ಕೀರ್ತನೆ

ಗಾಯಕರ ನಿರ್ದೇಶಕನಿಗೆ ಸೂಚನೆ, ತಂತಿವಾದ್ಯಗಳ ಜೊತೆ ಹಾಡಬೇಕು. ಇದೊಂದು ಮಧುರ ಗೀತೆ.

67 ದೇವರು ನಮಗೆ ದಯೆ ತೋರಿಸ್ತಾನೆ, ನಮಗೆ ಆಶೀರ್ವಾದ ಮಾಡ್ತಾನೆ,

ಆತನ ಮುಖದ ಕಾಂತಿ ನಮ್ಮ ಮೇಲೆ ಬೆಳಗೋ ತರ ಮಾಡ್ತಾನೆ.+ (ಸೆಲಾ)

2 ಆಗ ನಿನ್ನ ದಾರಿಯ ಬಗ್ಗೆ ಭೂಮಿಯಲ್ಲೆಲ್ಲ ಗೊತ್ತಾಗುತ್ತೆ.+

ನೀನು ಹೇಗೆ ರಕ್ಷಿಸ್ತೀಯ ಅಂತ ಎಲ್ಲ ಜನಾಂಗಗಳು ತಿಳ್ಕೊಳ್ಳುತ್ತೆ.+

3 ದೇವರೇ, ಜನಾಂಗಗಳು ನಿನ್ನನ್ನ ಸ್ತುತಿಸಲಿ,

ಎಲ್ಲ ಜನ್ರು ನಿನ್ನನ್ನ ಹೊಗಳಲಿ.

4 ಜನಾಂಗಗಳು ಉಲ್ಲಾಸಿಸ್ತಾ ಸಂತೋಷದಿಂದ ಜೈಕಾರ ಹಾಕಲಿ,+

ಯಾಕಂದ್ರೆ ನೀನು ದೇಶಗಳ ಜನ್ರಿಗೆ ಸರಿಯಾಗಿ ನ್ಯಾಯತೀರಿಸ್ತೀಯ.+

ಭೂಮಿಯಲ್ಲಿರೋ ಜನ್ರಿಗೆ ದಾರಿ ತೋರಿಸ್ತೀಯ. (ಸೆಲಾ)

5 ದೇವರೇ, ಜನಾಂಗಗಳು ನಿನ್ನನ್ನ ಸ್ತುತಿಸಲಿ,

ಎಲ್ಲ ಜನ್ರು ನಿನ್ನನ್ನ ಹೊಗಳಲಿ.

6 ಭೂಮಿ ಅದ್ರ ಬೆಳೆಯನ್ನ ಕೊಡುತ್ತೆ,+

ದೇವರು, ನಮ್ಮ ದೇವರು ನಮ್ಮನ್ನ ಆಶೀರ್ವದಿಸ್ತಾನೆ.+

7 ದೇವರು ನಮಗೆ ಆಶೀರ್ವಾದ ಕೊಡ್ತಾನೆ,

ಭೂಮಿಯ ಮೂಲೆಮೂಲೆಯಲ್ಲಿ ಇರೋ ಜನ್ರೆಲ್ಲ ಆತನಿಗೆ ಭಯಪಡ್ತಾರೆ.*+