ಸಹಾಯಕ ಸೇವಕರು ಸಭೆಲಿ ತುಂಬ ಮುಖ್ಯವಾದ ಕೆಲ್ಸಗಳನ್ನ ಮಾಡ್ತಾರೆ. ಈ ತರ ನಿಯತ್ತಾಗಿ ಸೇವೆ ಮಾಡ್ತಿರೋ ಸಹೋದರರನ್ನ ಪೌಲ ತುಂಬ ಮೆಚ್ಕೊಂಡ. ಫಿಲಿಪ್ಪಿಯಲ್ಲಿದ್ದ ಕ್ರೈಸ್ತರಿಗೆ ಪತ್ರ ಬರೀವಾಗ ಅಲ್ಲಿದ್ದ ಹಿರಿಯರನ್ನಷ್ಟೇ ಅಲ್ಲ, ಸಹಾಯಕ ಸೇವಕರಿಗೂ ತನ್ನ ವಂದನೆಯನ್ನ ಕಳಿಸಿದ. (ಫಿಲಿ. 1:1) ಯುವಕರಾಗಿರಲಿ, ವಯಸ್ಸಾದವರಾಗಿರಲಿ ದೀಕ್ಷಾಸ್ನಾನ ಆಗಿರೋ ಸಹೋದರರು ಸಹಾಯಕ ಸೇವಕರಾಗಿ ಸಭೆಲಿ ಇರೋರಿಗೆ ಸಹಾಯ ಮಾಡುವಾಗ ತುಂಬ ಖುಷಿ ಆಗುತ್ತೆ. ಉದಾಹರಣೆಗೆ ಸಹೋದರ ಡೆವನ್‌ ಸಹಾಯಕ ಸೇವಕರಾದಾಗ ಅವ್ರಿಗೆ 18 ವರ್ಷ ಆಗಿತ್ತು. ಆದ್ರೆ ಸಹೋದರ ಲೂಯಿಸ್‌ ಅವರು ಸಹಾಯಕ ಸೇವಕರಾದಾಗ ಅವ್ರಿಗೆ 50 ವರ್ಷ ದಾಟಿತ್ತು. ಆಗ ಸಹೋದರ ಲೂಯಿಸ್‌ಗೆ ಹೇಗನಿಸ್ತು? “ನನ್ನ ಸಭೆಲಿರೋ ಸಹೋದರ ಸಹೋದರಿಯರಿಗೆ ಈ ತರ ಸೇವೆ ಮಾಡೋಕೆ ನಂಗೆ ತುಂಬ ಖುಷಿ ಆಗುತ್ತೆ. ಅವರು ನನ್ನನ್ನ ತುಂಬ ಪ್ರೀತಿಸ್ತಾರೆ. ಈಗ ನಂಗೆ ಅವ್ರ ಮೇಲೆ ಎಷ್ಟು ಪ್ರೀತಿ ಇದೆ ಅಂತ ತೋರಿಸೋಕೆ ಅವಕಾಶ ಸಿಕ್ಕಿದೆ!” ಅಂತ ಅವರು ಹೇಳ್ತಾರೆ. ಎಷ್ಟೋ ಸಹಾಯಕ ಸೇವಕರಿಗೆ ಇದೇ ತರ ಅನಿಸುತ್ತೆ. ನಿಮಗೆ ದೀಕ್ಷಾಸ್ನಾನ ಆಗಿ, ನೀವು ಸಹಾಯಕ ಸೇವಕರಾಗಿಲ್ಲಾಂದ್ರೆ ನೀವು ಆ ಗುರಿ ಇಡೋಕೆ ಇಷ್ಟಪಡ್ತೀರಾ? w24.11 14 ¶1-3

ರಾಜ ಹಿಜ್ಕೀಯ ತನಗೆ 39 ವರ್ಷ ಆದಾಗ ಕಾಯಿಲೆ ಬಿದ್ದು ಹಾಸಿಗೆ ಹಿಡಿದು ಬಿಡ್ತಾನೆ. ಆಗ ಪ್ರವಾದಿ ಯೆಶಾಯ ಅವನ ಹತ್ರ ಬಂದು ನಿನ್ನ ಕಾಯಿಲೆ ವಾಸಿ ಆಗಲ್ಲ, ನೀನು ಸತ್ತು ಹೋಗ್ತೀಯ ಅಂತ ಯೆಹೋವ ಹೇಳಿದ್ದಾನೆ ಅಂತ ಹೇಳ್ತಾನೆ. (2 ಅರ. 20:1) ಇದನ್ನ ಕೇಳಿದಾಗ ಹಿಜ್ಕೀಯನಿಗೆ ದಿಕ್ಕೇ ತೋಚಲಿಲ್ಲ. ಅವನು ಯೆಹೋವನ ಹತ್ರ ಸಹಾಯ ಮಾಡು ಅಂತ ಬೇಡ್ಕೊಳ್ತಾನೆ. ಬಿಕ್ಕಿಬಿಕ್ಕಿ ಅತ್ತು ಪ್ರಾರ್ಥನೆ ಮಾಡ್ತಾನೆ. ಹಿಜ್ಕೀಯ ಕಣ್ಣೀರಿಟ್ಟು ಮಾಡಿದ ಪ್ರಾರ್ಥನೆಯನ್ನ ಕೇಳಿ ಯೆಹೋವನಿಗೆ ಅಯ್ಯೋ ಅನಿಸ್ತು. ಅದಕ್ಕೆ ಯೆಹೋವ “ನಿನ್ನ ಪ್ರಾರ್ಥನೆ ಕೇಳಿದ್ದೀನಿ. ನಿನ್ನ ಕಣ್ಣೀರನ್ನ ನೋಡಿದ್ದೀನಿ. ನಿನ್ನನ್ನ ವಾಸಿಮಾಡ್ತೀನಿ” ಅಂತ ಹಿಜ್ಕೀಯನಿಗೆ ಹೇಳ್ತಾನೆ. ಅಷ್ಟೇ ಅಲ್ಲ ಯೆಶಾಯನನ್ನ ವಾಪಸ್‌ ಕಳಿಸಿ ಹಿಜ್ಕೀಯನಿಗೆ ನಿನ್ನ ಆಯಸ್ಸನ್ನ ಹೆಚ್ಚು ಮಾಡ್ತೀನಿ, ಯೆರೂಸಲೇಮನ್ನ ಅಶ್ಶೂರ್ಯರ ಕೈಯಿಂದ ಬಿಡಿಸ್ತೀನಿ ಅಂತ ಮಾತು ಕೊಡ್ತಾನೆ. (2 ಅರ. 20:4-6) ನಿಮಗೂ ದಿನೇ ದಿನೇ ಹೆಚ್ಚಾಗ್ತಿರೋ ಕಾಯಿಲೆ ಇದ್ಯಾ? ಅದು ವಾಸಿನೇ ಆಗ್ತಿಲ್ಲ ಅಂತ ನಿಮಗೆ ಅನಿಸ್ತಿದ್ಯಾ? ಹಾಗಿದ್ರೆ ಯೆಹೋವನ ಹತ್ರ ದಯವಿಟ್ಟು ಪ್ರಾರ್ಥನೆ ಮಾಡಿ. ನಿಮಗೆ ಆಗ್ತಿರೋ ಎಲ್ಲ ನೋವನ್ನ ಆತನ ಹತ್ರ ಹೇಳ್ಕೊಳ್ಳಿ. ನೀವು ಪ್ರಾರ್ಥನೆ ಮಾಡುವಾಗ ಅತ್ತರೂ ಪರವಾಗಿಲ್ಲ ಯೆಹೋವ ಅದನ್ನ ಕೇಳಿಸ್ಕೊಳ್ತಾನೆ. ಯೆಹೋವ “ಕೋಮಲ ಕರುಣೆ ತೋರಿಸೋ ತಂದೆ, ಎಲ್ಲ ತರದ ಸಾಂತ್ವನ ಕೊಡೋ ದೇವರು” ಅಂತ ಬೈಬಲ್‌ ಹೇಳುತ್ತೆ. ಏನೇ ಕಷ್ಟ ಬಂದ್ರೂ ಆತನು ನಮಗೆ ಸಾಂತ್ವನ ಕೊಡ್ತಾನೆ.—2 ಕೊರಿಂ. 1:3, 4. w24.12 24 ¶15-17

ಸತ್ತೋಗಿರೋರು ಎದ್ದು ನಮ್ಮ ಕಣ್ಮುಂದೆ ಬರುವಾಗ ಖಂಡಿತ ನಮ್ಮ ಕಣ್ತುಂಬಿ ಬರುತ್ತೆ! ಅಷ್ಟೇ ಅಲ್ಲ ಸೃಷ್ಟಿಲಿರೋ ಎಷ್ಟೋ ಹೊಸ ಹೊಸ ವಿಷ್ಯಗಳನ್ನ ನೋಡ್ತೀವಿ. ಇದ್ರಿಂದ ಯೆಹೋವನ ಬಗ್ಗೆ ಲೆಕ್ಕ ಇಲ್ಲದಷ್ಟು ವಿಷ್ಯಗಳನ್ನ ಕಲಿತೀವಿ. (ಕೀರ್ತ. 104:24; ಯೆಶಾ. 11:9) ಇದೆಲ್ಲದಕ್ಕಿಂತ ಹೆಚ್ಚಾಗಿ ಅಲ್ಲಿ ನಾವು ತಪ್ಪೇ ಮಾಡದೇ ಇರೋದ್ರಿಂದ ಯಾವುದೇ ಕೊರಗಿಲ್ಲದೇ ಯೆಹೋವನ ಆರಾಧನೆ ಮಾಡ್ತೀವಿ. ಇಂಥ ಅದ್ಭುತ ಅವಕಾಶ, ಆಶೀರ್ವಾದಗಳನ್ನ ‘ಸ್ವಲ್ಪ ದಿನ ಪಾಪದ ಸುಖ ಅನುಭವಿಸೋಕೆ’ ಬಿಟ್ಟು ಕೊಡ್ತೀರಾ? (ಇಬ್ರಿ. 11:25) ಈ ಆಶೀರ್ವಾದಗಳನ್ನ ಪಡ್ಕೊಳೋಕೆ ನಾವೇನೇ ತ್ಯಾಗ ಮಾಡಿದ್ರೂ ಅದು ಏನೇನೂ ಅಲ್ಲ! ಈಗ ಕನಸಾಗಿರೋ ಪರದೈಸನ್ನ ಆದಷ್ಟು ಬೇಗ ಕಣ್ಣಾರೆ ನೋಡ್ತೀವಿ. ಯೆಹೋವ ದೇವರು ತನ್ನ ಮುದ್ದಿನ ಮಗ ಯೇಸುನ ನಮಗೋಸ್ಕರ ತ್ಯಾಗ ಮಾಡಿರಲಿಲ್ಲ ಅಂದಿದ್ರೆ ಇದ್ಯಾವುದೂ ನಮಗೆ ಸಿಕ್ತಿರಲಿಲ್ಲ. w25.01 29 ¶12