ಪಾಪ ಮಾಡೋ ಮುಂಚೆ ಆದಾಮ ಹೇಗೆ ಪರಿಪೂರ್ಣನಾಗಿದ್ನೋ ಅದೇ ತರ ಯೇಸುನೂ ಒಬ್ಬ ಪರಿಪೂರ್ಣ ವ್ಯಕ್ತಿ ಆಗಿದ್ದ. ಈ ಅರ್ಥದಲ್ಲಿ ಆದಾಮ ಮತ್ತು ಯೇಸು ಸಮಾನರಾಗಿದ್ರು. (1 ಕೊರಿಂ. 15:45) ಹಾಗಾಗಿ ಯೇಸು ತನ್ನ ಜೀವ ತ್ಯಾಗ ಮಾಡಿ ಆದಾಮ ಮಾಡಿದ ಪಾಪಕ್ಕೆ ಪ್ರಾಯಶ್ಚಿತ್ತವಾಗಿ ಬಿಡುಗಡೆಯ ಬೆಲೆ ಕೊಟ್ಟ. (ರೋಮ. 5:19) ಹೀಗೆ ಯೇಸು “ಕೊನೇ ಆದಾಮ” ಆದ. ಯೇಸು “ಎಲ್ಲ ಕಾಲಕ್ಕೂ ಒಂದೇ” ಬಲಿ ಅರ್ಪಿಸಿದ್ರಿಂದ ಆದಾಮ ಕಳ್ಕೊಂಡಿದ್ದನ್ನ ಮತ್ತೆ ಪಡ್ಕೊಳ್ಳೋಕೆ ಇನ್ನೊಬ್ಬ ಪರಿಪೂರ್ಣ ವ್ಯಕ್ತಿಯ ಅಗತ್ಯ ಇರ್ಲಿಲ್ಲ. (ಇಬ್ರಿ. 7:27; 10:12) ಪ್ರಾಯಶ್ಚಿತ್ತಕ್ಕೂ ಬಿಡುಗಡೆ ಬೆಲೆಗೂ ಏನು ವ್ಯತ್ಯಾಸ? ಪ್ರಾಯಶ್ಚಿತ್ತ ಅಂದ್ರೆ ಮನುಷ್ಯರು ತನ್ನ ಜೊತೆ ಮತ್ತೆ ಸ್ನೇಹ-ಸಂಬಂಧ ಬೆಳೆಸ್ಕೊಳ್ಳೋಕೆ ಯೆಹೋವ ತಗೊಂಡಿರೋ ಹೆಜ್ಜೆ. ಬಿಡುಗಡೆ ಬೆಲೆ ಅಂದ್ರೆ ಮನುಷ್ಯರ ಪಾಪಕ್ಕೆ ಪ್ರಾಯಶ್ಚಿತ್ತ ಮಾಡೋಕೆ ಕೊಟ್ಟ ಬೆಲೆ. ನಮ್ಮ ಪಾಪಗಳಿಗೋಸ್ಕರ ಬೆಲೆ ಕೊಡೋಕೆ ಯೇಸು ತನ್ನ ಪರಿಪೂರ್ಣ ಜೀವವನ್ನ ತ್ಯಾಗ ಮಾಡಿದ.—ಇಬ್ರಿ. 9:14. w25.02 5 ¶12-13

ಯೆಹೋವ ಜೀವ ಇರೋ ದೇವರು ಅಂತ ಅರ್ಥ ಮಾಡ್ಕೊಂಡ್ರೆ ಸಮಸ್ಯೆಗಳು ಬಂದಾಗ ನಾವು ಸೋತು ಹೋಗಲ್ಲ. ಯಾಕೆ ಹಾಗೆ ಹೇಳಬಹುದು? ಸಮಸ್ಯೆಗಳು ಬಂದಾಗ ನಾವು ಒಂದು ಪ್ರಾಮುಖ್ಯ ವಿಷಯನ ನೆನಪಲ್ಲಿಡಬೇಕು. ಅದೇನಂದ್ರೆ ಕಷ್ಟಗಳು ಬಂದಾಗ ನಾವು ಯೆಹೋವನನ್ನ ಬಿಟ್ಟುಬಿಡ್ತೀವಿ ಅಂತ ಸೈತಾನ ಆರೋಪ ಹಾಕಿದ್ದಾನೆ. (ಯೋಬ 1:10, 11; ಜ್ಞಾನೋ. 27:11) ಕಷ್ಟಗಳು ಬಂದಾಗ್ಲೂ ನಿಯತ್ತಾಗಿದ್ರೆ ನಮಗೆ ಯೆಹೋವನ ಮೇಲೆ ಎಷ್ಟು ಪ್ರೀತಿ ಇದೆ ಅಂತ ತೋರಿಸ್ತೀವಿ ಮತ್ತು ಸೈತಾನ ಸುಳ್ಳುಗಾರ ಅಂತ ನಿರೂಪಿಸ್ತೀವಿ. ಸರ್ಕಾರದಿಂದ ನೀವು ವಿರೋಧ ಎದುರಿಸ್ತಿದ್ದೀರಾ? ನಿಮಗೆ ಆರ್ಥಿಕ ಸಮಸ್ಯೆಗಳು ಇದೆಯಾ? ನೀವು ಸಿಹಿಸುದ್ದಿ ಹೇಳುವಾಗ ಜನರು ಕೇಳಿಸ್ಕೊಳ್ತಿಲ್ವಾ? ಅಥವಾ ನಿಮಗೆ ಬೇರೆ ಯಾವುದಾದ್ರೂ ಕಷ್ಟಗಳು ಇದೆಯಾ? ಹಾಗಿದ್ರೆ ಯೆಹೋವನ ಮನಸ್ಸನ್ನ ಖುಷಿ ಪಡಿಸೋಕೆ ಇದೆಲ್ಲ ಒಂದು ಅವಕಾಶ ಅಂತ ನೆನಸಿ. ಒಂದು ವಿಷಯ ನೆನಪಿಡಿ ನಿಮಗೆ ಸಹಿಸ್ಕೊಳ್ಳೋಕೆ ಆಗದೆ ಇರುವಷ್ಟು ಮಟ್ಟಿಗೆ ಕಷ್ಟ ಬರೋಕೆ ಆತನು ಬಿಡಲ್ಲ. ಅಷ್ಟೇ ಅಲ್ಲ ಕಷ್ಟಗಳನ್ನ ಎದುರಿಸೋಕೆ ಬೇಕಾದ ಶಕ್ತಿನೂ ಕೊಡ್ತಾನೆ. w24.06 22 ¶9

ನಿಮ್ಮಲ್ಲಿ ಯಾವ ಬಲಹೀನತೆಗಳಿವೆ ಅಂತ ನಿಮಗೆ ಗೊತ್ತಿದೆಯಾ? ನನ್ನಲ್ಲಿ ಯಾವ ಬಲಹೀನತೆನೂ ಇಲ್ಲ, ಎಷ್ಟೇ ತಪ್ಪು ಮಾಡೋ ಆಸೆ ಬಂದ್ರೂ ನಾನು ಸರಿಯಾಗಿರೋದನ್ನೇ ಮಾಡ್ತೀನಿ ಅಂತ ಅಂದ್ಕೊಂಡ್ರೆ ನಮ್ಗೆ ನಾವೇ ಮೋಸ ಮಾಡ್ಕೊಳ್ತೀವಿ. (1 ಯೋಹಾ. 1:8) ಎಚ್ಚರವಾಗಿ ಇಲ್ಲಾಂದ್ರೆ ‘ಎಲ್ಲ ಚೆನ್ನಾಗಿ ತಿಳ್ಕೊಂಡಿರೋ ಕ್ರೈಸ್ತರೂ’ ತಪ್ಪು ಮಾಡಿಬಿಡಬಹುದು ಅಂತ ಅಪೊಸ್ತಲ ಪೌಲ ಹೇಳಿದ. (ಗಲಾ. 6:1) ಹಾಗಾಗಿ ನಮ್ಮ ಬಗ್ಗೆ ನಾವು ಚೆನ್ನಾಗಿ ತಿಳ್ಕೊಂಡಿರಬೇಕು ಮತ್ತು ನಮ್ಮಲ್ಲಿರೋ ಬಲಹೀನತೆಗಳನ್ನ ಕಂಡುಹಿಡಿಬೇಕು. (2 ಕೊರಿಂ. 13:5) ನಮ್ಮಲ್ಲಿ ಕೆಟ್ಟ ಆಸೆ ಹುಟ್ಟಿಸೋ ವಿಷ್ಯಗಳು ಯಾವುದು ಅಂತ ಗೊತ್ತಾದ ಮೇಲೆ ಏನು ಮಾಡಬೇಕು? ಆ ಆಸೆ ವಿರುದ್ಧ ಹೋರಾಡೋಕೆ ನಮ್ಮಿಂದಾದ ಎಲ್ಲಾ ಪ್ರಯತ್ನ ಮಾಡಬೇಕು. ಉದಾಹರಣೆಗೆ ಹಿಂದಿನ ಕಾಲದಲ್ಲಿ ಒಂದು ಪಟ್ಟಣದ ಗೋಡೆಯಲ್ಲಿ ಅದರ ಬಾಗಿಲುಗಳೇ ತುಂಬಾ ಬಲಹೀನವಾಗಿತ್ತು. ಅದಕ್ಕೇ ಬಾಗಿಲುಗಳನ್ನ ಗಟ್ಟಿಮುಟ್ಟಾಗಿ ಕಟ್ತಿದ್ರು ಮತ್ತು ಅದನ್ನ ಕಾಯೋಕೆ ತುಂಬ ಕಾವಲುಗಾರರನ್ನ ಇಡ್ತಿದ್ರು. ಅದೇ ತರ ನಮ್ಮಲ್ಲಿ ಯಾವ ಬಲಹೀನತೆ ಇದೆ ಅಂತ ಗೊತ್ತಾದ ಮೇಲೆ ಅದಕ್ಕೆ ನಾವು ಚೆನ್ನಾಗಿ ಗಮನ ಕೊಡಬೇಕು. ಆಗ ಆ ಆಸೆ ವಿರುದ್ಧ ಹೋರಾಡೋಕೆ ಆಗುತ್ತೆ.—1 ಕೊರಿಂ. 9:27. w24.07 15 ¶5-7