ಯೆಶಾಯ

 2 ಆಕಾಶವೇ ಕೇಳು, ಭೂಮಿಯೇ ಗಮನಿಸು,+

ಯೆಹೋವ ಹೀಗೆ ಹೇಳಿದ್ದಾನೆ:

“ನಾನು ಸಾಕಿ ಬೆಳೆಸಿದ ಗಂಡು ಮಕ್ಕಳೇ+

ನನ್ನ ವಿರುದ್ಧ ದಂಗೆ ಎದ್ದಿದ್ದಾರೆ.+

 3 ಹೋರಿಗೆ ತನ್ನ ಯಜಮಾನನ ಬಗ್ಗೆ ಚೆನ್ನಾಗಿ ಗೊತ್ತಿರುತ್ತೆ,

ಕತ್ತೆಗೆ ತನ್ನ ಒಡೆಯ ತನಗೆ ಎಲ್ಲಿ ಮೇವು ಹಾಕ್ತಾನೆ ಅಂತ ಗೊತ್ತಿರುತ್ತೆ.

ಆದ್ರೆ ಇಸ್ರಾಯೇಲ್ಯರಿಗೆ ನನ್ನ* ಪರಿಚಯ ಇಲ್ಲ,+

ನನ್ನ ಸ್ವಂತ ಜನ ತಿಳುವಳಿಕೆಯಿಂದ ನಡ್ಕೊಳ್ಳಲ್ಲ.”

ಪಾಪದ ಭಾರ ಹೊತ್ತಿರೋ ಜನ್ರೇ,

ಕೆಟ್ಟವರ ಸಂತತಿಯೇ, ಭ್ರಷ್ಟ ಮಕ್ಕಳೇ, ನಿಮ್ಮ ಗತಿ ಏನು ಹೇಳಲಿ!

ನೀವು ಯೆಹೋವನನ್ನ ತೊರೆದುಬಿಟ್ರಿ,+

ಇಸ್ರಾಯೇಲ್ಯರ ಪವಿತ್ರ ದೇವ್ರನ್ನ ಅಗೌರವಿಸಿದ್ರಿ.

ನಿಮ್ಮ ತಲೆ ತುಂಬ ಗಾಯಗಳೇ,

ನಿಮ್ಮ ಹೃದಯ ತುಂಬ ರೋಗ ತುಂಬಿದೆ.+

 7 ನಿಮ್ಮ ದೇಶ ಹಾಳುಬಿದ್ದಿದೆ,

ನಿಮ್ಮ ಪಟ್ಟಣಗಳು ಬೆಂಕಿಯಿಂದ ಸುಟ್ಟೋಗಿವೆ.

 8 ದ್ರಾಕ್ಷಿತೋಟದಲ್ಲಿರೋ ಚಪ್ಪರದ ತರ,

ಸೌತೆ ಹೊಲದಲ್ಲಿರೋ ಗುಡಿಸಲಿನ ತರ,

ಮುತ್ತಿಗೆ ಹಾಕಲಾಗಿರೋ ಪಟ್ಟಣದ ತರ ಚೀಯೋನ್‌ ಪಟ್ಟಣನ ಬಿಟ್ಟು ಬಿಡಲಾಗಿದೆ.+

 9 ಸೈನ್ಯಗಳ ದೇವರಾದ ಯೆಹೋವ ನಮ್ಮಲ್ಲಿ ಸ್ವಲ್ಪ ಜನ್ರನ್ನಾದ್ರೂ ಉಳಿಸದೆ ಹೋಗಿದ್ರೆ,

ನಾವು ಸೊದೋಮಿನ ತರ ಆಗ್ತಿದ್ವಿ,

ಗೊಮೋರಕ್ಕೆ ಆದ ಗತಿನೇ ನಮಗೂ ಆಗ್ತಿತ್ತು.+

ನಿಮ್ಮ ಟಗರುಗಳ ಸರ್ವಾಂಗಹೋಮ ಬಲಿಗಳಿಂದ ಮತ್ತು ದಷ್ಟಪುಷ್ಟ ಪ್ರಾಣಿಗಳ ಕೊಬ್ಬಿಂದ+ ನನಗೆ ಸಾಕಾಗಿ ಹೋಗಿದೆ,+

ಹೋರಿ,+ ಕುರಿ, ಆಡುಗಳ+ ರಕ್ತದಲ್ಲಿ ನನಗೆ ಸಂತೋಷ ಇಲ್ಲ.+

12 ನನ್ನ ಸನ್ನಿಧಿಗೆ ಬರೋಕೆ,+

ನನ್ನ ಅಂಗಳಗಳನ್ನ ಹೀಗೆ ತುಳಿಯೋಕೆ

ನಿಮ್ಮನ್ನ ಕೇಳಿಕೊಂಡವ್ರು ಯಾರು?+

15 ಪ್ರಾರ್ಥನೆ ಮಾಡೋಕೆ ನೀವು ಕೈಗಳನ್ನ ಚಾಚುವಾಗ

ನಾನು ನಿಮ್ಮನ್ನ ನೋಡಲ್ಲ.+

ನೀವು ಎಷ್ಟು ಸಲ ಪ್ರಾರ್ಥಿಸಿದ್ರೂ+

ನಾನು ಕೇಳಲ್ಲ.+

16 ನೀವು ನಿಮ್ಮನ್ನ ತೊಳ್ಕೊಂಡು ಶುದ್ಧಮಾಡ್ಕೊಳ್ಳಿ,+

ನನ್ನ ಕಣ್ಮುಂದಿಂದ ನಿಮ್ಮ ಕೆಟ್ಟ ಕೆಲಸಗಳನ್ನ ದೂರತಳ್ಳಿ,

ಕೆಟ್ಟದ್ದು ಮಾಡೋದನ್ನ ನಿಲ್ಲಿಸಿ.+

17 ಒಳ್ಳೇ ಕೆಲಸ ಮಾಡೋದನ್ನ ಕಲಿರಿ, ನ್ಯಾಯದಿಂದ ನಡಿರಿ,+

ದಬ್ಬಾಳಿಕೆ ಮಾಡೋರನ್ನ ತಿದ್ದಿ ಸರಿಮಾಡಿ,

ತಂದೆಯಿಲ್ಲದ ಮಗುವಿನ* ಹಕ್ಕುಗಳಿಗಾಗಿ ಹೋರಾಡಿ,

ವಿಧವೆ ಪರವಾಗಿ ವಾದಿಸಿ.”+

18 ಯೆಹೋವ ಹೀಗೆ ಹೇಳ್ತಿದ್ದಾನೆ: “ಬನ್ನಿ, ನಾವೀಗ ನಮ್ಮ ಮಧ್ಯ ಇರೋ ವಿಷ್ಯಗಳನ್ನ ಇತ್ಯರ್ಥ ಮಾಡ್ಕೊಳ್ಳೋಣ,+

ನಿಮ್ಮ ಪಾಪಗಳು ಕಡುಗೆಂಪಾಗಿದ್ರೂ

ಅವನ್ನ ಹಿಮದ ತರ ಬೆಳ್ಳಗೆ ಮಾಡ್ತೀನಿ.+

ತುಂಬ ಕೆಂಪಗೆ ಇರೋ ಬಟ್ಟೆ ತರ ಇದ್ರೂ

ಉಣ್ಣೆ ತರ ಬೆಳ್ಳಗೆ ಮಾಡ್ತೀನಿ.

19 ನೀವು ನನ್ನ ಮಾತು ಕೇಳೋ ಮನಸ್ಸು ಮಾಡಿದ್ರೆ

ದೇಶದ ಒಳ್ಳೇ ಊಟ ತಿಂತೀರ.+

20 ಆದ್ರೆ ನೀವು ಅದನ್ನ ಕೇಳದೆ ದಂಗೆ ಎದ್ರೆ

ಕತ್ತಿಗೆ ಬಲಿಯಾಗ್ತೀರ.+

ಆ ಪಟ್ಟಣದಲ್ಲಿ ನ್ಯಾಯ ತುಂಬಿತ್ತು,+

ನೀತಿ ನೆಲೆಸಿತ್ತು,+

ಆದ್ರೆ ಈಗ ಅಲ್ಲಿ ಕೊಲೆಗಾರರೇ ತುಂಬ್ಕೊಂಡಿದ್ದಾರೆ.+

22 ನಿನ್ನ ಬೆಳ್ಳಿ ಕಲ್ಮಶದ* ತರ ಆಗಿದೆ+

ನಿನ್ನ ಮದ್ಯದಲ್ಲಿ* ನೀರು ಬೆರೆತು ಹೋಗಿದೆ.

ತಂದೆಯಿಲ್ಲದ ಮಕ್ಕಳಿಗೆ ಅವರು ನ್ಯಾಯ ಕೊಡಿಸಲ್ಲ,

ವಿಧವೆಯರ ಮೊಕದ್ದಮೆ ಅವ್ರಿಗೆ ತಲುಪೋದೇ ಇಲ್ಲ.+

24 ಹಾಗಾಗಿ ನಿಜವಾದ ಒಡೆಯನೂ ಸೈನ್ಯಗಳ ದೇವರೂ ಆದ ಯೆಹೋವ,

ಇಸ್ರಾಯೇಲ್ಯರ ಬಲಿಷ್ಠ ದೇವರು ಹೀಗೆ ಘೋಷಿಸ್ತಿದ್ದಾನೆ “ನಾನು ನನ್ನ ಶತ್ರುಗಳನ್ನ ಅಳಿಸಿಹಾಕ್ತೀನಿ,

ನನ್ನ ಶತ್ರುಗಳ ವಿರುದ್ಧ ಸೇಡು ತೀರಿಸ್ತೀನಿ.+

25 ನನ್ನ ಕೈಯನ್ನ ನಿನ್ನ ವಿರುದ್ಧ ಎತ್ತುತೀನಿ,

ಸಾಬೂನಿನಿಂದ ತೊಳೆಯೋ ತರ ನಿನ್ನ ಕಲ್ಮಶವನ್ನೆಲ್ಲ ತೊಳೆದುಬಿಡ್ತೀನಿ,

ನಿನ್ನ ಕೊಳೆಯನ್ನ ತೆಗೆದುಬಿಡ್ತೀನಿ.+

26 ಮೊದಲಿನ ತರ ಮತ್ತೊಮ್ಮೆ

ನಾನು ನಿನಗೆ ನ್ಯಾಯಾಧೀಶರನ್ನ ಮತ್ತು ಸಲಹೆಗಾರರನ್ನ ಕೊಡ್ತೀನಿ.+

27 ಚೀಯೋನನ್ನ ನ್ಯಾಯದಿಂದ,

ವಾಪಸ್‌ ಬರೋ ಅದ್ರ ಜನ್ರನ್ನ ನೀತಿಯಿಂದ ಬಿಡಿಸಲಾಗುತ್ತೆ.+

28 ದಂಗೆ ಏಳೋರನ್ನ ಮತ್ತು ಪಾಪಿಗಳನ್ನ ಒಟ್ಟಿಗೆ ನಾಶಮಾಡಲಾಗುತ್ತೆ,+

ಯೆಹೋವನನ್ನ ತೊರೆದು ಬಿಟ್ಟವರು ಅಂತ್ಯ ಕಾಣ್ತಾರೆ.+

29 ನೀವು ಇಷ್ಟಪಟ್ಟ ದೊಡ್ಡದೊಡ್ಡ ಮರಗಳಿಂದಾಗಿ ಅವಮಾನ ಅನುಭವಿಸ್ತೀರ,+

ನೀವು ಆಯ್ಕೆಮಾಡಿದ ತೋಟದಿಂದ* ಅಪಮಾನಕ್ಕೆ ಗುರಿಯಾಗ್ತೀರ.+

30 ಎಲೆಗಳು ಉದುರಿ ಹೋಗೋ ದೊಡ್ಡ ಮರದ ತರ ನೀವು ಆಗ್ತೀರ,+

ನೀರಿಲ್ಲದ ತೋಟದ ತರ ಆಗ್ತೀರ.

31 ಬಲಿಷ್ಠ ವ್ಯಕ್ತಿ ಒಣಹುಲ್ಲಿನ ತರ* ಆಗ್ತಾನೆ,

ಅವನ ಕೆಲಸಗಳು ಬೆಂಕಿ ಕಿಡಿ ತರ ಇರುತ್ತೆ.

ಅವನು ಮತ್ತು ಅವನ ಕೆಲಸಗಳು ಒಟ್ಟಿಗೆ ಸುಟ್ಟು ಹೋಗುತ್ತೆ,

ಅದನ್ನ ಆರಿಸೋಕೆ ಯಾರೂ ಇರಲ್ಲ.”