បណ្ណាល័យអ៊ីនធឺណិតរបស់ប៉មយាម

អែសរ៉ា ១:១, ២

គម្ពីរបរិសុទ្ធសេចក្ដីបកប្រែពិភពលោកថ្មី
- ១ នៅឆ្នាំទី១ក្នុងរាជ្យស៊ីរូស+ជាស្ដេចស្រុកពើស៊ី ព្រះយេហូវ៉ាបានបណ្ដាលឲ្យចិត្តគាត់ចេញសេចក្ដីប្រកាសមួយនៅទូទាំងរាជាណាចក្ររបស់គាត់។+ ព្រះយេហូវ៉ាបានធ្វើដូច្នេះ ដើម្បីឲ្យប្រសាសន៍របស់លោកតាមរយៈយេរេមា+បានក្លាយជាការពិត។ ការប្រកាសនោះមានសេចក្ដីដូចតទៅ៖
  
  ២ «ស៊ីរូសជាស្ដេចស្រុកពើស៊ីបានមានប្រសាសន៍ដូច្នេះថា៖ ‹ព្រះយេហូវ៉ាជាព្រះនៃស្ថានសួគ៌បានប្រគល់រាជាណាចក្រទាំងប៉ុន្មាននៅផែនដី+ មកក្នុងកណ្ដាប់ដៃខ្ញុំ ហើយលោកបានបង្គាប់ខ្ញុំឲ្យសង់វិហារមួយជូនលោក នៅក្រុងយេរូសាឡិម*+ក្នុងស្រុកយូដា។

អេសាយ ៤១:២៥

គម្ពីរបរិសុទ្ធសេចក្ដីបកប្រែពិភពលោកថ្មី
- ២៥ ខ្ញុំបានជំរុញចិត្តបុគ្គលម្នាក់ពីទិសខាងជើងឲ្យមក ហើយគាត់នឹងមកជាមិនខាន+
  គាត់ជាអ្នកដែលមកពីទិសខាងកើត+ គាត់នឹងហៅរកនាមខ្ញុំ។
  
  គាត់នឹងជាន់ឈ្លីពួកអ្នកគ្រប់គ្រងដូចជាដីឥដ្ឋ+ គឺដូចជាងស្មូនជាន់ដីឥដ្ឋទន់។

អេសាយ ៤៥:១

គម្ពីរបរិសុទ្ធសេចក្ដីបកប្រែពិភពលោកថ្មី
- ៤៥ ព្រះយេហូវ៉ាមានប្រសាសន៍ទៅកាន់ស៊ីរូស+ជាអ្នកដែលលោកបានរើសតាំង ហើយលោកបានកាន់ដៃស្ដាំគាត់+
  ដើម្បីបង្ក្រាបប្រជាជាតិនានានៅចំពោះមុខគាត់+
  ដើម្បីដកអាវុធពីបណ្ដាស្ដេច និងដើម្បីបើកទ្វារទាំងពីរនៅចំពោះមុខគាត់
  យ៉ាងនេះ ខ្លោងទ្វារចូលក្រុងនឹងមិនត្រូវបិទទេ។ លោកមានប្រសាសន៍ដូចតទៅ៖

អេសាយ ៤៦:១១

គម្ពីរបរិសុទ្ធសេចក្ដីបកប្រែពិភពលោកថ្មី
- ១១ ខ្ញុំនឹងហៅឥន្ទ្រីមួយពីទិសខាងកើត+
  ខ្ញុំនឹងហៅបុរសម្នាក់ពីស្រុកឆ្ងាយ ឲ្យមកធ្វើតាមបំណងប្រាថ្នារបស់ខ្ញុំ។+
  
  ពាក្យដែលចេញពីមាត់ខ្ញុំហើយ នឹងមិនវិលមកវិញដោយឥតកើតការនោះទេ
  អ្វីដែលខ្ញុំមានគោលបំណងធ្វើហើយ នឹងសម្រេចជាក់ជាមិនខាន។+

ដានីយ៉ែល ១០:១

គម្ពីរបរិសុទ្ធសេចក្ដីបកប្រែពិភពលោកថ្មី
- ១០ នៅឆ្នាំទី៣ក្នុងរាជ្យស៊ីរូស+ជាស្ដេចស្រុកពើស៊ី ដានីយ៉ែលដែលហៅថាបេលថេសាសា+ បានទទួលការបើកបង្ហាញមួយ។ ដំណឹងក្នុងការបើកបង្ហាញនោះជាការពិត ហើយដំណឹងនោះរៀបរាប់អំពីសង្គ្រាមដ៏ធំ។ ដានីយ៉ែលបានយល់ដំណឹងនោះ ហើយបានទទួលការពន្យល់អំពីអ្វីដែលគាត់បានឃើញ។