ಯೇಸುವು ಫಿಲಿಪ್ಪನ ಕೈಸರೈಯದ ಕೆಲವು ಪ್ರಾಂತ್ಯಗಳಿಗೆ ಬಂದು, ತನ್ನ ಅಪೊಸ್ತಲರ ಸಹಿತ ಜನಸಮೂಹಗಳಿಗೆ ಕಲಿಸುತ್ತಿದ್ದನು. ಅವನು ಒಂದು ಬೆರಗುಗೊಳಿಸುವ ಒಂದು ಪ್ರಕಟನೆಯನ್ನು ಮಾಡಿದನು: “ನಿಮಗೆ ನಿಜವಾಗಿ ಹೇಳುತ್ತೇನೆ, ಇಲ್ಲಿ ನಿಂತವರೊಳಗೆ ಕೆಲವರು, ಮನುಷ್ಯಕುಮಾರನು ತನ್ನ ರಾಜ್ಯದಲ್ಲಿ ಬರುವದನ್ನು ನೋಡುವ ತನಕ ಮರಣಹೊಂದುವದಿಲ್ಲ.”

‘ಯೇಸುವು ಹೀಗೆ ಹೇಳಿರುವದರ ಅರ್ಥವೇನು?’ ಶಿಷ್ಯರು ಆಶ್ಚರ್ಯಪಟ್ಟಿರಬೇಕು. ಸುಮಾರು ಒಂದು ವಾರದ ನಂತರ, ಯೇಸುವು ಪೇತ್ರ, ಯಾಕೋಬ ಮತ್ತು ಯೋಹಾನರನ್ನು ತನ್ನ ಸಂಗಡ ಕೊಂಡೊಯ್ಯುತ್ತಾನೆ ಮತ್ತು ಅವರು ಒಂದು ಎತ್ತರವಾದ ಬೆಟ್ಟಕ್ಕೆ ಏರುತ್ತಾರೆ. ಪ್ರಾಯಶಃ ಇದು ರಾತ್ರಿ ಸಮಯವಾಗಿದ್ದರಬೇಕು, ಯಾಕಂದರೆ ಶಿಷ್ಯರು ನಿದ್ರೆಯ ಮಂದಪರಿನಲ್ಲಿದ್ದರು. ಯೇಸುವು ಪ್ರಾರ್ಥಿಸುತ್ತಿರುವಾಗ, ಅವನು ಅವರ ಮುಂದೆ ಪ್ರಕಾಶರೂಪಭರಿತನಾದನು. ಅವನ ಮುಖವು ಸೂರ್ಯನ ಹಾಗೆ ಪ್ರಕಾಶಿಸಿತು ಮತ್ತು ಅವನ ವಸ್ತ್ರಗಳು ಬೆಳಕಿನಂತೆ ಬೆಳ್ಳಗಾದವು.

ಈ ದರ್ಶನವು ಯೇಸುವಿಗೂ ಅವನ ಶಿಷ್ಯರಿಗೂ ಎಷ್ಟೊಂದು ಬಲದಾಯಕವಾಗಿ ರುಜುವಾಗಿದ್ದಿರಬಹುದು! ಇದು ಇದ್ದಂತಹ ರೀತಿಯಲ್ಲಿ ಕ್ರಿಸ್ತನ ರಾಜ್ಯದ ಮಹಿಮೆಯ ಒಂದು ಮುನ್ನೋಟವಾಗಿರುತ್ತದೆ. ಪರಿಣಾಮವಾಗಿ, ಒಂದು ವಾರದ ಹಿಂದೆ ಯೇಸುವು ವಾಗ್ದಾನಿಸಿದಂತೆ, ಶಿಷ್ಯರು “ಮನುಷ್ಯಕುಮಾರನು ತನ್ನ ರಾಜ್ಯದಲ್ಲಿ ಬರುವದನ್ನು” ಕಂಡಿದ್ದರು. ಯೇಸುವಿನ ಮರಣದ ನಂತರ, ಅವರು ‘ಆತನ ಸಂಗಡ ಪರಿಶುದ್ಧ ಪರ್ವತದ ಮೇಲೆ ಇದ್ದಾಗ, ಕ್ರಿಸ್ತನ ಘನಮಾನಗಳನ್ನು ಕಣ್ಣಾರೆ ಕಂಡ ಸಾಕ್ಷಿಗಳು’ ಅವರಾಗಿದ್ದರು ಎಂದು ಪೇತ್ರನು ಬರೆಯುತ್ತಾನೆ.