3. ತನ್ನ ಸ್ನೇಹಿತರು ಹೇಗಿರಬೇಕು ಅಂತ ಯೆಹೋವನು ಇಷ್ಟಪಡ್ತಾನೆ?

ಯೆಹೋವನು ಎಲ್ಲಾ ಜನರನ್ನ ಪ್ರೀತಿಸುತ್ತಾನೆ. “ಆದ್ರೆ ಆತನು ಪ್ರಾಮಾಣಿಕನ ಆಪ್ತ ಸ್ನೇಹಿತ.” (ಜ್ಞಾನೋಕ್ತಿ 3:32) ಯೆಹೋವನು ಯಾವುದನ್ನ ಒಳ್ಳೇದು ಅಂತ ನೆನಸುತ್ತಾನೋ ಅದನ್ನೇ ತನ್ನ ಸ್ನೇಹಿತರು ಮಾಡಬೇಕು ಅಂತ ಇಷ್ಟಪಡ್ತಾನೆ. ಅಷ್ಟೇ ಅಲ್ಲ, ನಾವು ಆತನ ದೃಷ್ಟಿಯಲ್ಲಿ ಕೆಟ್ಟದಾಗಿ ಇರೋದನ್ನ ಮಾಡಬಾರದು ಅಂತನೂ ಬಯಸುತ್ತಾನೆ. ‘ಯೆಹೋವನು ಹೇಳೋದನ್ನೆಲ್ಲ ನಮ್ಮಿಂದ ಮಾಡೋಕೆ ಆಗಲ್ಲ’ ಅಂತ ಕೆಲವರು ನೆನಸುತ್ತಾರೆ. ಆದರೆ ಯೆಹೋವನಿಗೆ ತುಂಬ ದೊಡ್ಡ ಮನಸ್ಸಿದೆ, ನಮ್ಮಿಂದ ಮಾಡಕ್ಕಾಗದೆ ಇರೋದನ್ನ ಆತನು ಕೇಳಲ್ಲ. ಯಾರೆಲ್ಲಾ ಆತನನ್ನ ನಿಜವಾಗಿ ಪ್ರೀತಿಸಿ, ಆತನಿಗೆ ಇಷ್ಟ ಆಗೋ ತರ ನಡೆಯೋಕೆ ತಮ್ಮಿಂದಾದಷ್ಟು ಪ್ರಯತ್ನಿಸುತ್ತಾರೋ ಅವರೆಲ್ಲರನ್ನ ಪ್ರೀತಿಸ್ತಾನೆ.—ಕೀರ್ತನೆ 147:11; ಅಪೊಸ್ತಲರ ಕಾರ್ಯ 10:34, 35.

ಪ್ರಾಮಾಣಿಕರಾಗಿರೋ ಸ್ನೇಹಿತರು ಸಿಗಬೇಕು ಅಂತ ನಾವೆಲ್ಲರೂ ಬಯಸ್ತೇವೆ. ಯೆಹೋವನೂ ತನ್ನ ಸ್ನೇಹಿತರು ಪ್ರಾಮಾಣಿಕರಾಗಿರಬೇಕು ಅಂತ ಇಷ್ಟಪಡುತ್ತಾನೆ. ಆದರೆ ನಮ್ಮ ಸುತ್ತಮುತ್ತ ಮೋಸ ಮಾಡುವವರು ಇರುವಾಗ ನಾವು ಪ್ರಾಮಾಣಿಕರಾಗಿ ಇರೋದು ಸ್ವಲ್ಪ ಕಷ್ಟ. ಎಲ್ಲಾ ವಿಷಯಗಳಲ್ಲಿ ಪ್ರಾಮಾಣಿಕರಾಗಿದ್ದರೆ ನಮಗೇನು ಪ್ರಯೋಜನ ಇದೆ?

1. ಪ್ರಾಮಾಣಿಕರಾಗಿರಲು ಒಂದು ಮುಖ್ಯ ಕಾರಣ ಏನು?

ನಾವು ಪ್ರಾಮಾಣಿಕರಾಗಿರುವಾಗ ಯೆಹೋವ ದೇವರನ್ನ ಗೌರವಿಸುತ್ತೇವೆ, ಪ್ರೀತಿಸುತ್ತೇವೆ ಅಂತ ತೋರಿಸಿಕೊಡುತ್ತೇವೆ. ನಾವು ಏನು ಮಾಡುತ್ತೇವೆ ಅನ್ನೋದಷ್ಟೇ ಅಲ್ಲ ನಾವೇನು ಯೋಚಿಸುತ್ತೇವೆ ಅನ್ನೋದೂ ಯೆಹೋವನಿಗೆ ಗೊತ್ತಾಗುತ್ತೆ. (ಇಬ್ರಿಯ 4:13) ನಾವು ಮನಸಾರೆ ಪ್ರಾಮಾಣಿಕತೆ ತೋರಿಸುವಾಗ ಯೆಹೋವನಿಗೆ ತುಂಬ ಖುಷಿಯಾಗುತ್ತೆ. “ಯಾಕಂದ್ರೆ ಯೆಹೋವ ಮೋಸಗಾರನನ್ನ ಇಷ್ಟಪಡಲ್ಲ, ಆದ್ರೆ ಆತನು ಪ್ರಾಮಾಣಿಕನ ಆಪ್ತ ಸ್ನೇಹಿತ” ಅಂತ ಬೈಬಲ್‌ ಹೇಳುತ್ತೆ.—ಜ್ಞಾನೋಕ್ತಿ 3:32.

2. ನಾವು ಪ್ರತಿದಿನ ಹೇಗೆಲ್ಲಾ ಪ್ರಾಮಾಣಿಕರಾಗಿ ಇರಬಹುದು?

ನಾವು “ಒಬ್ಬರ ಜೊತೆ ಒಬ್ಬರು ಸತ್ಯನೇ ಮಾತಾಡಬೇಕು” ಅಂತ ಯೆಹೋವ ದೇವರು ಬಯಸ್ತಾನೆ. (ಜೆಕರ್ಯ 8:16, 17) ಇದರ ಅರ್ಥ ಏನು? ನಾವು ಎಲ್ಲರ ಜೊತೆ ಪ್ರಾಮಾಣಿಕರಾಗಿ ಇರಬೇಕು. ನಮ್ಮ ಜೊತೆ ಕೆಲಸ ಮಾಡುವವರ, ಸಹೋದರ ಸಹೋದರಿಯರ ಅಥವಾ ಸರ್ಕಾರಿ ಅಧಿಕಾರಿಗಳ ಹತ್ತಿರ ಸುಳ್ಳು ಹೇಳಲ್ಲ ಅಥವಾ ಮುಖ್ಯವಾದ ವಿಷಯಗಳನ್ನ ಮುಚ್ಚಿಡಲ್ಲ. ಪ್ರಾಮಾಣಿಕ ಜನರು ಕದಿಯಲ್ಲ, ಮೋಸ ಮಾಡೋದಿಲ್ಲ. (ಜ್ಞಾನೋಕ್ತಿ 24:28 ಮತ್ತು ಎಫೆಸ 4:28 ಓದಿ.) ಅವರು ತೆರಿಗೆಯನ್ನ (ಟ್ಯಾಕ್ಸ್‌) ಪ್ರಾಮಾಣಿಕವಾಗಿ ಕಟ್ಟುತ್ತಾರೆ. (ರೋಮನ್ನರಿಗೆ 13:5-7) ಹೀಗೆ ಮಾಡೋದಾದ್ರೆ ನಾವು ‘ಎಲ್ಲ ವಿಷಯದಲ್ಲೂ ಪ್ರಾಮಾಣಿಕವಾಗಿ ಇರುತ್ತೇವೆ.’—ಇಬ್ರಿಯ 13:18.

3. ಪ್ರಾಮಾಣಿಕರಾಗಿದ್ದರೆ ಯಾವೆಲ್ಲಾ ಪ್ರಯೋಜನಗಳಿವೆ?

ನಮಗೆ ಪ್ರಾಮಾಣಿಕರು ಅನ್ನೋ ಒಳ್ಳೇ ಹೆಸರಿದ್ರೆ ಜನರು ನಮ್ಮ ಮೇಲೆ ನಂಬಿಕೆ ಇಡುತ್ತಾರೆ. ನಾವು ಪ್ರಾಮಾಣಿಕರಾಗಿ ಇದ್ದರೆ ಸಭೆಯಲ್ಲಿ ಪ್ರೀತಿ, ಶಾಂತಿ ಮತ್ತು ಸುರಕ್ಷತೆಯ ಭಾವನೆ ಇರುತ್ತೆ. ನಮಗೆ ಒಳ್ಳೇ ಮನಸ್ಸಾಕ್ಷಿ ಇರುತ್ತೆ. ಜೊತೆಗೆ ನಮ್ಮ ಪ್ರಾಮಾಣಿಕತೆ ‘ರಕ್ಷಕನಾದ ದೇವರ ಬೋಧನೆಯ ಅಂದವನ್ನ ಹೆಚ್ಚಿಸುತ್ತೆ.’ ಅಷ್ಟೇ ಅಲ್ಲ, ನಮ್ಮ ಪ್ರಾಮಾಣಿಕತೆ ನೋಡಿ ಬೇರೆಯವರೂ ಯೆಹೋವನ ಬಗ್ಗೆ ಕಲಿಯಲು ಇಷ್ಟಪಡ್ತಾರೆ.—ತೀತ 2:10.

ಹೆಚ್ಚನ್ನ ತಿಳಿಯೋಣ

4. ನಾವು ಪ್ರಾಮಾಣಿಕರಾಗಿದ್ದರೆ ಯೆಹೋವನಿಗೆ ತುಂಬ ಖುಷಿಯಾಗುತ್ತೆ

ಕೀರ್ತನೆ 44:21 ಮತ್ತು ಮಲಾಕಿ 3:16 ಓದಿ, ನಂತರ ಈ ಪ್ರಶ್ನೆಗಳನ್ನ ಚರ್ಚಿಸಿ:

• ಯೆಹೋವನಿಂದ ಸತ್ಯವನ್ನ ಮುಚ್ಚಿಡೋದು ಮೂರ್ಖತನ ಯಾಕೆ?

• ಸತ್ಯ ಹೇಳಿದ್ರೆ ತೊಂದರೆ ಆಗುತ್ತೆ ಅಂತ ಗೊತ್ತಿದ್ರೂ ನಾವು ಸತ್ಯವನ್ನೇ ಹೇಳುವಾಗ ಯೆಹೋವನಿಗೆ ಹೇಗನಿಸುತ್ತೆ?

5. ಯಾವಾಗ್ಲೂ ಪ್ರಾಮಾಣಿಕರಾಗಿರಿ

ವಿಡಿಯೋ: ಖುಷಿಯ ಗುಟ್ಟು—ಒಳ್ಳೇ ಮನಸಾಕ್ಷಿ (2:32)

ಇಬ್ರಿಯ 13:18 ಓದಿ, ನಂತರ ಕೆಳಗಿನ ಸನ್ನಿವೇಶಗಳಲ್ಲಿ ಹೇಗೆ ಪ್ರಾಮಾಣಿಕರಾಗಿ ಇರಬಹುದು ಅನ್ನೋದನ್ನ ಚರ್ಚಿಸಿ:

• ಕುಟುಂಬದಲ್ಲಿ

• ಕೆಲಸದ ಸ್ಥಳ ಅಥವಾ ಶಾಲೆಯಲ್ಲಿ

• ಬೇರೆ ಸನ್ನಿವೇಶಗಳಲ್ಲಿ

6. ಪ್ರಾಮಾಣಿಕರಾಗಿದ್ದರೆ ಪ್ರಯೋಜನಗಳಿವೆ

ಪ್ರಾಮಾಣಿಕರಾಗಿದ್ದರೆ ಕೆಲವು ತೊಂದರೆಗಳು ಬರಬಹುದು ಅಂತ ಮೊದಮೊದಲು ಅನಿಸುತ್ತೆ. ಆದರೆ ಹೋಗ್ತಾ ಹೋಗ್ತಾ ಅದ್ರಿಂದ ಆಶೀರ್ವಾದ ಇದೆ ಅಂತ ಗೊತ್ತಾಗುತ್ತೆ. ಕೀರ್ತನೆ 34:12-16 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಪ್ರಾಮಾಣಿಕರಾಗಿದ್ದರೆ ಜೀವನದಲ್ಲಿ ಹೇಗೆ ಖುಷಿಯಾಗಿರಬಹುದು?

1. ಪ್ರಾಮಾಣಿಕರಾಗಿರೋ ಗಂಡಹೆಂಡತಿ ಮಧ್ಯೆ ಒಳ್ಳೇ ಬಾಂಧವ್ಯ ಇರುತ್ತೆ

2. ಪ್ರಾಮಾಣಿಕ ಕೆಲಸಗಾರರು ಮಾಲೀಕರ ನಂಬಿಕೆಯನ್ನ ಗಳಿಸ್ತಾರೆ

3. ಒಬ್ಬ ಪ್ರಾಮಾಣಿಕ ವ್ಯಕ್ತಿ ಸರ್ಕಾರಿ ಅಧಿಕಾರಿಗಳಿಂದ ಒಳ್ಳೇ ಹೆಸರನ್ನ ಪಡೆದುಕೊಳ್ಳುತ್ತಾನೆ

ನಾವೇನು ಕಲಿತ್ವಿ

ತನ್ನ ಸ್ನೇಹಿತರು ನಡೆನುಡಿಯಲ್ಲಿ ಪ್ರಾಮಾಣಿಕರಾಗಿ ಇರಬೇಕು ಅಂತ ಯೆಹೋವನು ಬಯಸ್ತಾನೆ.

ನೆನಪಿದೆಯಾ

• ನಾವು ಹೇಗೆಲ್ಲಾ ಪ್ರಾಮಾಣಿಕರಾಗಿ ಇರಬಹುದು?

• ಸತ್ಯವನ್ನ ಮುಚ್ಚಿಡೋದು ಮೂರ್ಖತನ ಯಾಕೆ?

• ನೀವು ಯಾವಾಗ್ಲೂ ಪ್ರಾಮಾಣಿಕರಾಗಿರಲು ಯಾಕೆ ಇಷ್ಟಪಡುತ್ತೀರಾ?

ಇದನ್ನೂ ನೋಡಿ

ಮಕ್ಕಳು ಪ್ರಾಮಾಣಿಕರಾಗಿರಲು ಹೆತ್ತವರು ಹೇಗೆ ಕಲಿಸಬಹುದು?

ಸತ್ಯವನ್ನೇ ಆಡಿ (1:44)

ಕೊಟ್ಟ ಮಾತಿನಂತೆ ನಡೆದುಕೊಂಡರೆ ಯಾವೆಲ್ಲಾ ಆಶೀರ್ವಾದಗಳು ಸಿಗುತ್ತೆ?

ಕೊಟ್ಟ ಮಾತಿನಂತೆ ನಡೆದುಕೊಳ್ಳಿ, ಆಶೀರ್ವಾದ ಪಡೆದುಕೊಳ್ಳಿ (9:09)

ನಾವು ಕಟ್ಟುವ ತೆರಿಗೆಯನ್ನ ಒಳ್ಳೇ ರೀತಿಯಲ್ಲಿ ಬಳಕೆ ಮಾಡಿಲ್ಲಾ ಅಂದ್ರೂ ತೆರಿಗೆ ಕಟ್ಟಲೇಬೇಕಾ?

“ತೆರಿಗೆಯನ್ನ ಕಟ್ಟಲೇಬೇಕಾ?” (ಕಾವಲಿನಬುರುಜು ಲೇಖನ)

ಮೋಸಗಾರನಾದ ಒಬ್ಬ ವ್ಯಕ್ತಿಗೆ ಪ್ರಾಮಾಣಿಕನಾಗೋಕೆ ಯಾವ ವಿಷಯ ಸಹಾಯ ಮಾಡಿತು?

“ಯೆಹೋವನ ಕರುಣೆ ಮತ್ತು ಕ್ಷಮೆಯನ್ನು ಅನುಭವಿಸಿ ನೋಡಿದೆ” (ಕಾವಲಿನಬುರುಜು, ಜುಲೈ 1, 2015)

2. ನಮ್ಮ ಸ್ನೇಹಿತರ ಬಗ್ಗೆ ಯೆಹೋವನಿಗೆ ಹೇಗನಿಸುತ್ತೆ?

ಯೆಹೋವ ದೇವರು ತನ್ನ ಸ್ನೇಹಿತರನ್ನ ತುಂಬ ಜಾಗ್ರತೆಯಿಂದ ಆರಿಸಿಕೊಳ್ಳುತ್ತಾನೆ. “ಆತನು ಪ್ರಾಮಾಣಿಕನ ಆಪ್ತ ಸ್ನೇಹಿತ” ಅಂತ ಬೈಬಲ್‌ ಹೇಳುತ್ತೆ. (ಜ್ಞಾನೋಕ್ತಿ 3:32) ಯೆಹೋವ ದೇವರನ್ನ ಪ್ರೀತಿಸದ ಜನರನ್ನ ಸ್ನೇಹಿತರನ್ನಾಗಿ ಮಾಡಿಕೊಂಡರೆ ಆತನಿಗೆ ತುಂಬ ಬೇಜಾರಾಗುತ್ತೆ! (ಯಾಕೋಬ 4:4 ಓದಿ.) ಆದರೆ ನಾವು ಕೆಟ್ಟವರ ಸಹವಾಸ ಮಾಡದೆ, ಯೆಹೋವ ದೇವರನ್ನ ಪ್ರೀತಿಸುವವರನ್ನೇ ಸ್ನೇಹಿತರನ್ನಾಗಿ ಮಾಡಿಕೊಂಡರೆ ಆತನಿಗೆ ಖುಷಿಯಾಗುತ್ತೆ. ಅಷ್ಟೇ ಅಲ್ಲ ಆತನು ನಮ್ಮನ್ನೂ ತನ್ನ ಸ್ನೇಹಿತರನ್ನಾಗಿ ಮಾಡಿಕೊಳ್ಳುತ್ತಾನೆ.—ಕೀರ್ತನೆ 15:1-4.