ಯೋಬ

 2 “ನನ್ನ ನೋವನ್ನ+ ತಕ್ಕಡಿಯಲ್ಲಿ ಇಟ್ಟು ತೂಗಿ ನೋಡಿ,

ಅದ್ರ ಜೊತೆ ನನ್ನ ಕಷ್ಟವನ್ನ ಇಟ್ಟು ತೂಕ ಮಾಡಿ!

 4 ಸರ್ವಶಕ್ತನ ಬಾಣಗಳು ನನ್ನನ್ನ ತಿವಿದಿವೆ,

ಅವುಗಳ ವಿಷವನ್ನ ನನ್ನ ದೇಹ ಹೀರಿಕೊಳ್ತಿದೆ,+

ದೇವರು ಕಳಿಸಿದ ಕಷ್ಟ, ಅಪಾಯಗಳು ನನ್ನನ್ನ ಸುತ್ಕೊಂಡಿವೆ,

ಹಾಗಾಗಿ ನಾನು ತುಂಬ ಹೆದರಿ ಹೋಗಿದ್ದೀನಿ.

 8 ದೇವರು ನನ್ನ ಕೋರಿಕೆ ಕೇಳಿ,

ನನ್ನ ಆಸೆ ಈಡೇರಿಸಬಾರದಾ?

10 ಆಗಲಾದ್ರೂ ನನಗೆ ಸಮಾಧಾನ ಸಿಗುತ್ತೆ,

ನನಗೆ ತುಂಬ ದುಃಖ ಇದ್ರೂ ಖುಷಿಯಿಂದ ಸಾವನ್ನ ಸ್ವೀಕರಿಸ್ತೀನಿ,

ಯಾಕಂದ್ರೆ ಪವಿತ್ರನಾದ ದೇವರ+ ಮಾತುಗಳನ್ನ ನಾನು ಯಾವತ್ತೂ ತಿರಸ್ಕರಿಸಲ್ಲ.

13 ನನಗಿರೋ ಆಸರೆಯನ್ನೆಲ್ಲ ಕಿತ್ತು ಹಾಕಿದ ಮೇಲೆ

ನನ್ನನ್ನ ನಾನೇ ಹೇಗೆ ನೋಡ್ಕೊಳ್ಳೋದು?

15 ನನ್ನ ಸ್ವಂತ ಸಹೋದರರು ಚಳಿಗಾಲದ ನದಿಗಳ ತರ ಕೈಕೊಡ್ತಾರೆ,

ನೀರು ಬೇಕಾಗಿದ್ದಾಗಲೇ ಅವು ಒಣಗಿ ಹೋಗ್ತವೆ.+

16 ಆ ನದಿಗಳು ಮಂಜುಗಡ್ಡೆಯಿಂದ ಕಪ್ಪಾಗಿವೆ,

ಕರಗೋ ಹಿಮ ಅವುಗಳಲ್ಲಿ ಅಡಗಿದೆ.

17 ಆದ್ರೆ ಬೇಸಿಗೆಯ ಬೇಗೆಗೆ ಅದ್ರ ನೀರು ಒಣಗಿ ಹೋಗುತ್ತೆ,

ಬಿಸಿಲು ಬಂದಾಗ ಬತ್ತಿ ಹೋಗುತ್ತೆ.

18 ಅವು ಹರಿಯೋ ದಿಕ್ಕು ಬದಲಾಗುತ್ತೆ,

ಮರುಭೂಮಿಗೆ ಹರಿದು ಹೋಗಿ ಕಾಣೆ ಆಗುತ್ತೆ.

19 ಆ ನದಿ ಎಲ್ಲಿ ಅಂತ ತೇಮಾದ+ ವ್ಯಾಪಾರಿಗಳ ಗುಂಪು ಹುಡುಕುತ್ತೆ,

ಶೆಬದ+ ಪ್ರಯಾಣಿಕರು ಅವುಗಳಿಗಾಗಿ ಕಾಯ್ತಾರೆ.

20 ಅವ್ರ ನಂಬಿಕೆ ಸುಳ್ಳಾದ ಕಾರಣ ತಲೆತಗ್ಗಿಸ್ತಾರೆ,

ಅವ್ರಿಗೆ ಬರೀ ನಿರಾಶೆನೇ ಸಿಗುತ್ತೆ.

21 ನನ್ನ ವಿಷ್ಯದಲ್ಲಿ ನೀವು ಕೂಡ ಹಾಗೆನೇ,+

ನನಗೆ ಬಂದಿರೋ ಕಷ್ಟ ನೋಡಿ ಹೆದರಿದ್ದೀರ.+

23 ಶತ್ರು ಕೈಯಿಂದ ನನ್ನನ್ನ ಬಿಡಿಸಿ,

ಪೀಡಕರ ಕೈಯಿಂದ ಬಿಡಿಸಿ ಅಂತ ಕೇಳಿದ್ನಾ?

24 ನಾನೇನು ತಪ್ಪು ಮಾಡಿದೆ ಅಂತ ಹೇಳಿ,

ನನಗೆ ಅರ್ಥಮಾಡಿಸಿ. ಸುಮ್ಮನಿದ್ದು ಕೇಳಿಸ್ಕೊಳ್ತೀನಿ.+

25 ಇದ್ದದ್ದನ್ನ ಇದ್ದ ಹಾಗೆ ಹೇಳಿದ್ರೆ ಮನಸ್ಸಿಗೆ ನೋವಾಗಲ್ಲ,+

ಆದ್ರೆ ನೀವು ಬೈದು ಮಾತಾಡಿದ್ರೆ ನನಗೇನೂ ಪ್ರಯೋಜನ ಆಗಲ್ಲ.+

27 ನೀವು ಅನಾಥನಿಗಾಗಿ ಚೀಟು ಹಾಕುವುದಕ್ಕೂ+

ನಿಮ್ಮ ಸ್ನೇಹಿತನನ್ನೇ ಮಾರುವುದಕ್ಕೂ ಹೇಸಲ್ಲ!+

28 ಈಗ ಸ್ವಲ್ಪ ತಿರುಗಿ ನನ್ನನ್ನ ನೋಡಿ,

ನಾನೇನು ನಿಮಗೆ ಸುಳ್ಳು ಹೇಳ್ತಿಲ್ಲ.

29 ಇನ್ನೊಂದು ಸಾರಿ ಯೋಚಿಸಿ ನೋಡಿ,

ದಯವಿಟ್ಟು ನನ್ನ ಬಗ್ಗೆ ತಪ್ಪು ತೀರ್ಮಾನಕ್ಕೆ ಬರಬೇಡಿ,

ಮತ್ತೆ ಯೋಚಿಸಿ, ಯಾಕಂದ್ರೆ ನಾನಿನ್ನೂ ದೇವರ ದೃಷ್ಟಿಯಲ್ಲಿ ನೀತಿವಂತ.