-
របៀបធ្វើការសម្រេចចិត្តល្អសប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៥. ចូរគោរពសមត្ថភាពវិនិច្ឆ័យរបស់អ្នកឯទៀត
មនុស្សម្នាក់ៗនឹងសម្រេចចិត្តខុសៗគ្នា។ ដូច្នេះ តើយើងអាចគោរពសមត្ថភាពវិនិច្ឆ័យរបស់អ្នកឯទៀតយ៉ាងដូចម្ដេច? សូមពិចារណាស្ថានភាពពីរ៖
ស្ថានភាពទី១: បងស្រីម្នាក់ដែលចូលចិត្តផាត់មុខ បានដូរទៅបម្រើនៅក្រុមជំនុំមួយដែលមានបងស្រីជាច្រើនមិនចូលចិត្តអ្នកណាដែលផាត់មុខទេ។
សូមអាន រ៉ូម ១៥:១ និងកូរិនថូសទី១ ១០:២៣, ២៤ រួចពិភាក្សាសំណួរទាំងនេះ៖
យោងតាមខគម្ពីរទាំងនេះ តើបងស្រីនោះប្រហែលជានឹងសម្រេចចិត្តធ្វើយ៉ាងណា? ពេលអ្នកនៅជាមួយនឹងបងប្អូនដែលមានសមត្ថភាពវិនិច្ឆ័យខុសពីអ្នក តើអ្នកនឹងធ្វើយ៉ាងណា?
ស្ថានភាពទី២: បងប្រុសម្នាក់ដឹងថា គម្ពីរមិនផ្ដន្ទាទោសការពិសាស្រាទេ តែគាត់សម្រេចចិត្តមិនពិសាស្រាទាល់តែសោះ។ ថ្ងៃមួយ បងប្អូនបានអញ្ជើញគាត់ឲ្យចូលរួមបរិភោគអាហារល្ងាចជាមួយគ្នា ហើយគាត់បានឃើញបងប្អូនខ្លះពិសាស្រា។
សូមអាន អ្នកទូន្មាន ៧:១៦ និងរ៉ូម ១៤:១, ១០ រួចពិភាក្សាសំណួរទាំងនេះ៖
យោងតាមខគម្ពីរទាំងនេះ តើបងប្រុសនោះប្រហែលជានឹងសម្រេចចិត្តធ្វើយ៉ាងណា? ពេលអ្នកឃើញបងប្អូនធ្វើអ្វីដែលខុសពីសមត្ថភាពវិនិច្ឆ័យរបស់អ្នក តើអ្នកនឹងធ្វើយ៉ាងណា?
តើមានជំហានអ្វីខ្លះដែលនាំឲ្យសម្រេចចិត្តល្អ?
១. សុំព្រះយេហូវ៉ាដើម្បីជួយអ្នកឲ្យចេះសម្រេចចិត្ត។—យ៉ាកុប ១:៥
២. ស្រាវជ្រាវក្នុងគម្ពីរនិងក្នុងសៀវភៅដែលមានមូលដ្ឋានលើគម្ពីរ ដើម្បីស្វែងរកគោលការណ៍ផ្សេងៗដែលទាក់ទងនឹងរឿងនោះ។ អ្នកក៏អាចពិភាក្សាជាមួយនឹងបងប្អូនដែលមានបទពិសោធន៍ដែរ។
៣. ពិចារណាអំពីលទ្ធផលដែលមកពីការសម្រេចចិត្តរបស់អ្នកថានឹងមានឥទ្ធិពលយ៉ាងណាលើសមត្ថភាពវិនិច្ឆ័យរបស់អ្នក និងសមត្ថភាពវិនិច្ឆ័យរបស់អ្នកឯទៀត។
-
-
តើក្រុមគ្រួសាររបស់អ្នកអាចមានសុភមង្គលយ៉ាងដូចម្ដេច? (ភាគទី១)សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៦. អ្នកអាចដោះស្រាយបញ្ហាក្នុងចំណងអាពាហ៍ពិពាហ៍ដោយជោគជ័យ
គ្មានចំណងអាពាហ៍ពិពាហ៍ណាល្អឥតខ្ចោះទេ។ ម្ល៉ោះហើយ គូអាពាហ៍ពិពាហ៍ត្រូវសហការគ្នាដើម្បីដោះស្រាយការពិបាកផ្សេងៗ។ លេងវីដេអូ រួចពិភាក្សាសំណួរដូចតទៅ៖
ក្នុងវីដេអូ តើអ្វីខ្លះបង្ហាញថាប្ដីប្រពន្ធមិនសូវជិតស្និទ្ធគ្នាដូចពីមុន?
តើពួកគេបានធ្វើអ្វីខ្លះដើម្បីពង្រឹងចំណងអាពាហ៍ពិពាហ៍របស់ពួកគេ?
សូមអាន កូរិនថូសទី១ ១០:២៤ និងកូឡុស ៣:១៣។ ក្រោយពីអានខគម្ពីរនីមួយៗ សូមពិភាក្សាសំណួរនេះ៖
តើការធ្វើតាមយោបល់នេះ អាចពង្រឹងចំណងអាពាហ៍ពិពាហ៍យ៉ាងដូចម្ដេច?
គម្ពីរប្រាប់ថា យើងគួរលើកកិត្តិយសគ្នាទៅវិញទៅមក។ ការលើកកិត្តិយសរួមបញ្ចូលការប្រព្រឹត្តដោយសប្បុរស និងដោយការគោរពចំពោះអ្នកឯទៀត។ សូមអាន រ៉ូម ១២:១០ រួចពិភាក្សាសំណួរដូចតទៅ៖
តើប្ដីឬប្រពន្ធគួរចាំឲ្យគូរបស់ខ្លួនលើកកិត្តិយសខ្លួនមុនឬទេ? ហេតុអ្វី?
-
-
ហេតុអ្វីសម្លៀកបំពាក់និងការសម្អិតសម្អាងខ្លួនរបស់យើងជារឿងសំខាន់?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
យើងទាំងអស់គ្នាមានចំណង់ចំណូលចិត្តផ្ទាល់ខ្លួនអំពីអ្វីដែលយើងចង់ស្លៀកពាក់និងសម្អិតសម្អាងខ្លួន។ បើយើងធ្វើតាមគោលការណ៍គម្ពីរមួយចំនួនស្ដីអំពីរឿងនោះ យើងមិនគ្រាន់តែអាចធ្វើតាមចំណង់ចំណូលចិត្តរបស់យើងប៉ុណ្ណោះទេ តែក៏អាចធ្វើឲ្យព្រះយេហូវ៉ាពេញចិត្តដែរ។ សូមយើងពិចារណាគោលការណ៍គម្ពីរខ្លះ។
១. តើគោលការណ៍ណាខ្លះដែលអាចជួយយើងឲ្យចេះជ្រើសរើសសម្លៀកបំពាក់និងការសម្អិតសម្អាងខ្លួន?
យើងគួរជ្រើសរើស«សម្លៀកបំពាក់រៀបរយ បែបរមទម និងដោយដឹងខុសត្រូវ» ព្រមទាំងសម្អិតសម្អាងខ្លួនឲ្យស្អាតបាតជានិច្ច ដើម្បីឲ្យអ្នកឯទៀតដឹងថាយើងជាអ្នក«គោរពប្រណិប័តន៍ព្រះ»។ (ធីម៉ូថេទី១ ២:៩, ១០) សូមពិចារណាគោលការណ៍បួនយ៉ាង៖ (១) សម្លៀកបំពាក់របស់យើងគួរ«រៀបរយ»។ ដូចអ្នកបានសង្កេតឃើញហើយ នៅកិច្ចប្រជុំក្រុមជំនុំ រាស្ត្ររបស់ព្រះយេហូវ៉ាមានចំណង់ចំណូលចិត្តខុសៗគ្នាអំពីសម្លៀកបំពាក់និងម៉ូតសក់។ ទោះជាយ៉ាងនោះក្ដី របៀបស្លៀកពាក់និងរបៀបតុបតែងខ្លួនរបស់យើងនៅតែបង្ហាញការគោរពជានិច្ចចំពោះព្រះដែលយើងគោរពប្រណិប័តន៍។ (២) ការស្លៀកពាក់«បែបរមទម» មានន័យថាការសម្អិតសម្អាងខ្លួនរបស់យើងមិនគួរធ្វើឲ្យអ្នកឯទៀតមានអារម្មណ៍ស្រើបស្រាល ហើយក៏មិនគួរធ្វើឲ្យអ្នកឯទៀតចាប់អារម្មណ៍មកលើយើងហួសហេតុពេកដែរ។ (៣) យើងបង្ហាញថាយើង«ដឹងខុសត្រូវ» ពេលយើងមិនដេញតាមម៉ូតសម្លៀកបំពាក់និងការសម្អិតសម្អាងខ្លួនដែលកំពុងពេញនិយម។ (៤) ការសម្អិតសម្អាងខ្លួនរបស់យើងគួរបង្ហាញជានិច្ចថា យើងជាអ្នក«គោរពប្រណិប័តន៍ព្រះ»។ យ៉ាងនេះ អ្នកឯទៀតប្រហែលជាងាយស្រួលកត់សម្គាល់ថា យើងជាអ្នកគោរពប្រណិប័តន៍ព្រះពិត។—កូរិនថូសទី១ ១០:៣១
២. ពេលយើងជ្រើសរើសសម្លៀកបំពាក់ ហេតុអ្វីយើងគួរគិតអំពីបងប្អូនរួមជំនឿ?
ពិតមែនតែយើងមានសិទ្ធិជ្រើសរើសអ្វីដែលយើងចង់ស្លៀកពាក់ តែយើងគួរគិតដែរថាសម្លៀកបំពាក់របស់យើងអាចធ្វើឲ្យអ្នកឯទៀតមានអារម្មណ៍យ៉ាងណា។ ជាជាងធ្វើឲ្យអ្នកណាម្នាក់ទើសចិត្ត យើងគួរខំព្យាយាមអស់ពីសមត្ថភាពដើម្បី«បំពេញចិត្តអ្នកជិតខាង ដោយការប្រព្រឹត្តល្អដែលពង្រឹងជំនឿរបស់គេ»។—សូមអាន រ៉ូម ១៥:១, ២
៣. តើតាមរបៀបណាការសម្អិតសម្អាងខ្លួនរបស់យើងអាចទាក់ទាញចិត្តមនុស្សឲ្យចង់រៀនថែមទៀតអំពីព្រះយេហូវ៉ា?
យើងព្យាយាមស្លៀកពាក់ឲ្យបានសមរម្យក្នុងគ្រប់ស្ថានភាពទាំងអស់ ជាពិសេសពេលយើងចូលរួមកិច្ចប្រជុំនិងកិច្ចផ្សព្វផ្សាយ។ យើងមិនចង់ឲ្យការសម្អិតសម្អាងឬការតុបតែងខ្លួនរបស់យើង បំបែរអារម្មណ៍មនុស្សពីការស្ដាប់ដំណឹងល្អដែលយើងផ្សព្វផ្សាយនោះទេ។ ផ្ទុយទៅវិញ យើងចង់ឲ្យការតុបតែងខ្លួនរបស់យើងជំរុញចិត្តមនុស្សឲ្យចង់រៀនសេចក្ដីពិត ព្រមទាំងចង់«ឲ្យសេចក្ដីបង្រៀនរបស់ព្រះជាអ្នកសង្គ្រោះយើង ទាក់ទាញចិត្តមនុស្សកាន់តែខ្លាំង»។—ទីតុស ២:១០
បង្កើនចំណេះ
សូមពិចារណាអំពីរបៀបដែលយើងអាចធ្វើឲ្យប្រាកដថា សម្លៀកបំពាក់និងការសម្អិតសម្អាងខ្លួនរបស់យើងគឺសមរម្យក្នុងនាមជាគ្រិស្តសាសនិក។
ការស្លៀកពាក់របស់យើងអាចបង្ហាញថាយើងគោរពពួកអ្នកមានអំណាចឬយ៉ាងណា។ ទោះជាព្រះយេហូវ៉ាឃើញចិត្តរបស់យើងក៏ដោយ ក៏ការស្លៀកពាក់របស់យើងគួរបង្ហាញថាយើងគោរពលោកដែរ
៤. ការសម្អិតសម្អាងខ្លួនសមរម្យបង្ហាញការគោរពចំពោះព្រះយេហូវ៉ា
តើអ្វីជាមូលហេតុសំខាន់បំផុតដែលយើងយកចិត្តទុកដាក់ចំពោះការសម្អិតសម្អាងខ្លួនរបស់យើង? សូមអាន ចម្រៀងសរសើរព្រះ ៤៧:២ រួចពិភាក្សាសំណួរដូចតទៅ៖
ដោយសារយើងតំណាងព្រះយេហូវ៉ា តើនេះគួរមានឥទ្ធិពលយ៉ាងណាទៅលើរបៀបដែលយើងស្លៀកពាក់?
ពេលយើងចូលរួមកិច្ចប្រជុំនិងកិច្ចផ្សព្វផ្សាយ តើអ្នកគិតថាការយកចិត្តទុកដាក់ចំពោះការសម្អិតសម្អាងខ្លួនរបស់យើងគឺសំខាន់ឬទេ? ហេតុអ្វី?
៥. តើអ្វីអាចជួយយើងឲ្យចេះជ្រើសរើសសម្លៀកបំពាក់និងការសម្អិតសម្អាងខ្លួន?
ទោះជាសម្លៀកបំពាក់របស់យើងមានតម្លៃថ្លៃឬថោកក៏ដោយ យើងគួរស្លៀកពាក់ឲ្យបានស្អាតបាតនិងសមរម្យតាមស្ថានភាពនីមួយៗ។ សូមអាន កូរិនថូសទី១ ១០:២៤ និងធីម៉ូថេទី១ ២:៩, ១០។ រួចមក សូមពិភាក្សាអំពីមូលហេតុដែលយើងចង់ជៀសវាងពីការស្លៀកសម្លៀកបំពាក់ដែល . . .
រយីករយាក ឬសាមញ្ញពេក។
រឹបរាងពេក ឬបញ្ចេញសាច់ច្រើន ឬដែលនាំឲ្យអ្នកឯទៀតមានអារម្មណ៍ស្រើបស្រាល។
ទោះជាគ្រិស្តសាសនិកមិននៅក្រោមច្បាប់ម៉ូសេក៏ដោយ ពួកគេនៅតែអាចរៀនច្រើនអំពីទស្សនៈរបស់ព្រះយេហូវ៉ាតាមរយៈច្បាប់នោះ។ សូមអាន ការបំភ្លឺច្បាប់ ២២:៥ រួចពិភាក្សាសំណួរនេះ៖
ហេតុអ្វីយើងគួរជៀសវាងពីការស្លៀកពាក់និងការសម្អិតសម្អាងខ្លួនដែលធ្វើឲ្យពិបាកសម្គាល់ថាជាប្រុសឬជាស្រី?
សូមអាន កូរិនថូសទី១ ១០:៣២, ៣៣ និងយ៉ូហានទី១ ២:១៥, ១៦ រួចពិភាក្សាសំណួរដូចតទៅ៖
ពេលយើងសម្អិតសម្អាងខ្លួន ហេតុអ្វីយើងគួរយកចិត្តទុកដាក់ចំពោះអារម្មណ៍របស់មនុស្សក្នុងតំបន់ដែលយើងរស់នៅ ឬបងប្អូនក្នុងក្រុមជំនុំ?
ក្នុងតំបន់ដែលអ្នករស់នៅ តើមនុស្សនិយមស្លៀកពាក់ឬសម្អិតសម្អាងខ្លួនបែបណា?
តើអ្នកគិតថាម៉ូតសម្លៀកបំពាក់ដូចនោះសមរម្យសម្រាប់គ្រិស្តសាសនិកឬទេ? ហេតុអ្វី?
យើងអាចស្លៀកពាក់និងសម្អិតសម្អាងខ្លួនតាមរបៀបផ្សេងៗ ហើយនៅតែអាចធ្វើឲ្យព្រះយេហូវ៉ាពេញចិត្ត
មនុស្សខ្លះនិយាយថា៖ «ខ្ញុំមានសិទ្ធិពាក់អ្វីដែលខ្ញុំចង់ពាក់»។
តើអ្នកយល់ស្របទេ? ហេតុអ្វី?
សេចក្ដីសង្ខេប
ពេលយើងចេះសម្រេចចិត្តល្អអំពីការស្លៀកពាក់និងការសម្អិតសម្អាងខ្លួន នោះបង្ហាញថាយើងគោរពព្រះយេហូវ៉ានិងអ្នកឯទៀត។
រៀនសាឡើងវិញ
ហេតុអ្វីការស្លៀកពាក់និងការសម្អិតសម្អាងខ្លួនរបស់យើងគឺសំខាន់ចំពោះព្រះយេហូវ៉ា?
តើគោលការណ៍ណាខ្លះដែលអាចជួយយើងឲ្យចេះសម្រេចចិត្តល្អអំពីការសម្អិតសម្អាងខ្លួន?
តើការសម្អិតសម្អាងខ្លួនរបស់យើងអាចមានឥទ្ធិពលយ៉ាងណា ទៅលើទស្សនៈរបស់អ្នកឯទៀតចំពោះព្រះពិតដែលយើងគោរពប្រណិប័តន៍?
ស្វែងយល់ថែមទៀត
សូមពិចារណាថា តើសម្លៀកបំពាក់របស់អ្នកប្រហែលជានាំឲ្យអ្នកឯទៀតគិតយ៉ាងណា?
«តើការតុបតែងខ្លួនរបស់ខ្ញុំយ៉ាងណាដែរ?» (អត្ថបទក្នុងគេហទំព័រ)
សូមពិចារណាយ៉ាងដិតដល់អំពីផលវិបាក មុននឹងអ្នកសាក់ស្បែក។
«តើគម្ពីរចែងយ៉ាងណាអំពីការសាក់ស្បែក?» (អត្ថបទក្នុងគេហទំព័រ)
សូមគិតអំពីគោលការណ៍គម្ពីរដែលអាចជួយអ្នកឲ្យមានទស្សនៈត្រឹមត្រូវចំពោះសម្បកក្រៅរបស់ខ្លួន។
ហេតុអ្វីខ្ញុំខ្វល់ខ្វាយអំពីរូបរាងរបស់ខ្ញុំខ្លាំងម្ល៉េះ? (៤:២៩)
-