinik atuaasinnaasup, nalunngilaa ’uillarnerusoq piitsoq’. Aammattaaq nalunngilaa qasserpiaat tunissutigigai — ’quppakut marluk’ naleqannginngajattut.b — Mákorse 12:41, 42.

  • Tarnikkut iluunngarlutit kiffartornerit Jehovap pingaartippaa
    Napasuliaq — 1997 | 1. novembari

    • b ’Quppakut’ marluk taakku tamarmik immikkut tassaapput leptonit, taamanikkut juutit aningaasaasa minnersaat. Leptat marluk ullormut akissarsiat 1/64-iata naligaat. Assersuutigalugu, Matîuse 10:29 naapertussagaanni assarionimik ataatsimik (leptat arfineq-pingasut nalingannik) qupalorarsunnik, timmissanik piitsut nerisartagaasa akikinnerpaartaasa ilaannik, marlunnik pisisoqarsinnaavoq. Uillarneq taanna piitsuulluinnarsimavoq, qupalorarsummimmi ataatsimik qaarsillaatigineqarsinnaarpianngitsumik pisissutaasinnaasup affaannaanik pigisaqarsimavoq.