ಯೋಬ
16 ಅದಕ್ಕೆ ಯೋಬ ಹೀಗಂದ:
2 “ಇಂಥ ಮಾತುಗಳನ್ನ ಎಷ್ಟೋ ಕೇಳಿದ್ದೀನಿ,
ಸಮಾಧಾನ ಹೇಳೋದನ್ನ ಬಿಟ್ಟು ನನ್ನ ನೋವು ಜಾಸ್ತಿ ಮಾಡಿದ್ದೀರ!+
3 ನೀನು ಸುಮ್‌ಸುಮ್ನೆ ಏನೇನೋ* ಹೇಳೋದನ್ನ ನಿಲ್ಲಿಸಲ್ವಾ?
ನೀನ್ಯಾಕೆ ನನ್ನ ಮೇಲೆ ಈ ರೀತಿ ರೇಗ್ತೀಯ?
4 ನೀವು ನನ್ನ ಜಾಗದಲ್ಲಿ ಇದ್ದಿದ್ರೆ
ನಾನೂ ನಿಮ್ಮ ತರ ಮಾತಾಡೋಕೆ,
ನಿಮ್ಮ ಬಗ್ಗೆ ಉದ್ದುದ್ದ ಭಾಷಣ ಬಿಗಿಯೋಕೆ,
ನಿಮ್ಮನ್ನ ಅಣಕಿಸಿ ತಲೆಯಾಡಿಸೋಕೆ ಆಗ್ತಿತ್ತು.+
6 ನಾನು ಮಾತಾಡಿದ್ರೂ ನನ್ನ ನೋವು ಕಡಿಮೆ ಆಗ್ತಿಲ್ಲ,+
ಹಾಗಂತ ಮಾತಾಡದೇ ಸುಮ್ಮನಿದ್ರೂ ನೋವು ಕಮ್ಮಿ ಆಗಲ್ಲ.
7 ನಾನು ಧೈರ್ಯ ಕಳ್ಕೊಳ್ಳೋ ಹಾಗೆ ದೇವರು ಮಾಡಿದ್ದಾನೆ,+
ನನ್ನ ಮನೆಯವ್ರನ್ನೆಲ್ಲ ಮಣ್ಣುಪಾಲು ಮಾಡಿದ್ದಾನೆ.
8 ಆಮೇಲೆ ನನ್ನನ್ನ ಹಿಡ್ಕೊಂಡಿದ್ದಾನೆ, ಅದು ಜನ್ರಿಗೆ ಕಾಣ್ತಿದೆ,
ನನ್ನ ಬಡಕಲು ದೇಹಾನೇ ನನ್ನ ವಿರುದ್ಧ ಸಾಕ್ಷಿ ಹೇಳ್ತಿದೆ.
9 ಕೋಪದಿಂದ ಆತನು ನನ್ನನ್ನ ಸೀಳಿ ಹಾಕಿದ್ದಾನೆ,
ನನ್ನ ಮೇಲೆ ಹಗೆ ಸಾಧಿಸ್ತಾ ಇದ್ದಾನೆ,+
ನನ್ನನ್ನ ನೋಡಿ ಹಲ್ಲು ಕಡೀತಾ ಇದ್ದಾನೆ,
ಶತ್ರು ಕಣ್ಣಲ್ಲೇ ನನ್ನನ್ನ ಕೊಲ್ತಾ ಇದ್ದಾನೆ.+
10 ಅವರು ನನ್ನ ವಿರುದ್ಧ ಏನೇನೋ ಹೇಳ್ತಿದ್ದಾರೆ,+
ಕೆನ್ನೆಗೆ ಹೊಡೆದು ಅವಮಾನ ಮಾಡಿದ್ದಾರೆ,
ತುಂಬ ಜನ ನನ್ನ ವಿರುದ್ಧ ಸೇರ್ಕೊಂಡಿದ್ದಾರೆ.+
11 ಹುಡುಗರು ಗುಂಪಾಗಿ ನನ್ನ ಮೇಲೆ ಹಲ್ಲೆ ಮಾಡೋ ಹಾಗೇ ದೇವರು ಬಿಟ್ಟಿದ್ದಾನೆ,
ನನ್ನನ್ನ ಕೆಟ್ಟವ್ರ ಕೈಗೆ ಕೊಟ್ಟಿದ್ದಾನೆ.+
12 ನಾನು ನೆಮ್ಮದಿಯಾಗಿದ್ದೆ, ಆದ್ರೆ ದೇವರು ನನ್ನ ಬದುಕನ್ನ ಚೂರುಚೂರು ಮಾಡಿದ್ದಾನೆ,+
ನನ್ನ ಕತ್ತು ಹಿಡಿದು ಜಜ್ಜಿ ಬಿಟ್ಟಿದ್ದಾನೆ,
ನನ್ನನ್ನ ಗುರಿಹಲಗೆ ಮಾಡ್ಕೊಂಡಿದ್ದಾನೆ.
13 ಆತನ ಬಿಲ್ಲುಗಾರರು ನನ್ನ ಸುತ್ತ ನಿಂತಿದ್ದಾರೆ,+
ಆತನು ನನಗೆ ಸ್ವಲ್ಪನೂ ಕನಿಕರ ತೋರಿಸದೆ ನನ್ನ ಮೂತ್ರಪಿಂಡಗಳನ್ನ+ ತಿವಿದಿದ್ದಾನೆ,
ನನ್ನ ಪಿತ್ತರಸವನ್ನ ಭೂಮಿ ಮೇಲೆ ಸುರಿದಿದ್ದಾನೆ.
14 ಗೋಡೆ ಒಡೆದು ಹಾಕೋ ತರ ನನ್ನನ್ನ ಮತ್ತೆ ಮತ್ತೆ ಹೊಡೀತಾ ಇದ್ದಾನೆ,
ಸೈನಿಕನ ತರ ದಾಳಿ ಮಾಡೋಕೆ ನನ್ನ ಕಡೆ ನುಗ್ಗುತ್ತಿದ್ದಾನೆ.
16 ಅತ್ತು ಅತ್ತು ನನ್ನ ಮುಖ ಕೆಂಪಾಗಿದೆ,+
ಕಣ್ಣುಗಳ ಸುತ್ತ ಕಪ್ಪಾಗಿದೆ,*
17 ನನ್ನ ಕೈಗಳು ಯಾರಿಗೂ ಹಿಂಸೆ ಮಾಡಿಲ್ಲ,
ನಾನು ಶುದ್ಧ ಮನಸ್ಸಿಂದ ಪ್ರಾರ್ಥನೆ ಮಾಡಿದ್ರೂ ಹೀಗೆಲ್ಲ ಆಯ್ತು.
18 ಭೂಮಿಯೇ, ನನ್ನ ರಕ್ತವನ್ನ ಮುಚ್ಚಬೇಡ!+
ನನ್ನ ಕೂಗು ಯಾವತ್ತೂ ನಿಲ್ಲಬಾರದು!
19 ಈಗ್ಲೂ ನನಗಾಗಿ ಸಾಕ್ಷಿ ಹೇಳುವವನು ಸ್ವರ್ಗದಲ್ಲಿದ್ದಾನೆ,
ನನ್ನ ಪರವಾಗಿ ಸಾಕ್ಷಿ ಹೇಳುವವನು ಮೇಲಿದ್ದಾನೆ.
21 ಇಬ್ರು ಮನುಷ್ಯರ ಮಧ್ಯ ಇನ್ನೊಬ್ಬ ಮಧ್ಯಸ್ಥಿಕೆ ವಹಿಸೋ ತರ
ನನ್ನ ಮತ್ತು ದೇವರ ಮಧ್ಯ ಯಾರಾದ್ರೂ ಮಧ್ಯಸ್ಥಿಕೆ ವಹಿಸಿದ್ರೆ ಚೆನ್ನಾಗಿತ್ತು.+