សៀវភៅម៉ាថាយ

១ នេះ​ជា​សៀវភៅ​ជីវប្រវត្ដិ​របស់​លោក​យេស៊ូ​គ្រិស្ត*ជា​កូន*របស់​ដាវីឌ+ និង​ជា​កូន​របស់​អាប្រាហាំ​៖+

១៧ ដូច្នេះ ពី​អាប្រាហាំ​រហូត​ដល់​ដាវីឌ​មាន​១៤​ជំនាន់ ពី​ដាវីឌ​រហូត​ដល់​ពេល​និរទេស​ទៅ​បាប៊ីឡូន​មាន​១៤​ជំនាន់ ហើយ​ពី​ពេល​និរទេស​ទៅ​បាប៊ីឡូន​រហូត​ដល់​គ្រិស្ត​មាន​១៤​ជំនាន់។

១៨ ដំណើរ​រឿង​អំពី​កំណើត​របស់​លោក​យេស៊ូ​គ្រិស្ត​គឺ​ដូច​ត​ទៅ​៖ ម៉ារៀ​ជា​ម្ដាយ​របស់​លោក និង​ជា​គូ​ដណ្ដឹង​របស់​យ៉ូសែប។ ប៉ុន្តែ មុន​ពេល​ម៉ារៀ​និង​យ៉ូសែប​ចាប់​ផ្ដើម​រួម​រស់​ជា​ប្ដី​ប្រពន្ធ នាង​មាន​ផ្ទៃ​ពោះ​ដោយ​ឫទ្ធានុភាព​បរិសុទ្ធ+របស់​ព្រះ​រួច​ហើយ។ ១៩ ក៏​ប៉ុន្តែ ដោយ​សារ​យ៉ូសែប​ដែល​ជា​ប្ដី*របស់​នាង ជា​មនុស្ស​សុចរិត នោះ​គាត់​មិន​ចង់​ធ្វើ​ឲ្យ​នាង​អាម៉ាស់​មុខ​ឡើយ។ ដូច្នេះ គាត់​គិត​ចង់​លែង​លះ*នាង​ដោយ​សម្ងាត់។+ ២០ ប៉ុន្តែ ក្រោយ​ពី​យ៉ូសែប​បាន​គិត​អំពី​រឿង​ទាំង​នេះ​រួច​ហើយ នោះ​ទេវតា​របស់​ព្រះ​យេហូវ៉ា*បាន​លេច​មក​ក្នុង​សុបិន ហើយ​ប្រាប់​គាត់​ថា​៖ ​«​យ៉ូសែប កូន​ដាវីឌ ចូរ​យក​ម៉ារៀ​ជា​ប្រពន្ធ​ទៅ​ផ្ទះ​របស់​អ្នក ហើយ​កុំ​ខ្លាច​ឡើយ ព្រោះ​នាង​មាន​ផ្ទៃ​ពោះ គឺ​ដោយ​សារ​ឫទ្ធានុភាព​បរិសុទ្ធ​របស់​ព្រះ។+ ២១ នាង​នឹង​បង្កើត​បុត្រ​មួយ ហើយ​អ្នក​ត្រូវ​ដាក់​ឈ្មោះ​បុត្រ​នោះ​ថា​យេស៊ូ*+ ព្រោះ​លោក​នឹង​សង្គ្រោះ​មនុស្ស​ឲ្យ​រួច​ពី​ការ​ខុស​ឆ្គង*របស់​ពួក​គេ​»។+ ២២ ការ​ទាំង​នេះ​បាន​កើត​ឡើង​ពិត​មែន ដើម្បី​សម្រេច​ទំនាយ​របស់​ព្រះ​យេហូវ៉ា*ដែល​មក​តាម​រយៈ​អ្នក​ប្រកាស​ទំនាយ​របស់​លោក។ ទំនាយ​នោះ​ថា​៖ ២៣ ​«​មើល! ស្រី​ក្រមុំ​បរិសុទ្ធ​នឹង​មាន​ផ្ទៃ​ពោះ ហើយ​នាង​នឹង​បង្កើត​បាន​បុត្រ​មួយ។ ពួក​គេ​នឹង​ដាក់​ឈ្មោះ​បុត្រ​នោះ​ថា​អេម៉ាញូអែល​»​+ ដែល​បក​ប្រែ​ថា​«​ព្រះ​នៅ​ជា​មួយ​នឹង​យើង​»។+

២៤ ក្រោយ​ពី​នោះ យ៉ូសែប​ភ្ញាក់​ពី​ដំណេក ហើយ​យក​ប្រពន្ធ​ទៅ​ផ្ទះ​របស់​គាត់ ដូច​ដែល​ទេវតា​របស់​ព្រះ​យេហូវ៉ា*បាន​បង្គាប់។ ២៥ ប៉ុន្តែ យ៉ូសែប​មិន​បាន​រួម​ដំណេក​ជា​មួយ​នឹង​ម៉ារៀ​ឡើយ រហូត​ដល់​នាង​បាន​បង្កើត​កូន​ហើយ។+ រួច​យ៉ូសែប​បាន​ដាក់​ឈ្មោះ​កូន​នោះ​ថា​យេស៊ូ។+