1-3. ಯೇಸುವಿನ ಮುಂಚಿನ ನೆರೆಯವರು ಅವನ ಬೋಧನೆಗೆ ಹೇಗೆ ಪ್ರತಿಕ್ರಿಯೆ ತೋರಿಸಿದರು, ಮತ್ತು ಅವನ ಕುರಿತು ಏನನ್ನು ಮನಗಾಣಲು ಅವರು ತಪ್ಪಿದರು?

ಶ್ರೋತೃವೃಂದವು ದಂಗುಬಡಿದು ಕುಳಿತಿತ್ತು. ಯುವ ಪುರುಷನಾದ ಯೇಸು ಸಭಾಮಂದಿರದಲ್ಲಿ ಅವರ ಮುಂದೆ ನಿಂತು ಬೋಧಿಸುತ್ತಿದ್ದನು. ಅವನೇನೂ ಅವರಿಗೆ ಅಪರಿಚಿತನಲ್ಲ​—ಅವರ ಊರಿನಲ್ಲೇ ಹುಟ್ಟಿಬೆಳೆದವನು, ವರ್ಷಗಳಿಂದ ಅವರ ಮಧ್ಯೆ ಬಡಗಿಯ ಕೆಲಸಮಾಡಿದ್ದವನು. ಪ್ರಾಯಶಃ ಅವರಲ್ಲಿ ಕೆಲವರು, ಯೇಸು ಕಟ್ಟಲು ಸಹಾಯಮಾಡಿದ್ದ ಮನೆಗಳಲ್ಲಿ ವಾಸಿಸುತ್ತಿದ್ದರು ಅಥವಾ ಅವನು ತನ್ನ ಸ್ವಂತ ಕೈಗಳಿಂದ ಮಾಡಿದ್ದ ನೇಗಿಲುನೊಗಗಳಿಂದ ತಮ್ಮ ಗದ್ದೆಗಳನ್ನು ಉಳುತ್ತಿದ್ದಿರಬಹುದು.a ಆದರೆ ಈ ಮಾಜಿ ಬಡಗಿಯ ಬೋಧನೆಗೆ ಅವರು ಹೇಗೆ ಪ್ರತಿಕ್ರಿಯಿಸುವರು?