-
«ចូរត្រាប់តាមព្រះ»ពេលអ្នកប្រើអំណាចរបស់ខ្លួនចូរចូលទៅជិតព្រះយេហូវ៉ា
-
-
១០. (ក) តើព្រះបានប្រទានអំណាចអ្វីដល់មាតាបិតា? (ខ) តើអ្វីជាអត្ថន័យពាក្យថា«ដំបូន្មាន»? ហើយតើដំបូន្មានត្រូវជូនដោយដូចម្ដេច? (សូមមើលសម្គាល់ហេតុ)
១០ ព្រះក៏បានប្រទានអំណាចដល់មាតាបិតាដែរ។ ព្រះគម្ពីរបង្គាប់ថា៖ «ឪពុករាល់គ្នាអើយ! កុំឲ្យចាក់រុកកូនរបស់ខ្លួនឡើយ ចូរបង្រៀនវាទៅតាមដំបូន្មាន នឹងសេចក្ដីដាស់តឿនរបស់ព្រះអម្ចាស់វិញ»។ (អេភេសូរ ៦:៤) ក្នុងព្រះគម្ពីរ ពាក្យថា«ដំបូន្មាន»សំដៅទៅលើ«ការអប់រំ ការបង្ហាត់បង្រៀន និងការណែនាំ»។ កូនត្រូវការនូវដំបូន្មាន ហើយពួកគេអាចលូតលាស់និងមានសុភមង្គលច្រើនជាងពេលមានគោលការណ៍ច្បាស់លាស់ ខ្នាតតម្រាជាក់លាក់ និងការកំណត់ត្រឹមត្រូវ។ ព្រះគម្ពីរចែងពីទំនាក់ទំនងរវាងដំបូន្មានឬការណែនាំនិងសេចក្ដីស្រឡាញ់។ (សុភាសិត ១៣:២៤) ដូច្នេះ «រំពាត់វាយផ្ចាល»មិនត្រូវជាការធ្វើបាបកូន មិនថាតាមផ្លូវចិត្តឬក៏ផ្លូវកាយក៏ដោយ។a (សុភាសិត ២២:១៥; ២៩:១៥) ការអប់រំដែលតឹងរ៉ឹងឬឃោរឃៅដោយគ្មានសេចក្ដីស្រឡាញ់ គឺជាការរំលោភទៅលើអំណាចជាមាតាបិតា ហើយនេះអាចនាំឲ្យកូនខូចចិត្តទៅវិញទេ។ (កូល៉ុស ៣:២១) ផ្ទុយទៅវិញ ការអប់រំដែលប្រកបទៅដោយតុល្យភាពយ៉ាងត្រឹមត្រូវ បញ្ជាក់ឲ្យកូនដឹងថា មាតាបិតាស្រឡាញ់កូននិងយកចិត្តទុកដាក់ថាកូននឹងទៅជាបុគ្គលបែបណានៅអនាគត។
-
-
«ចូរត្រាប់តាមព្រះ»ពេលអ្នកប្រើអំណាចរបស់ខ្លួនចូរចូលទៅជិតព្រះយេហូវ៉ា
-
-
a នៅសម័យព្រះគម្ពីរ ពាក្យភាសាហេព្រើរថា«រំពាត់»សំដៅទៅលើដំបងឈើ ដូចអ្នកគង្វាលប្រើដើម្បីនាំចៀម។ (ទំនុកដំកើង ២៣:៤) ស្រដៀងគ្នាដែរ អំណាចជាមាតាបិតាដែលប្រៀបដូចជា«រំពាត់»នោះ សំដៅទៅលើការណែនាំដោយសេចក្ដីស្រឡាញ់ មិនមែនការដាក់ទោសយ៉ាងសាហាវឬឃោរឃៅឡើយ។
-