៨ ផែនដី​ចាប់​ផ្ដើម​កក្រើក​យោល​យោក+

គ្រឹះ​នៃ​ផ្ទៃ​មេឃ​រញ្ជួយ​ញាប់​ញ័រ+

ហើយ​រង្គើ​ឥត​ឈប់​ឈរ​ដោយ​សារ​កំហឹង​របស់​លោក។+

 ៩ មាន​ផ្សែង​ហុយ​ចេញ​ពី​ច្រមុះ​របស់​លោក

ហើយ​អណ្ដាត​ភ្លើង​ឆាប​ឆេះ​ចេញ​ពី​មាត់​របស់​លោក+

រងើក​ភ្លើង​ក៏​ឆេះ​សន្ធោ​សន្ធៅ​ចេញ​ពី​លោក​ដែរ។

១០ លោក​ធ្វើ​ឲ្យ​មេឃ​ទេរ ពេល​ដែល​លោក​ចុះ​មក+

ដោយ​មាន​ពពក​ខ្មៅ​ងងឹត​នៅ​ក្រោម​ជើង​លោក។+

១១ លោក​នៅ​ពី​លើ​ចេរូប៊ីន+ ហើយ​ហោះ​មក

មើល​ទៅ​ដូច​ជា​លោក​នៅ​លើ​ស្លាប​របស់​ទេវតា។+

១២ លោក​ដាក់​ភាព​ងងឹត​ធ្វើ​ជា​ទី​បាំង​ជុំវិញ​លោក+

គឺ​លោក​នៅ​ក្នុង​ពពក​ខ្មៅ​ងងឹត។

១៤ ព្រះ​យេហូវ៉ា​ធ្វើ​ឲ្យ​មាន​ផ្គរ​លាន់​ចេញ​ពី​លើ​មេឃ+

ព្រះ​ដ៏​ខ្ពង់​ខ្ពស់​បំផុត​បាន​បន្លឺ​សំឡេង​ចេញ​មក។+

១៥ លោក​បាញ់​ព្រួញ+ ហើយ​កម្ចាត់​កម្ចាយ​ពួក​សត្រូវ

លោក​បញ្ចេញ​ផ្លេក​បន្ទោរ ធ្វើ​ឲ្យ​ពួក​គេ​ច្របូក​ច្របល់។+

១៦ ដោយ​សារ​ការ​ស្ដី​បន្ទោស​របស់​ព្រះ​យេហូវ៉ា​នោះ​គ្រឹះ​នៃ​ផែនដី​បាន​ត្រូវ​បើក​ចំហ

និង​ដោយ​សារ​ខ្យល់​គំហុក​ចេញ​ពី​ច្រមុះ​របស់​លោក+

នោះ​បាត​សមុទ្រ​ក៏​បាន​ត្រូវ​បើក​បង្ហាញ​ដែរ។+

១៨ សំឡេង​ផ្គរ​លាន់​របស់​លោក+ប្រៀប​ដូច​ជា​សំឡេង​សន្ធឹក​កង់​រទេះ​ចម្បាំង

ផ្លេក​បន្ទោរ​ភ្លឺ​ឆ្វាច​ពេញ​ផែន​ដី+

ហើយ​ផែន​ដី​ក៏​កក្រើក​រញ្ជួយ។+