-
ពេលដែលព្រះយេស៊ូយាងមកក្នុងសិរីល្អនៃព្រះរាជាណាចក្រទស្សនាវដ្ដីប៉មយាម ១៩៩៧ | ១ សីហា
-
-
៣, ៤. (ក) តើព្រះយេស៊ូមានបន្ទូលអ្វីប្រាំមួយថ្ងៃមុនការផ្លាស់ប្រែទ្រង់ទ្រាយ? (ខ) សូមរៀបរាប់នូវអ្វីដែលបានកើតឡើងក្នុងកំឡុងការផ្លាស់ប្រែទ្រង់ទ្រាយ។
៣ ប្រាំមួយថ្ងៃមុននឹងការផ្លាស់ប្រែទ្រង់ទ្រាយ ព្រះយេស៊ូបានមានបន្ទូលប្រាប់ពួកកាន់តាមទ្រង់ថា៖ «កូនមនុស្សនឹងមកក្នុងសិរីល្អនៃព្រះវរបិតា ជាមួយនឹងពួកទេវតារបស់លោក គ្រានោះលោកនឹងសងដល់គ្រប់គ្នា តាមការដែលបានធ្វើរៀងខ្លួន»។ ពាក្យទាំងនោះនឹងបានសម្រេចនៅ«គ្រាចុងបញ្ចប់នៃរបបលោកីយ»។ ព្រះយេស៊ូមានបន្ទូលទៀតថា៖ «ខ្ញុំប្រាប់អ្នករាល់គ្នាជាប្រាកដថា ក្នុងពួកអ្នកដែលឈរនៅទីនេះ មានអ្នកខ្លះមិនត្រូវភ្លក់សេចក្ដីស្លាប់ ទាល់តែបានឃើញកូនមនុស្សមកក្នុងនគររបស់លោក»។ (ម៉ាថាយ ១៦:២៧, ២៨; ២៤:៣; ២៥:៣១-៣៤, ៤១; ដានីយ៉ែល ១២:៤) ការផ្លាស់ប្រែទ្រង់ទ្រាយបានកើតឡើង ក្នុងការសម្រេចនៃពាក្យក្រោយទាំងនោះ។
-
-
ពេលដែលព្រះយេស៊ូយាងមកក្នុងសិរីល្អនៃព្រះរាជាណាចក្រទស្សនាវដ្ដីប៉មយាម ១៩៩៧ | ១ សីហា
-
-
៥. តើការផ្លាស់ប្រែទ្រង់ទ្រាយមានឥទ្ធិពលអ្វីលើសាវ័កពេត្រុស?
៥ សាវ័កពេត្រុសបានសម្គាល់ព្រះយេស៊ូរួចហើយថា«ជាព្រះគ្រីស្ទ ជាព្រះរាជបុត្រានៃព្រះដ៏មានព្រះជន្មរស់»។ (ម៉ាថាយ ១៦:១៦) ពាក្យបន្ទូលរបស់ព្រះយេហូវ៉ាពីស្ថានសួគ៌គឺបានបញ្ជាក់នឹងសេចក្ដីសម្គាល់នោះ ហើយចក្ខុនិមិត្តនៃព្រះយេស៊ូដែលបានផ្លាស់ប្រែទ្រង់ទ្រាយ គឺជាការបង្ហាញទុកជាមុនអំពីការយាងមករបស់ព្រះយេស៊ូ ក្នុងព្រះចេស្ដានិងសិរីល្អនៃព្រះរាជាណាចក្រ ដែលទ្រង់នឹងជំនុំជំរះមនុស្សជាតិនៅទីបំផុត។ ជាង៣០ឆ្នាំក្រោយពីការផ្លាស់ប្រែទ្រង់ទ្រាយ សាវ័កពេត្រុសបានសរសេរថា៖ «យើងខ្ញុំបានឲ្យអ្នករាល់គ្នាស្គាល់ដល់ព្រះចេស្ដានៃព្រះយេស៊ូវគ្រីស្ទ ជាព្រះអម្ចាស់នៃយើង នឹងដំណើរដែលទ្រង់យាងមក នោះមិនមែនតាមរឿងព្រេងប្រឌិតដោយដំរិះនោះទេ គឺយើងខ្ញុំជាស្មរបន្ទាល់ ដែលបានឃើញឫទ្ធានុភាពរបស់ទ្រង់ជាក់នឹងភ្នែកវិញ ដ្បិតទ្រង់បានល្បីព្រះនាម នឹងសិរីល្អពីព្រះដ៏ជាព្រះវរបិតា ក្នុងកាលដែលមានឮសំឡេងពីសិរីល្អដ៏ប្រសើរឧត្តម មានបន្ទូលមកទ្រង់ថា៖ ‹នេះជាកូនស្ងួនភ្ងាអញ ជាទីគាប់ចិត្តអញណាស់› យើងខ្ញុំបានឮសំឡេងនោះមកពីលើមេឃ ក្នុងកាលដែលនៅលើភ្នំបរិសុទ្ធជាមួយនឹងទ្រង់»។—ពេត្រុសទី២ ១:១៦-១៨; ពេត្រុសទី១ ៤:១៧
-
-
ពេលដែលព្រះយេស៊ូយាងមកក្នុងសិរីល្អនៃព្រះរាជាណាចក្រទស្សនាវដ្ដីប៉មយាម ១៩៩៧ | ១ សីហា
-
-
៧. (ក) នៅពេលណាដែលការផ្លាស់ប្រែទ្រង់ទ្រាយចាប់ផ្ដើមបានសម្រេច? (ខ) នៅពេលណាដែលព្រះយេស៊ូសងដល់បុគ្គលខ្លះស្របតាមមារយាទរបស់គេ?
៧ តាំងពីការចាប់ផ្ដើមនៃ«ថ្ងៃនៃព្រះអម្ចាស់»ក្នុងឆ្នាំ១៩១៤ ចក្ខុនិមិត្តជាច្រើនដែលយ៉ូហានបានឃើញនោះ បានសម្រេចហើយ។ (វិវរណៈ ១:១០) ចុះយ៉ាងណាវិញ ចំពោះ‹ការយាងមករបស់ព្រះយេស៊ូក្នុងសិរីល្អនៃព្រះវរបិតាទ្រង់› ដែលបានតំណាងដោយការផ្លាស់ប្រែទ្រង់ទ្រាយនោះ? ចក្ខុនិមិត្តនេះបានចាប់ផ្ដើមសម្រេច នៅឯកំណើតនៃព្រះរាជាណាចក្រស្ថានសួគ៌របស់ព្រះក្នុងឆ្នាំ១៩១៤។ នៅពេលដែលព្រះយេស៊ូ ដូចផ្កាយព្រឹក បានរះឡើងក្នុងវិស័យសកលលោក ជាស្តេចថ្មី នោះគឺថា បើនិយាយប្រៀបធៀប ជាការរះឡើងនៃថ្ងៃថ្មី។ (ពេត្រុសទី២ ១:១៩; វិវរណៈ ១១:១៥; ២២:១៦) តើព្រះយេស៊ូក្នុងពេលនោះបានសងដល់បុគ្គលខ្លះស្របតាមមារយាទរបស់គេទេ? ប្រាកដមែន គឺមានទីសំអាងជាក់ស្តែងដែលថាក្រោយពីនោះបន្ដិចមក សេចក្ដីរស់ឡើងវិញទៅស្ថានសួគ៌នៃពួកគ្រីស្ទានចាក់ប្រេងតាំងបានចាប់ផ្ដើមឡើង។—ធីម៉ូថេទី២ ៤:៨; វិវរណៈ ១៤:១៣
៨. តើព្រឹត្ដិការណ៍អ្វីដែលនឹងសម្គាល់កំពូលនៃការសម្រេច ដល់ចក្ខុនិមិត្តនៃការផ្លាស់ប្រែទ្រង់ទ្រាយ?
៨ ប៉ុន្តែ មិនយូរប៉ុន្មានទៀត ព្រះយេស៊ូនឹងយាងមក«ក្នុងសិរីល្អរបស់លោក មានទាំងពួកទេវតាបរិសុទ្ធទាំងអស់គ្នា មកជាមួយ» ដើម្បីជំនុំជំរះមនុស្សជាតិទាំងអស់។ (ម៉ាថាយ ២៥:៣១) នៅគ្រានោះ ទ្រង់នឹងបង្ហាញអង្គទ្រង់ក្នុងសិរីល្អដ៏អស្ចារ្យ ហើយប្រទានសងដោយយុត្ដិធម៌ដល់‹មនុស្សម្នាក់ៗ› តាមមារយាទរបស់គាត់។ មនុស្សដែលមានលក្ខណៈដូចចៀមនឹងបានជីវិតដ៏អស់កល្បជានិច្ចជាមរតក ក្នុងព្រះរាជាណាចក្រដែលបានរៀបចំសំរាប់ពួកគេ ហើយមនុស្សដែលមានលក្ខណៈដូចពពែ នឹងថយទៅឲ្យ«មានទោសអស់កល្បជានិច្ច»។ តើនេះនឹងមានគ្រាចុងបញ្ចប់ដ៏អស្ចារ្យយ៉ាងណាទៅហ្ន៎ ដែលសម្រេចតាមចក្ខុនិមិត្តនៃការផ្លាស់ប្រែទ្រង់ទ្រាយ!—ម៉ាថាយ ២៥:៣៤, ៤១, ៤៦; ម៉ាកុស ៨:៣៨; ថែស្សាឡូនីចទី២ ១:៦-១០
-
-
ពេលដែលព្រះយេស៊ូយាងមកក្នុងសិរីល្អនៃព្រះរាជាណាចក្រទស្សនាវដ្ដីប៉មយាម ១៩៩៧ | ១ សីហា
-
-
១២. ក្នុងបរិបទនៃការផ្លាស់ប្រែទ្រង់ទ្រាយ តើម៉ូសេនិងអេលីយ៉ាតំណាងអ្នកណា?
១២ ដូច្នេះ តើលោកម៉ូសេនិងលោកអេលីយ៉ាបានតំណាងអ្នកណាក្នុងបរិបទនៃការផ្លាស់ប្រែទ្រង់ទ្រាយ? លូកានិយាយថាពួកគេបានលេចឡើងជាមួយព្រះយេស៊ូ«ក្នុងសិរីល្អ»។ (លូកា ៩:៣១) យ៉ាងច្បាស់ណាស់ ពួកគេតំណាងពួកគ្រីស្ទានដែលបានចាក់ប្រេងតាំងដោយព្រះវិញ្ញាណបរិសុទ្ធ ដូច«គ្រងមរដក» ជាមួយព្រះយេស៊ូ ហើយតាមរយៈនេះនឹងទទួលសេចក្ដីសង្ឃឹមដ៏ល្អនៃការ«បានដំកើងឡើង»ជាមួយទ្រង់។ (រ៉ូម ៨:១៧) ពួកចាក់ប្រេងតាំងដែលប្រោសឲ្យរស់ឡើងវិញនឹងនៅជាមួយព្រះយេស៊ូ នៅពេលដែលទ្រង់យាងមកក្នុងសិរីល្អនៃព្រះវរបិតា ដើម្បី«សងដល់គ្រប់គ្នា តាមការដែលបានធ្វើរៀងខ្លួន»។—ម៉ាថាយ ១៦:២៧
-