២ រួច​មក បុរស​នោះ​បាន​ស្រែក​ឡើង​ទាស់​នឹង​ទី​បូជា​នោះ តាម​ប្រសាសន៍​របស់​ព្រះ​យេហូវ៉ា​ថា​៖ ​«​ឱ​ទី​បូជា ទី​បូជា​អើយ! ព្រះ​យេហូវ៉ា​មាន​ប្រសាសន៍​ដូច្នេះ​ថា​៖ ‹មើល! នឹង​មាន​កូន​ប្រុស​ម្នាក់​កើត​ពី​ពូជ​ពង្ស​របស់​ដាវីឌ ឈ្មោះ​យ៉ូសៀស។+ គាត់​នឹង​យក​ពួក​សង្ឃ​នៃ​ទី​ខ្ពស់​ពិសិដ្ឋ មក​បូជា​នៅ​លើ​ឯង គឺ​ពួក​អ្នក​ដែល​ដុត​គ្រឿង​បូជា​លើ​ឯង​ឲ្យ​ផ្សែង​ហុយ​ឡើង ហើយ​គាត់​ក៏​នឹង​យក​ឆ្អឹង​មនុស្ស​មក​ដុត​នៅ​លើ​ឯង​ដែរ›​»។+

១ នៅ​គ្រា​យ៉ូសៀស+ជា​ស្ដេច​ស្រុក​យូដា​ត្រូវ​ជា​កូន​អេម៉ុន+ ព្រះ​យេហូវ៉ា​បាន​មាន​ប្រសាសន៍​មក​កាន់​សេផានា។* សេផានា​ជា​កូន​គូសាយ គូសាយ​ជា​កូន​កេដាលៀ កេដាលៀ​ជា​កូន​អាម៉ារៀ ហើយ​អាម៉ារៀ​ជា​កូន​ហេសេគា។ ព្រះ​មាន​ប្រសាសន៍​មក​គាត់​ដូច​ត​ទៅ​៖