-
ទំនាយបីអំពីមេស្ស៊ីការគោរពប្រណិប័តន៍ពិតដល់ព្រះយេហូវ៉ាបានត្រូវរៀបចំឡើងវិញហើយ!
-
-
១. «អ្នកដែលមានសិទ្ធិទទួល» (អេសេគាល ២១:២៥-២៧)
គ្រាកំណត់នៃប្រជាជាតិនានា (៦០៧ មុនគ.ស.–១៩១៤ គ.ស.)
៦០៧ មុនគ.ស.—សេដេគាបានត្រូវទម្លាក់ពីតំណែង
១៩១៤ គ.ស.—លោកយេស៊ូជាអ្នកដែលមាន«សិទ្ធិទទួល»រាជាណាចក្រមេស្ស៊ីបានត្រូវតែងតាំងជាស្ដេចហើយក្លាយជាគង្វាល
-
-
«ខ្ញុំនឹងតែងតាំងបុគ្គលម្នាក់ឲ្យឃ្វាលចៀមខ្ញុំ»ការគោរពប្រណិប័តន៍ពិតដល់ព្រះយេហូវ៉ាបានត្រូវរៀបចំឡើងវិញហើយ!
-
-
១៤ របៀបដែលទំនាយនេះបានកើតឡើង។ នៅឆ្នាំ៦០៧ មុនគ.ស. រាជាណាចក្រយូដាដែលជាអំណាចគ្រប់គ្រង«ខ្ពង់ខ្ពស់»នៅក្រុងយេរូសាឡិមបានត្រូវបន្ទាបចុះ គឺនៅពេលដែលជនជាតិបាប៊ីឡូនបំផ្លាញក្រុងយេរូសាឡិម ហើយចាប់ស្ដេចសេដេគាយកទៅធ្វើជាឈ្លើយ។ បន្ទាប់មក ដោយសារលែងមានស្ដេចពីវង្សត្រកូលដាវីឌគ្រប់គ្រងនៅក្រុងយេរូសាឡិមទៀត នោះអំណាចគ្រប់គ្រងរបស់ជនជាតិដទៃដែលជា«អ្នកទន់ទាប»បានត្រូវលើកតម្កើង ហើយឲ្យគ្រប់គ្រងលើផែនដី។ ប៉ុន្តែ ការគ្រប់គ្រងរបស់ពួកគេមានពេលកំណត់។ គ្រារបស់ជនជាតិដទៃឬ«គ្រាកំណត់នៃប្រជាជាតិនានា»បានចប់នៅឆ្នាំ១៩១៤ ពេលដែលព្រះយេហូវ៉ាផ្ដល់អំណាចគ្រប់គ្រងដល់លោកយេស៊ូគ្រិស្ត។ (លូក. ២១:២៤) ក្នុងនាមជាពូជពង្សដាវីឌ លោកយេស៊ូពិតជាមាន«សិទ្ធិ»គ្រប់គ្រងរាជាណាចក្រមេស្ស៊ី។b (ដក. ៤៩:១០) ម្ល៉ោះហើយ តាមរយៈលោកយេស៊ូ ព្រះយេហូវ៉ាបានសម្រេចសេចក្ដីសន្យារបស់លោកឲ្យដាវីឌថាពូជពង្សគាត់នឹងគ្រប់គ្រងរាជាណាចក្រដ៏ស្ថិតស្ថេរជារៀងរហូត។—លូក. ១:៣២, ៣៣
លោកយេស៊ូមានសិទ្ធិធ្វើជាស្ដេចក្នុងរាជាណាចក្រព្រះ (សូមមើលវគ្គ១៥)
១៥. ហេតុអ្វីយើងអាចទុកចិត្តទាំងស្រុងទៅលើលោកយេស៊ូគ្រិស្តដែលជាស្ដេច?
១៥ អ្វីដែលយើងអាចរៀនពីទំនាយនេះ។ យើងអាចមានទំនុកចិត្តទាំងស្រុងទៅលើលោកយេស៊ូគ្រិស្តដែលជាស្ដេច។ ហេតុអ្វី? ពីព្រោះលោកយេស៊ូមិនដូចអ្នកគ្រប់គ្រងក្នុងពិភពលោកនេះទេ។ ពួកគេបានអំណាចគ្រប់គ្រងប្រហែលជាដោយសារការដណ្ដើមអំណាច ឬត្រូវមនុស្សបោះឆ្នោតជ្រើសរើស។ ប៉ុន្តែ លោកយេស៊ូបានត្រូវជ្រើសរើសដោយព្រះយេហូវ៉ា ហើយ«ទទួល . . . រាជាណាចក្រមួយ»ដែលលោកមានសិទ្ធិទទួល។ (ដាន. ៧:១៣, ១៤) ដូច្នេះ យើងពិតជាអាចទុកចិត្តស្ដេចដែលព្រះយេហូវ៉ាបានតែងតាំងដោយផ្ទាល់។
-