៤ ពួក​បុរស​របស់​ដាវីឌ​និយាយ​ទៅ​គាត់​ថា​៖ ​«​នេះ​ជា​ថ្ងៃ​ដែល​ព្រះ​យេហូវ៉ា​មាន​ប្រសាសន៍​ទៅ​អ្នក​ថា​៖ ‹មើល! ខ្ញុំ​នឹង​ប្រគល់​សត្រូវ​ទៅ​ក្នុង​កណ្ដាប់​ដៃ​របស់​អ្នក។+ សូម​អ្នក​ធ្វើ​តាម​អ្វី​ដែល​អ្នក​គិត​ថា​ល្អ​ចុះ!›​»។ ហេតុ​នេះ ដាវីឌ​ក្រោក​ឡើង ហើយ​ដើរ​លប​ៗ​ចូល​ទៅ​កាត់​ជាយ​អាវ​វែង​របស់​សុល។

២៣ ព្រះ​យេហូវ៉ា​នឹង​សង​ដល់​មនុស្ស​ម្នាក់​ៗ​តាម​សេចក្ដី​សុចរិត​និង​សេចក្ដី​ស្មោះ​ត្រង់​របស់​ពួក​គេ​រៀង​ៗ​ខ្លួន។+ នៅ​ថ្ងៃ​នេះ ព្រះ​យេហូវ៉ា​បាន​ប្រគល់​លោក​មក​ក្នុង​កណ្ដាប់​ដៃ​ខ្ញុំ តែ​ខ្ញុំ​មិន​ព្រម​លើក​ដៃ​ទាស់​នឹង​អ្នក​ដែល​ព្រះ​យេហូវ៉ា​បាន​រើស​តាំង​ឡើយ។+