• ಅಪನಂಬಿಗಸ್ತ ದ್ರಾಕ್ಷಾತೋಟಕ್ಕೆ ಅಯ್ಯೋ!
    ಯೆಶಾಯನ ಪ್ರವಾದನೆ—ಸಕಲ ಮಾನವಕುಲಕ್ಕೆ ಬೆಳಕು I

    • 25, 26. ಯೆಶಾಯನು ತನ್ನ ಮೂರನೆಯ ಮತ್ತು ನಾಲ್ಕನೆಯ ದುರ್ಗತಿಗಳಲ್ಲಿ ಇಸ್ರಾಯೇಲ್ಯರ ಯಾವ ದುರಾಲೋಚನೆಯನ್ನು ಬಯಲುಪಡಿಸುತ್ತಾನೆ?

      25 ಈಗ ಯೆಶಾಯನು ಹೇಳಿದ ಮೂರನೆಯ ಮತ್ತು ನಾಲ್ಕನೆಯ ದುರ್ಗತಿಯನ್ನು ಕೇಳಿರಿ: “ಅಯ್ಯೋ, ಅಕಾರ್ಯಗಳೆಂಬ ಹಗ್ಗಗಳಿಂದ ಅಪರಾಧ ದಂಡನೆಯನ್ನು, ತೇರನ್ನು ಹೊರಜಿಯಿಂದಲೋ ಎಂಬಂತೆ ಪಾಪದ ಫಲವನ್ನು ತಮ್ಮ ಕಡೆಗೆ ಎಳೆದುಕೊಳ್ಳುತ್ತಾ ಆತನು ತ್ವರೆಪಡಲಿ, ನಾವು ಆತನ ಕೆಲಸವನ್ನು ನೋಡಬೇಕು, ಅದನ್ನು ಬೇಗನೆ ನಡಿಸಲಿ, ಇಸ್ರಾಯೇಲ್ಯರ ಸದಮಲಸ್ವಾಮಿಯ ಉದ್ದೇಶವನ್ನು ನಾವು ತಿಳಿಯಬೇಕು, ಅದು ಸಮೀಪಿಸಿ ಬರಲಿ ಎಂದು ನುಡಿಯುವವರ ದುರವಸ್ಥೆಯನ್ನು ಏನು ಹೇಳಲಿ! ಅಯ್ಯೋ, ಕೆಟ್ಟದ್ದನ್ನು ಒಳ್ಳೇದೆಂದೂ ಒಳ್ಳೇದನ್ನು ಕೆಟ್ಟದ್ದೆಂದೂ ಬೋಧಿಸಿ ಕತ್ತಲನ್ನು ಬೆಳಕೆಂದೂ ಬೆಳಕನ್ನು ಕತ್ತಲೆಂದೂ ಸಾಧಿಸಿ ಕಹಿಯು ಸಿಹಿ, ಸಿಹಿಯು ಕಹಿ ಎಂದು ಸ್ಥಾಪಿಸುವವರ ಗತಿಯನ್ನು ಏನೆಂದು ಹೇಳಲಿ!”​—⁠ಯೆಶಾಯ 5:18-20.

      26 ಪಾಪವನ್ನು ರೂಢಿಯಾಗಿ ಮಾಡುವವರ ಎಂತಹ ಸುವ್ಯಕ್ತವಾದ ಚಿತ್ರಣವು ಇಲ್ಲಿದೆ! ಬಂಡಿಗೆ ಕಟ್ಟಿದ ಎತ್ತುಗಳಂತೆ ಅವರು ಪಾಪಕ್ಕೆ ಬಿಗಿಯಾಗಿ ಕಟ್ಟಲ್ಪಟ್ಟಿದ್ದಾರೆ. ಬರಲಿರುವ ಯಾವ ನ್ಯಾಯತೀರ್ಪಿನ ದಿನಕ್ಕೂ ಈ ಪಾಪಿಗಳು ಭಯಪಡುವುದಿಲ್ಲ. ಅವರು ಮೂದಲಿಸುತ್ತ, “ಅದನ್ನು [ದೇವರ ಕೆಲಸವನ್ನು] ಬೇಗನೆ ನಡಿಸಲಿ” ಎಂದು ಹೇಳುತ್ತಾರೆ. ದೇವರ ನಿಯಮಕ್ಕೆ ಅಧೀನರಾಗುವ ಬದಲು, ಅವರು ಸಂಗತಿಗಳನ್ನು ತಿರುಚಿ “ಕೆಟ್ಟದ್ದನ್ನು ಒಳ್ಳೇದೆಂದೂ ಒಳ್ಳೇದನ್ನು ಕೆಟ್ಟದ್ದೆಂದೂ” ಹೇಳುತ್ತಾರೆ.​—⁠ಹೋಲಿಸಿ ಯೆರೆಮೀಯ 6:15; 2 ಪೇತ್ರ 3:​3-7.