-
សកម្មភាព ៧:៣០-៣៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣០ «លុះ៤០ឆ្នាំក្រោយមក ទេវតាមួយរូបបានលេចមកជួបគាត់នៅតំបន់ស្ងាត់ជ្រងំភ្នំស៊ីណាយក្នុងអណ្ដាតភ្លើងដែលកំពុងឆេះគុម្ពបន្លាមួយ។+ ៣១ ពេលដែលម៉ូសេឃើញ គាត់នឹកអស្ចារ្យក្នុងចិត្ត។ ប៉ុន្តែ កាលដែលគាត់កំពុងចូលទៅជិតដើម្បីពិនិត្យមើល គាត់ឮសំឡេងរបស់ព្រះយេហូវ៉ា*ថា៖ ៣២ ‹ខ្ញុំជាព្រះនៃបុព្វបុរសរបស់អ្នក ជាព្រះនៃអាប្រាហាំ ព្រះនៃអ៊ីសាក និងព្រះនៃយ៉ាកុប›។+ ម៉ូសេក៏ញ័ររន្ធត់ ហើយមិនហ៊ានពិនិត្យមើលតទៅទៀតទេ។ ៣៣ ព្រះយេហូវ៉ា*មានប្រសាសន៍ទៅគាត់ថា៖ ‹ចូរដោះស្បែកជើងចេញ ព្រោះកន្លែងដែលអ្នកកំពុងឈរជាដីបរិសុទ្ធ។ ៣៤ ខ្ញុំបានឃើញច្បាស់នូវការសង្កត់សង្កិនរាស្ដ្ររបស់ខ្ញុំដែលនៅស្រុកអេហ្ស៊ីប ក៏បានឮពួកគេថ្ងូរ+ ហើយខ្ញុំបានចុះមកដើម្បីរំដោះពួកគេ។ ដូច្នេះ ចូរមកចុះ ខ្ញុំនឹងចាត់អ្នកឲ្យទៅស្រុកអេហ្ស៊ីប›។
-