ចម្រៀងលេខ៤៦
យើងអរគុណព្រះយេហូវ៉ា
១. អរគុណព្រះយេហូវ៉ារាល់ទិវារាត្រី
ដែលលោកឲ្យយើងខ្ញុំឃើញពន្លឺរស្មី
អរគុណដែលយើងខ្ញុំមានឯកសិទ្ធិអធិដ្ឋាន
សុំលោកសម្រាលទុក្ខឲ្យយើងបានសុខសាន្ត។
២. អរគុណព្រះយេហូវ៉ាសម្រាប់បុត្រនៃលោក
ដែលឈ្នះលោកាដោយជំនឿបានជ័យជោគ
អរគុណដែលបង្រៀនយើងធ្វើតាមលោកប្រាថ្នា
ជួយដោយក្ដីស្រឡាញ់ឲ្យធ្វើតាមសន្យា។
៣. អរគុណព្រះយើងអើយ! ដែលយើងខ្ញុំមានឯកសិទ្ធិ
ផ្សាយពីនាមនៃលោកបង្រៀនសេចក្ដីពិត
អរគុណដែលលោកនឹងបំបាត់ទុក្ខវេទនា
ឲ្យពរពីរាជ្យលោកជាដរាបហូរហៀរ៕
(សូមពិនិត្យបន្ថែម ចសព. ៥០:១៤; ៩៥:២; ១៤៧:៧; កូឡ. ៣:១៥)