-
ការគាំទ្របងប្អូនគ្រិស្តយ៉ាងស្មោះត្រង់ទស្សនាវដ្ដីប៉មយាម ២០១៥ | ១៥ មីនា
-
-
៤ នៅឆ្នាំ១៨៨១ ទស្សនាវដ្ដីប៉មយាម បានរៀបរាប់ថា«កូនមនុស្ស» ឬ«ស្តេច»គឺលោកយេស៊ូ។ ម្យ៉ាងទៀត ទស្សនាវដ្ដីនោះបានពន្យល់ថា«បងប្អូន»របស់ស្តេចមិនគ្រាន់តែជាពួកអ្នកដែលនឹងគ្រប់គ្រងនៅស្ថានសួគ៌ជាមួយនឹងលោកយេស៊ូប៉ុណ្ណោះទេ តែក៏ជាមនុស្សទាំងអស់ដែលនឹងរស់នៅផែនដីដែរ ពេលពួកគេទៅជាមនុស្សល្អឥតខ្ចោះ។ ទស្សនាវដ្ដីនោះបានរៀបរាប់ថាមនុស្សនឹងត្រូវញែកចេញក្នុងអំឡុងការគ្រប់គ្រង១.០០០ឆ្នាំរបស់គ្រិស្ត ហើយថាពួកអ្នកដែលបង្ហាញសេចក្ដីស្រឡាញ់ដូចព្រះក្នុងគ្រប់ការទាំងអស់ ពួកគេនឹងត្រូវហៅថាចៀម។
៥. នៅឆ្នាំ១៩២៣ តើរាស្ត្ររបស់ព្រះបានយល់ឧទាហរណ៍នោះយ៉ាងដូចម្ដេច?
៥ ក្រោយមក ព្រះយេហូវ៉ាបានជួយរាស្ត្ររបស់លោកឲ្យយល់អំពីឧទាហរណ៍នេះកាន់តែច្បាស់។ នៅឆ្នាំ១៩២៣ ទស្សនាវដ្ដីប៉មយាម ថ្ងៃទី១៥ ខែតុលា បានរៀបរាប់ថា«កូនមនុស្ស»គឺលោកយេស៊ូ។ ប៉ុន្តែ ក្រោយមកទស្សនាវដ្ដីនោះបានប្រើខគម្ពីរផ្សេងៗដើម្បីពន្យល់ថា«បងប្អូន»នៅក្នុងឧទាហរណ៍នោះគឺសំដៅលើតែពួកអ្នកដែលនឹងគ្រប់គ្រងជាមួយនឹងលោកយេស៊ូប៉ុណ្ណោះ ហើយថាពួកគាត់ទាំងអស់នឹងនៅស្ថានសួគ៌ក្នុងអំឡុងការគ្រប់គ្រង១.០០០ឆ្នាំ។ ទស្សនាវដ្ដីនោះក៏បានរៀបរាប់ដែរថាចៀមគឺសំដៅលើពួកអ្នកដែលនឹងរស់នៅផែនដីក្រោមការគ្រប់គ្រងរបស់លោកយេស៊ូនិងបងប្អូនរបស់លោក។ ម្យ៉ាងទៀត ដោយសារឧទាហរណ៍នោះរៀបរាប់ថាពួកអ្នកទាំងនេះជួយបងប្អូនរបស់ស្តេច នោះការញែក ឬការវិនិច្ឆ័យនឹងត្រូវកើតឡើងមុនការគ្រប់គ្រង១.០០០ឆ្នាំចាប់ផ្ដើម កាលដែលបងប្អូនទាំងនេះរបស់លោកយេស៊ូដែលព្រះបានរើសតាំងរស់នៅផែនដីនៅឡើយ។ អត្ថបទនេះក៏បានរៀបរាប់ដែរថាចៀមនឹងជាអ្នកដែលជឿលើលោកយេស៊ូ ហើយដែលជឿថារាជាណាចក្រនោះនឹងធ្វើឲ្យជីវិតមនុស្សបានប្រសើរជាង។
-
-
ការគាំទ្របងប្អូនគ្រិស្តយ៉ាងស្មោះត្រង់ទស្សនាវដ្ដីប៉មយាម ២០១៥ | ១៥ មីនា
-
-
៧. តើឧទាហរណ៍នោះមានអត្ថន័យយ៉ាងណា?
៧ សព្វថ្ងៃនេះ យើងយល់ឧទាហរណ៍អំពីចៀមនិងពពែយ៉ាងច្បាស់។ យើងដឹងថា«កូនមនុស្ស» ឬ«ស្តេច»គឺលោកយេស៊ូ។ «បងប្អូន»របស់ស្តេចគឺអ្នកដែលព្រះបានរើសតាំងដោយសកម្មពលបរិសុទ្ធ ហើយដែលនឹងគ្រប់គ្រងនៅស្ថានសួគ៌ជាមួយនឹងលោកយេស៊ូ។ (រ៉ូម ៨:១៦, ១៧) «ចៀម»និង«ពពែ»គឺមនុស្សដែលមកពីគ្រប់ប្រជាជាតិ។ ពួកគេនឹងត្រូវវិនិច្ឆ័យនៅចុងបញ្ចប់នៃគ្រាទុក្ខវេទនាជាខ្លាំងដែលនឹងចាប់ផ្ដើមនៅពេលឆាប់ៗនេះ។ ម្យ៉ាងទៀត យើងដឹងថាលោកយេស៊ូនឹងវិនិច្ឆ័យមនុស្សស្របតាមរបៀបដែលពួកគេប្រព្រឹត្តចំពោះអ្នកដែលព្រះបានរើសតាំងដែលនៅផែនដីនៅឡើយ។ យើងដឹងគុណព្រះយេហូវ៉ាយ៉ាងខ្លាំងដែលលោកបានជួយយើងឲ្យយល់បន្ដិចម្ដងៗនូវឧទាហរណ៍នេះ និងឧទាហរណ៍ផ្សេងទៀតក្នុងម៉ាថាយ ជំពូកទី២៤និង២៥!
-
-
ការគាំទ្របងប្អូនគ្រិស្តយ៉ាងស្មោះត្រង់ទស្សនាវដ្ដីប៉មយាម ២០១៥ | ១៥ មីនា
-
-
៩ ដើម្បីដឹងចម្លើយ ដំបូងយើងត្រូវចាំថាពេលលោកយេស៊ូបង្រៀនមេរៀនណាមួយ លោកប្រើឧទាហរណ៍មួយ។ យើងអាចដឹងថា លោកមិនបានមានប្រសាសន៍អំពីចៀមនិងពពែមែនទែនទេ។ ដូចគ្នាដែរ លោកមិនបានមានប្រសាសន៍ថាមនុស្សគ្រប់រូបដែលនឹងត្រូវវិនិច្ឆ័យថាជាចៀមគួរតែផ្ដល់អាហារនិងសម្លៀកបំពាក់ដល់អ្នកដែលព្រះបានរើសតាំង ថែរក្សាពួកគាត់ពេលពួកគាត់ឈឺ ឬទៅសួរសុខទុក្ខពួកគាត់ពេលពួកគាត់នៅក្នុងគុកឡើយ។ ផ្ទុយទៅវិញ លោកយេស៊ូបានហៅចៀមថា«សុចរិត» ដោយសារពួកគេចាត់ទុកអ្នកដែលព្រះបានរើសតាំងថាជាបងប្អូនរបស់លោកយេស៊ូ ហើយដោយសារពួកគេមានចិត្តស្មោះត្រង់ចំពោះអ្នកដែលព្រះបានរើសតាំងក្នុងអំឡុងគ្រាចុងក្រោយបង្អស់ដ៏លំបាកនេះ។—ម៉ាថាយ ១០:៤០-៤២; ២៥:៤០, ៤៦; ធីម៉ូថេទី២ ៣:១-៥
១០. តើតាមរបៀបណាចៀមអាចជួយបងប្អូនរបស់គ្រិស្ត?
១០ ពេលលោកយេស៊ូលើកឧទាហរណ៍អំពីចៀមនិងពពែ លោកបានមានប្រសាសន៍អំពីអ្វីដែលនឹងកើតឡើងនៅគ្រាចុងបញ្ចប់។ (ម៉ាថាយ ២៤:៣) ជាឧទាហរណ៍ លោកបានមានប្រសាសន៍ថា៖ «ដំណឹងល្អនេះអំពីរាជាណាចក្រនឹងត្រូវផ្សព្វផ្សាយនៅគ្រប់ទីអាស្រ័យនៅផែនដី»។ (ម៉ាថាយ ២៤:១៤) ក្រោយមក មុនលោកបានមានប្រសាសន៍អំពីចៀមនិងពពែ លោកបានលើកឧទាហរណ៍អំពីថាលិន។ លោកយេស៊ូបានលើកឧទាហរណ៍នេះដើម្បីបង្រៀនអ្នកដែលព្រះបានរើសតាំងថាពួកគាត់ត្រូវខំប្រឹងព្យាយាមក្នុងកិច្ចការផ្សព្វផ្សាយ។ ប៉ុន្តែមានតែអ្នកដែលព្រះបានរើសតាំងមួយចំនួនតូចប៉ុណ្ណោះដែលនៅសល់នៅផែនដី ហើយពួកគាត់មានកិច្ចការជាច្រើនដែលត្រូវធ្វើ! លោកយេស៊ូបានប្រាប់អ្នកដែលព្រះបានរើសតាំងឲ្យផ្សព្វផ្សាយដល់«ប្រជាជាតិទាំងឡាយ»មុនទីបញ្ចប់មក។ ដូចក្នុងឧទាហរណ៍អំពីចៀមនិងពពែ យើងរៀនថា«ចៀម»ជួយបងប្អូនរបស់លោកយេស៊ូ។ ម្យ៉ាងទៀត វិធីមួយដ៏ល្អបំផុតដែលពួកគេអាចធ្វើដូច្នេះ គឺជួយបងប្អូនរបស់លោកយេស៊ូក្នុងកិច្ចការផ្សព្វផ្សាយ។ ប៉ុន្តែ តើការគ្រាន់តែធ្វើវិភាគទានជាលុយកាក់សម្រាប់កិច្ចការផ្សព្វផ្សាយ ឬក៏លើកទឹកចិត្តបងប្អូនរបស់គ្រិស្តឲ្យធ្វើកិច្ចការនោះគឺគ្រប់គ្រាន់ឬ?
-