ಮುಂದೆ ಯೇಸು ತನ್ನ ತೀವ್ರಾಸಕ್ತಿಯ ಶಿಷ್ಯರನ್ನು ಇನ್ನು ಮೂರು ದೃಷ್ಟಾಂತಗಳನ್ನು ಕೊಟ್ಟು ಆಶೀರ್ವದಿಸುತ್ತಾನೆ. ಮೊದಲಾಗಿ ಅವನು ಹೇಳುವುದು: “ಪರಲೋಕರಾಜ್ಯವು ಹೊಲದಲ್ಲಿ ಹೂಳಿಟ್ಟ ದ್ರವ್ಯಕ್ಕೆ ಹೋಲಿಕೆಯಾಗಿದೆ. ಒಬ್ಬನು ಅದನ್ನು ಕಂಡುಕೊಂಡು ಮುಚ್ಚಿಬಿಟ್ಟು ಅದರಿಂದಾದ ಸಂತೋಷದಿಂದ ತನ್ನ ಬದುಕನ್ನೆಲ್ಲಾ ಮಾರಿ ಆ ಹೊಲವನ್ನು ಕೊಂಡುಕೊಂಡನು.”

ಯೇಸು ತಾನೇ ಆ ಹೂಳಿಟ್ಟ ನಿಕ್ಷೇಪವನ್ನು ಕಂಡುಹಿಡಿದ ಮನುಷ್ಯನಿಗೆ ಮತ್ತು ಹೆಚ್ಚು ಬೆಲೆಯ ಮುತ್ತು ಸಿಕ್ಕಿದ ವ್ಯಾಪಾರಿಗೆ ಹೋಲಿಕೆಯಾಗಿದ್ದಾನೆ. ಅವನು ಒಂದು ರೀತಿಯಲ್ಲಿ ತನ್ನ ಸರ್ವಸ್ವವನ್ನು ಮಾರಿಬಿಟ್ಟನು. ಅಂದರೆ ಅಲ್ಪನಾದ ಮನುಷ್ಯನಾಗುವ ಕಾರಣದಿಂದ ತನಗೆ ಸ್ವರ್ಗದಲ್ಲಿದ್ದ ಗೌರವದ ಸ್ಥಾನವನ್ನು ತ್ಯಜಿಸಿದನು. ಮತ್ತು ಭೂಮಿಯಲ್ಲಿ ಮನುಷ್ಯನಾಗಿದ್ದಾಗ ಅವನು ನಿಂದೆ ಮತ್ತು ದ್ವೇಷದ ಹಿಂಸೆಯನ್ನು ತಾಳಿಕೊಂಡು ತಾನು ದೇವರ ರಾಜ್ಯದ ಪ್ರಭುವಾಗಲು ಯೋಗ್ಯನೆಂದು ತೋರಿಸುತ್ತಾನೆ.

ಯೇಸುವಿನ ಹಿಂಬಾಲಕರು ಸಹ ಕ್ರಿಸ್ತನೊಂದಿಗೆ ಜೊತೆ ಪ್ರಭುಗಳಾಗುವ ಅಥವಾ ರಾಜ್ಯದ ಭೂಪ್ರಜೆಯಾಗುವ ಮಹಾ ಬಹುಮಾನ ಪಡೆಯಲು ಸರ್ವವನ್ನು ಮಾರಿಬಿಡಬೇಕೆಂದು ಪಂಥಾಹ್ವಾನ ಅವರ ಮುಂದೆ ಇಡಲ್ಪಡುತ್ತದೆ. ನಾವು ದೇವರ ರಾಜ್ಯದಲ್ಲಿ ಸಿಗಲಿರುವ ಭಾಗವನ್ನು ಜೀವನದ ಇನ್ನಾವ ವಿಷಯಕ್ಕಿಂತಲೂ ಹೆಚ್ಚು ಬೆಲೆಯದ್ದೆಂದು, ಬೆಲೆಕಟ್ಟಲಾಗದ ನಿಕ್ಷೇಪ ಅಥವಾ ಅಮೂಲ್ಯವಾದ ಮುತ್ತೆಂದು ಎಣಿಸುವೆವೂ?