-
លោកយេស៊ូបណ្ដេញវិញ្ញាណកំណាចចេញពីក្មេងប្រុសម្នាក់លោកយេស៊ូ ជាផ្លូវ ជាសេចក្ដីពិត ជាជីវិត
-
-
ពេលលោកយេស៊ូ ពេត្រុស យ៉ាកុប និងយ៉ូហានចុះពីលើភ្នំ ពួកគាត់បានឃើញថាមានបញ្ហាមួយ។ មានមនុស្សមួយក្រុមធំ ហើយ ពួកអ្នកជំនាញខាងច្បាប់កំពុងនៅជុំវិញអ្នកកាន់តាមលោក ហើយកំពុងជជែកតវ៉ាជាមួយនឹងពួកគាត់។ រួចមក ពេលបណ្ដាជនក្រឡេកទៅឃើញលោកយេស៊ូ ពួកគេភ្ញាក់ផ្អើលយ៉ាងខ្លាំង ហើយបានរត់ទៅទទួលស្វាគមន៍លោក។ បន្ទាប់មក លោកសួរបណ្ដាជនថា៖ «តើអ្នករាល់គ្នាកំពុងជជែកតវ៉ាជាមួយនឹងពួកគាត់អំពីរឿងអ្វី?»។—ម៉ាកុស ៩:១៦
-
-
លោកយេស៊ូបណ្ដេញវិញ្ញាណកំណាចចេញពីក្មេងប្រុសម្នាក់លោកយេស៊ូ ជាផ្លូវ ជាសេចក្ដីពិត ជាជីវិត
-
-
តាមមើលទៅ ពួកអ្នកជំនាញខាងច្បាប់កំពុងរិះគន់ ហើយចំអកអ្នកកាន់តាមលោកយេស៊ូ ពីព្រោះពួកគាត់មិនអាចធ្វើឲ្យក្មេងដែលមានវិញ្ញាណកំណាចចូលបានជាសះស្បើយ។ ដូច្នេះ ជាជាងឆ្លើយតបទៅនឹងឪពុកដែលមានទុក្ខព្រួយ លោកបានមានប្រសាសន៍ទៅបណ្ដាជនថា៖ «ឱជំនាន់មនុស្សដែលគ្មានជំនឿនិងវៀចវេរអើយ! តើខ្ញុំត្រូវនៅជាមួយនឹងអ្នករាល់គ្នាដល់ពេលណា? តើខ្ញុំត្រូវទ្រាំទ្រអ្នករាល់គ្នាដល់ណាទៀត?»។ ប្រសាសន៍ដ៏ធ្ងន់របស់លោកពិតជាសំដៅទៅលើពួកអ្នកជំនាញខាងច្បាប់ ដោយសារពួកគេបានធ្វើទុក្ខដល់អ្នកកាន់តាមលោក កាលដែលលោកមិននៅ។ រួចមក លោកបែរទៅឪពុកដែលមានទុក្ខព្រួយនោះ ហើយមានប្រសាសន៍ថា៖ «ចូរនាំក្មេងប្រុសនោះមកឯខ្ញុំ»។—ម៉ាថាយ ១៧:១៧
-