ಎರಡನೇ ಅರಸು

19 ಆ ಮಾತುಗಳನ್ನ ಕೇಳಿದ ತಕ್ಷಣ ರಾಜ ಹಿಜ್ಕೀಯ ಬಟ್ಟೆ ಹರ್ಕೊಂಡು ಗೋಣಿ ಕಟ್ಕೊಂಡು ಯೆಹೋವನ ಆಲಯಕ್ಕೆ ಹೋದ.+ 2 ಅರಮನೆ ನೋಡ್ಕೊಳ್ತಿದ್ದ ಎಲ್ಯಕೀಮನನ್ನ, ಕಾರ್ಯದರ್ಶಿ ಶೆಬ್ನನನ್ನ, ಪುರೋಹಿತರಲ್ಲಿದ್ದ ಹಿರಿಯರನ್ನ ಹಿಜ್ಕೀಯ ಪ್ರವಾದಿಯಾದ ಆಮೋಚನ ಮಗ ಯೆಶಾಯನ+ ಹತ್ರ ಕಳಿಸಿದ. ಅವರು ಗೋಣಿ ಕಟ್ಕೊಂಡು ಅವನ ಹತ್ರ ಹೋದ್ರು. 3 ಅವರು ಯೆಶಾಯನಿಗೆ “ಹಿಜ್ಕೀಯ ಹೀಗೆ ಹೇಳ್ತಿದ್ದಾನೆ: ‘ಈ ದಿನ ತುಂಬ ಕಷ್ಟದ ದಿನ. ಅವಮಾನ ಮತ್ತು ಕಳಂಕದ ದಿನ. ನಮ್ಮ ಪರಿಸ್ಥಿತಿ, ಹೆರೋ ಕಾಲವಾಗಿದ್ರೂ ಹೆರೋಕೆ ಶಕ್ತಿಯಿಲ್ಲದ ಗರ್ಭಿಣಿ ಸ್ತ್ರೀ ತರ ಇದೆ.+ 4 ಜೀವ ಇರೋ ದೇವರನ್ನ ಅವಮಾನಿಸೋಕೆ ಅಶ್ಶೂರ್ಯರ ರಾಜ ಕಳಿಸಿದ ರಬ್ಷಾಕೆಯ ಮಾತನ್ನೆಲ್ಲ ನಿನ್ನ ದೇವರಾದ ಯೆಹೋವ ಖಂಡಿತ ಕೇಳಿರಬಹುದು.+ ನಿನ್ನ ದೇವರಾದ ಯೆಹೋವ ಕೇಳಿಸ್ಕೊಂಡ ಮಾತುಗಳಿಗೆ ತಕ್ಕಂತೆ ಅವನನ್ನ ಶಿಕ್ಷಿಸಬಹುದು. ಹಾಗಾಗಿ ದೇಶದಲ್ಲಿ ಉಳಿದಿರೋ ಜನ್ರಿಗೋಸ್ಕರ ದಯವಿಟ್ಟು ಪ್ರಾರ್ಥನೆ ಮಾಡು’”+ ಅಂತ ಹೇಳಿದ್ರು.

5 ರಾಜ ಹಿಜ್ಕೀಯನ ಈ ಸಂದೇಶವನ್ನ ಅವರು ಯೆಶಾಯನಿಗೆ ಹೇಳಿದಾಗ+ 6 ಯೆಶಾಯ “ನೀವು ನಿಮ್ಮ ಒಡೆಯನಿಗೆ ಹೀಗೆ ಹೇಳಿ ‘ಯೆಹೋವ ಹೀಗೆ ಹೇಳ್ತಾನೆ: “ಅಶ್ಶೂರ್ಯರ ರಾಜನ ಸೇವಕರು ನನಗೆ ಅವಮಾನ ಮಾಡಿ ಹೇಳಿರೋ ಮಾತುಗಳನ್ನ+ ಕೇಳಿಸ್ಕೊಂಡು ನೀನು ಹೆದರಬೇಡ.+ 7 ನಾನು ಅವನ ಮನಸ್ಸಲ್ಲಿ ಒಂದು ಯೋಚ್ನೆ ಹುಟ್ಟಿಸ್ತೀನಿ. ಅವನು ಒಂದು ಸುದ್ದಿ ಕೇಳಿ ತನ್ನ ದೇಶಕ್ಕೆ ವಾಪಸ್‌ ಹೋಗೋ ಹಾಗೆ ಮಾಡ್ತೀನಿ. ಅವನು ಅಲ್ಲೇ ಕತ್ತಿಯಿಂದ ಸಾಯೋ ತರ ಮಾಡ್ತೀನಿ”’”+ ಅಂದ.

8 ಅಶ್ಶೂರ್ಯರ ರಾಜ ಲಾಕೀಷನ್ನ+ ಬಿಟ್ಟು ಹೋದ ಅನ್ನೋ ಸುದ್ದಿ ರಬ್ಷಾಕೆಗೆ ಸಿಕ್ತು. ಹಾಗಾಗಿ ಅವನು ತನ್ನ ರಾಜನ ಹತ್ರ ವಾಪಸ್‌ ಹೋದ. ಆಗ ರಾಜ ಲಿಬ್ನದ ವಿರುದ್ಧ ಯುದ್ಧ ಮಾಡ್ತಿದ್ದ.+ 9 ಇಥಿಯೋಪ್ಯದ ರಾಜ ತಿರ್ಹಾಕ ತನ್ನ ವಿರುದ್ಧ ಯುದ್ಧ ಮಾಡೋಕೆ ಬಂದಿದ್ದಾನೆ ಅನ್ನೋ ವಿಷ್ಯ ಅಶ್ಶೂರ್ಯರ ರಾಜನ ಕಿವಿಗೆ ಬಿತ್ತು. ಆಗ ಅವನು ತನ್ನ ಸಂದೇಶವಾಹಕರಿಗೆ+ ಹೀಗೆ ಹೇಳಿ ರಾಜ ಹಿಜ್ಕೀಯನ ಹತ್ರ ಕಳಿಸಿದ: 10 “ನೀವು ಯೆಹೂದದ ರಾಜ ಹಿಜ್ಕೀಯನ ಹತ್ರ ಹೋಗಿ ಹೀಗೆ ಹೇಳಿ ‘ನೀನು ನಂಬಿರೋ ದೇವರು “ಯೆರೂಸಲೇಮನ್ನ ಅಶ್ಶೂರ್ಯರ ರಾಜನ ಕೈಗೆ ಒಪ್ಪಿಸಲ್ಲ” ಅಂತ ಹೇಳಿ ನಿನಗೆ ಮೋಸ ಮಾಡ್ತಿದ್ದಾನೆ. ಆದ್ರೆ ನೀನು ಮೋಸ ಹೋಗಬೇಡ.+ 11 ಅಶ್ಶೂರ್ಯರ ರಾಜರ ಕೈಯಲ್ಲಿ ಬೇರೆ ದೇಶಗಳು ಹೇಗೆ ಸರ್ವನಾಶ ಆದ್ವು+ ಅಂತ ನಿನಗೆ ಚೆನ್ನಾಗಿ ಗೊತ್ತು. ಹಾಗಿದ್ದ ಮೇಲೆ ನೀನು ನನ್ನ ಕೈಯಿಂದ ತಪ್ಪಿಸ್ಕೊಳ್ತೀಯ ಅಂತ ಹೇಗೆ ಅಂದ್ಕೊಂಡೆ? 12 ನನ್ನ ಪೂರ್ವಜರು ನಾಶಮಾಡಿದ ದೇಶಗಳ ದೇವರುಗಳಿಗೆ ಆ ದೇಶಗಳ ಜನ್ರನ್ನ ರಕ್ಷಿಸೋಕಾಯ್ತಾ? ಗೋಜಾನ್‌, ಖಾರಾನ್‌,+ ರೆಚೆಫ್‌ ಮತ್ತು ತೆಲಸ್ಸಾರಿನಲ್ಲಿದ್ದ ಎದೆನಿನ ಜನ ಈಗ ಎಲ್ಲಿದ್ದಾರೆ? 13 ಹಾಮಾತಿನ ರಾಜ, ಅರ್ಪಾದಿನ, ಸೆಫರ್ವಯಿಮ್‌, ಹೇನ ಮತ್ತು ಇವ್ವಾ+ ಅನ್ನೋ ಪಟ್ಟಣಗಳ ರಾಜರು ಈಗ ಎಲ್ಲಿ?’”

14 ಹಿಜ್ಕೀಯ, ಸಂದೇಶವಾಹಕರು ತಂದ ಪತ್ರಗಳನ್ನ ತಗೊಂಡು ಓದಿದ. ಆಮೇಲೆ ಅವನು ಯೆಹೋವನ ಆಲಯಕ್ಕೆ ಹೋಗಿ ಅವುಗಳನ್ನ ಯೆಹೋವನ ಮುಂದೆ ತೆರೆದಿಟ್ಟು+ 15 ಯೆಹೋವನಿಗೆ ಹೀಗೆ ಪ್ರಾರ್ಥಿಸಿದ:+ “ಕೆರೂಬಿಗಳ+ ಮೇಲೆ* ಕೂತಿರೋ ಇಸ್ರಾಯೇಲ್‌ ದೇವರಾದ ಯೆಹೋವನೇ, ಭೂಮಿ ಮೇಲಿರೋ ಸಕಲ ರಾಜ್ಯಗಳಿಗೆ ಸತ್ಯ ದೇವರು ನೀನೊಬ್ಬನೇ.+ ಆಕಾಶವನ್ನೂ ಭೂಮಿಯನ್ನೂ ಸೃಷ್ಟಿ ಮಾಡಿದವನು ನೀನೇ. 16 ಯೆಹೋವನೇ, ಕಿವಿಗೊಟ್ಟು ಕೇಳು!+ ಯೆಹೋವನೇ, ಕಣ್ತೆರೆದು+ ನೋಡು! ಜೀವ ಇರೋ ದೇವರಾದ ನಿನ್ನನ್ನ ಹಂಗಿಸೋಕೆ ಸನ್ಹೇರೀಬ ಹೇಳಿ ಕಳಿಸಿದ ಮಾತುಗಳನ್ನ ದಯವಿಟ್ಟು ಕೇಳಿಸ್ಕೊ. 17 ಯೆಹೋವನೇ, ಅಶ್ಶೂರ್ಯರ ರಾಜ ತುಂಬ ಜನಾಂಗಗಳನ್ನ, ಅವ್ರ ದೇಶಗಳನ್ನ ನಾಶ ಮಾಡಿರೋದು ನಿಜ.+ 18 ಅವರು ಆ ದೇಶದ ದೇವರುಗಳನ್ನ ಬೆಂಕಿಗೆ ಹಾಕಿದ್ರು. ಯಾಕಂದ್ರೆ ಅವು ದೇವರಲ್ಲ.+ ಕಟ್ಟಿಗೆಯಿಂದ, ಕಲ್ಲಿಂದ ಮಾಡಿದ ಮನುಷ್ಯರ ಕೈಕೆಲಸ ಅಷ್ಟೇ.+ ಅದಕ್ಕೆ ಆ ದೇವರುಗಳನ್ನ ನಾಶ ಮಾಡೋಕಾಯ್ತು. 19 ಹಾಗಾಗಿ ನಮ್ಮ ದೇವರಾದ ಯೆಹೋವನೇ, ದಯವಿಟ್ಟು ಅವನ ಕೈಯಿಂದ ನಮ್ಮನ್ನ ರಕ್ಷಿಸು. ಆಗ ಯೆಹೋವನೇ, ಭೂಮಿ ಮೇಲಿರೋ ಸಕಲ ರಾಜ್ಯಗಳಿಗೆ ನೀನೊಬ್ಬನೇ ದೇವರಂತ ಗೊತ್ತಾಗುತ್ತೆ.”+

20 ಆಗ ಆಮೋಚನ ಮಗ ಯೆಶಾಯ ಹಿಜ್ಕೀಯನಿಗೆ ಈ ಸಂದೇಶ ಕಳಿಸಿದ: “ಇಸ್ರಾಯೇಲ್‌ ದೇವರಾದ ಯೆಹೋವ ಹೀಗೆ ಹೇಳ್ತಾನೆ ‘ಅಶ್ಶೂರ್ಯರ ರಾಜ ಸನ್ಹೇರೀಬನ ವಿಷ್ಯವಾಗಿ ನೀನು ಮಾಡಿದ ಪ್ರಾರ್ಥನೆಯನ್ನ+ ನಾನು ಕೇಳಿಸ್ಕೊಂಡಿದ್ದೀನಿ.+ 21 ಯೆಹೋವ ಸನ್ಹೇರೀಬನ ವಿರುದ್ಧ ಹೇಳಿದ ಮಾತುಗಳು ಹೀಗಿವೆ:

“ಕನ್ಯೆಯಾಗಿರೋ ಚೀಯೋನಿನ ಮಗಳು ನಿನ್ನನ್ನ ತುಚ್ಛವಾಗಿ ಕಾಣ್ತಾಳೆ, ನಿನ್ನನ್ನ ಅಣಕಿಸ್ತಾಳೆ.

ಯೆರೂಸಲೇಮಿನ ಮಗಳು ನಿನ್ನನ್ನ ನೋಡಿ ತಲೆ ಆಡಿಸ್ತಾ ನಗ್ತಾಳೆ.

22 ನೀನು ಕೆಣಕಿದ್ದು, ಅವಮಾನ ಮಾಡಿದ್ದು ಯಾರನ್ನ ಅಂತ ಗೊತ್ತಾ?+

ನೀನು ನಿನ್ನ ಧ್ವನಿ ಎತ್ತಿದ್ದು ಯಾರ ವಿರುದ್ಧ ಅಂತ ಗೊತ್ತಾ?+

ನೀನು ಸೊಕ್ಕಿಂದ ನೋಡಿದ್ದು ಯಾರನ್ನ ಅಂತ ಗೊತ್ತಾ?

ಇಸ್ರಾಯೇಲ್ಯರ ಪವಿತ್ರ ದೇವರನ್ನ!+

23 ನಿನ್ನ ಸಂದೇಶವಾಹಕರ ಮೂಲಕ+ ನೀನು ಯೆಹೋವನನ್ನ ಕೆಣಕಿ+ ಹೀಗಂದೆ:

ಎತ್ತರವಾದ ದೇವದಾರು ವೃಕ್ಷಗಳನ್ನೂ ಶ್ರೇಷ್ಠವಾದ ಜುನಿಪರ್‌ ಮರಗಳನ್ನೂ ಕಡಿದು ಹಾಕ್ತೀನಿ.

ನಾನು ಅದ್ರ ದೂರದ ಸ್ಥಳಗಳಿಗೆ, ದಟ್ಟ ಕಾಡುಗಳಿಗೆ ಕಾಲಿಡ್ತೀನಿ.

25 ನೀನು ಕೇಳಿಸ್ಕೊಂಡಿಲ್ವಾ? ನಾನು ಇದನ್ನ ತುಂಬ ಹಿಂದೆನೇ ತೀರ್ಮಾನ ಮಾಡಿದ್ದೆ.+

ತುಂಬ ವರ್ಷ ಮುಂಚೆನೇ ಇದಕ್ಕಾಗಿ ತಯಾರಿ ಮಾಡಿದ್ದೆ.*+

ಅದನ್ನ ಮಾಡೋ ಸಮಯ ಈಗ ಬಂದಿದೆ.+

ನೀನು ಭದ್ರ ಕೋಟೆಗಳಿರೋ ಪಟ್ಟಣಗಳನ್ನ ಹಾಳುದಿಬ್ಬಗಳಾಗಿ ಮಾಡ್ತೀಯ.+

29 ಈ ಮಾತುಗಳೆಲ್ಲ ಖಂಡಿತ ನಿಜ ಆಗುತ್ತೆ. ಅದಕ್ಕಾಗಿ ನಾನು ನಿನಗೆ* ಈ ಸೂಚನೆ ಕೊಡ್ತೀನಿ: ಈ ವರ್ಷ ನೀವು ತಾನಾಗಿಯೇ ಬೆಳೆಯೋ ಬೆಳೆಯನ್ನ* ತಿಂತೀರ. ಎರಡ್ನೇ ವರ್ಷದಲ್ಲಿ ಆ ಬೆಳೆಯಿಂದ ಬಿದ್ದು ಮೊಳಕೆ ಒಡೆಯೋದನ್ನ ತಿಂತೀರ.+ ಆದ್ರೆ ಮೂರನೇ ವರ್ಷದಲ್ಲಿ ನೀವು ಬೀಜ ಬಿತ್ತಿ, ಅವುಗಳ ಫಲ ಕಟಾವು ಮಾಡ್ತೀರ. ದ್ರಾಕ್ಷಿತೋಟಗಳನ್ನ ಮಾಡಿ ಅದ್ರ ಫಲ ತಿನ್ತೀರ.+ 30 ಯೆಹೂದದ ಮನೆತನದವ್ರಲ್ಲಿ ಬದುಕುಳಿದವರು+ ಗಿಡಗಳ ತರ ಬೇರೂರುತ್ತಾರೆ, ಹಣ್ಣು ಕೊಡ್ತಾರೆ. 31 ಉಳಿದ ಜನ ಯೆರೂಸಲೇಮ್‌ ಬಿಟ್ಟು ಹೋಗ್ತಾರೆ. ಹೌದು ಯಾರು ಬದುಕಿ ಉಳಿತಾರೋ ಅವರು ಚೀಯೋನ್‌ ಬೆಟ್ಟದಿಂದ ಹೋಗ್ತಾರೆ. ಸೈನ್ಯಗಳ ದೇವರಾದ ಯೆಹೋವ ಇದನ್ನ ಹುರುಪಿಂದ ಮಾಡ್ತಾನೆ.+

32 ಹಾಗಾಗಿ ಯೆಹೋವ ಅಶ್ಶೂರ್ಯರ ರಾಜನ ಬಗ್ಗೆ ಹೀಗೆ ಹೇಳ್ತಾನೆ:+

35 ಅದೇ ರಾತ್ರಿ ಯೆಹೋವನ ದೂತ ಅಶ್ಶೂರ್ಯರ ಪಾಳೆಯಕ್ಕೆ ಹೋಗಿ 1,85,000 ಸೈನಿಕರನ್ನ ಸಾಯಿಸಿದ.+ ಜನ ಬೆಳಿಗ್ಗೆ ಬೇಗ ಎದ್ದು ನೋಡಿದಾಗ ಪಾಳೆಯದಲ್ಲೆಲ್ಲ ಶವಗಳು ಬಿದ್ದಿದ್ದವು.+ 36 ಹಾಗಾಗಿ ಅಶ್ಶೂರ್ಯರ ರಾಜ ಸನ್ಹೇರೀಬ ಅಲ್ಲಿಂದ ನಿನೆವೆಗೆ ವಾಪಸ್‌ ಹೋಗಿ+ ಅಲ್ಲೇ ಇದ್ದ.+ 37 ಒಂದಿನ ಅವನು ಆಲಯಕ್ಕೆ ಹೋಗಿ ತನ್ನ ದೇವರಾದ ನಿಸ್ರೋಕನಿಗೆ ಅಡ್ಡಬಿದ್ದು ನಮಸ್ಕಾರ ಮಾಡ್ತಿದ್ದಾಗ ಅವನ ಮಕ್ಕಳಾದ ಅದ್ರಮ್ಮೆಲೆಕ, ಸರೆಚೆರ ಕತ್ತಿಯಿಂದ ಅವನನ್ನ ಸಾಯಿಸಿದ್ರು.+ ಆಮೇಲೆ ಅವರು ತಪ್ಪಿಸ್ಕೊಂಡು ಅರರಾಟ್‌ ದೇಶಕ್ಕೆ ಓಡಿಹೋದ್ರು.+ ಸನ್ಹೇರೀಬನ ನಂತ್ರ ಅವನ ಮಗ ಏಸರ್‌-ಹದ್ದೋನ+ ರಾಜನಾದ.