មេរៀនទី២៨

ចូរដឹងគុណព្រះយេហូវ៉ានិងលោកយេស៊ូ

ឯកសារជាសៀវភៅ

ពេលមិត្តម្នាក់ឲ្យអំណោយវិសេសដល់អ្នក តើអ្នកមានអារម្មណ៍យ៉ាងណា? អ្នកប្រាកដជាសប្បាយចិត្តខ្លាំងណាស់ ហើយអ្នកចង់បង្ហាញមិត្តរបស់អ្នកថា អ្នកឲ្យតម្លៃចំពោះអំណោយដែលគាត់បានឲ្យអ្នក។ ចុះអំណោយវិសេសបំផុតដែលព្រះយេហូវ៉ានិងលោកយេស៊ូបានឲ្យយើង តើនោះជាអ្វី? ហើយតើយើងអាចបង្ហាញថាយើងឲ្យតម្លៃចំពោះអំណោយនោះយ៉ាងដូចម្ដេច?

១. តើតាមវិធីណាយើងអាចបង្ហាញថាយើងឲ្យតម្លៃចំពោះអ្វីដែលព្រះនិងគ្រិស្តបានធ្វើសម្រាប់យើង?

គម្ពីរសន្យាថា៖ «អស់អ្នកដែលបង្ហាញជំនឿលើ[លោកយេស៊ូ]»អាចរស់ជារៀងរហូត។ (យ៉ូហាន ៣:១៦) តើការបង្ហាញជំនឿមានន័យយ៉ាងណា? នេះមានន័យថាយើងមិនគ្រាន់តែជឿលោកយេស៊ូប៉ុណ្ណោះទេ តែយើងក៏ត្រូវបង្ហាញជំនឿលើលោកតាមរយៈការសម្រេចចិត្តនិងអ្វីដែលយើងធ្វើដែរ។ (យ៉ាកុប ២:១៧) ពេលយើងបង្ហាញជំនឿតាមរយៈពាក្យសម្ដីនិងការប្រព្រឹត្ត នោះយើងពង្រឹងចំណងមិត្តភាពរបស់យើងជាមួយលោកយេស៊ូ និងព្រះយេហូវ៉ាដែលជាបិតារបស់លោក។—សូមអាន យ៉ូហាន ១៤:២១

២. តើការចូលរួមកម្មវិធីពិសេសអ្វីជួយយើងឲ្យបង្ហាញថា យើងដឹងគុណព្រះយេហូវ៉ានិងលោកយេស៊ូ?

នៅល្ងាចមុនលោកយេស៊ូស្លាប់ លោកបានប្រាប់ពួកអ្នកកាន់តាមលោកអំពីវិធីមួយទៀត ដែលពួកគេអាចដឹងគុណលោកដែលបានលះបង់ជីវិត។ លោកបានប្រាប់ពួកគេឲ្យមកជួបជុំគ្នាដើម្បីធ្វើពិធីពិសេសមួយ ដែលគម្ពីរហៅថា«អាហារល្ងាចរបស់លោកម្ចាស់» ហើយក៏បានត្រូវហៅដែរថា ពិធីរំលឹកមរណភាពរបស់គ្រិស្ត។ (កូរិនថូសទី១ ១១:២០) លោកយេស៊ូបានផ្ដើមធ្វើពិធីនោះ ព្រោះលោកចង់ឲ្យពួកសាវ័ករបស់លោកនិងគ្រិស្តសាសនិកពិតទាំងអស់ចាំថា លោកបានប្រគល់ជីវិតសម្រាប់ពួកគេ។ ស្ដីអំពីពិធីនេះ លោកយេស៊ូបានបង្គាប់ថា៖ «ចូរបន្តធ្វើដូច្នេះ ដើម្បីរំលឹកដល់ខ្ញុំ»។ (លូកា ២២:១៩) ពេលអ្នកចូលរួមពិធីរំលឹក អ្នកបង្ហាញថាអ្នកដឹងគុណព្រះយេហូវ៉ានិងលោកយេស៊ូដែលបានបង្ហាញសេចក្ដីស្រឡាញ់ដ៏ធំធេងចំពោះយើង។

បង្កើនចំណេះ

សូមពិនិត្យមើលវិធីផ្សេងទៀតដែលអ្នកអាចដឹងគុណព្រះយេហូវ៉ានិងលោកយេស៊ូចំពោះសេចក្ដីស្រឡាញ់ដ៏ធំធេងរបស់លោកទាំងពីរ។ សូមពិចារណាអំពីសារៈសំខាន់នៃពិធីរំលឹកមរណភាពរបស់គ្រិស្ត។

៣. តើយើងអាចធ្វើអ្វីខ្លះដើម្បីបង្ហាញចិត្តដឹងគុណ?

សូមស្រមៃគិតថា អ្នកកំពុងលង់ទឹក ហើយមានមនុស្សម្នាក់បានមកជួយសង្គ្រោះអ្នក។ តើអ្នកនឹងគិតថាអ្វីដែលគាត់បានធ្វើចំពោះអ្នកគឺជារឿងធម្មតាឬទេ? ឬក៏អ្នកខំរកវិធីដើម្បីសងគុណគាត់វិញ?

យើងអាចមានឱកាសបានជីវិតដែលគ្មានទីបញ្ចប់ ដោយសារសេចក្ដីស្រឡាញ់របស់ព្រះយេហូវ៉ា។ សូមអាន យ៉ូហានទី១ ៤:៨-១០ រួចពិភាក្សាសំណួរដូចតទៅ៖

ហេតុអ្វីគ្រឿងបូជាលោះរបស់លោកយេស៊ូជាអំណោយដ៏វិសេសមួយ?
តើអ្នកមានអារម្មណ៍យ៉ាងណាចំពោះអ្វីដែលព្រះយេហូវ៉ានិងលោកយេស៊ូបានធ្វើសម្រាប់អ្នក?

តើតាមរបៀបណាយើងអាចបង្ហាញថាយើងដឹងគុណព្រះយេហូវ៉ានិងលោកយេស៊ូ? សូមអាន កូរិនថូសទី២ ៥:១៥ និងយ៉ូហានទី១ ៤:១១; ៥:៣។ ក្រោយពីអានបទគម្ពីរនីមួយៗហើយ សូមពិភាក្សាសំណួរនេះ៖

យោងតាមបទគម្ពីរនេះ តើយើងអាចធ្វើអ្វីដើម្បីដឹងគុណលោកទាំងពីរ?

៤. យកតម្រាប់លោកយេស៊ូ

វិធីមួយទៀតដែលយើងអាចដឹងគុណ គឺដោយយកតម្រាប់លោកយេស៊ូ។ សូមអាន ពេត្រុសទី១ ២:២១ រួចពិភាក្សាសំណួរនេះ៖

តើអ្នកអាចដើរតាមលំអានដានរបស់លោកយេស៊ូឲ្យបានដិតដល់តាមវិធីណាខ្លះ?

លោកយេស៊ូកំពុងអានបណ្ដាំរបស់ព្រះពីរមូរមួយ។ — លោកយេស៊ូស្រឡាញ់បណ្ដាំរបស់ព្រះ ផ្សព្វផ្សាយដំណឹងល្អ និងជួយអ្នកឯទៀត

លោកយេស៊ូកំពុងនិយាយជាមួយស្ត្រីជនជាតិសាម៉ារីម្នាក់នៅឯអណ្ដូងទឹក។ — លោកយេស៊ូស្រឡាញ់បណ្ដាំរបស់ព្រះ ផ្សព្វផ្សាយដំណឹងល្អ និងជួយអ្នកឯទៀត

៥. ចូលរួមពិធីរំលឹកមរណភាពរបស់គ្រិស្ត

ដើម្បីដឹងថាពិធីអាហារល្ងាចរបស់លោកម្ចាស់ដែលធ្វើនៅលើកដំបូង មានលំនាំបែបណា សូមអាន លូកា ២២:១៤, ១៩, ២០ រួចពិភាក្សាសំណួរដូចតទៅ៖

តើពិធីអាហារល្ងាចរបស់លោកម្ចាស់មានលំនាំបែបណា?
តើនំប៉័ងនិងស្រាទំពាំងបាយជូរតំណាងអ្វី? (សូមមើលខ១៩និង២០)

លោកយេស៊ូចង់ឲ្យពួកអ្នកកាន់តាមលោកធ្វើពិធីអាហារល្ងាចរបស់លោកម្ចាស់មួយឆ្នាំម្ដង នៅចំថ្ងៃដែលលោកស្លាប់។ ហេតុនេះ ជារៀងរាល់ឆ្នាំ សាក្សីព្រះយេហូវ៉ាតែងតែជួបជុំគ្នាដើម្បីធ្វើពិធីរំលឹកមរណភាពរបស់គ្រិស្ត តាមលំនាំដើមដែលលោកបានបង្គាប់ឲ្យធ្វើ។ ដើម្បីដឹងអំពីសារៈសំខាន់នៃកិច្ចប្រជុំនេះ សូមលេងវីដេអូ។ រួចពិភាក្សាសំណួរដូចតទៅ៖