ದೇವರು ಸಿಮೆಯೋನನ ಮೇಲೆ ತನ್ನ ಪವಿತ್ರಾತ್ಮವನ್ನು ಅನುಗೊಳಿಸಿ ಒಂದು ದೈವೋಕ್ತಿಯಿಂದ ಆತನಿಗೆ ಪ್ರತಿಫಲವನ್ನು ನೀಡಿದ್ದಾನೆ. ಸಿಮೆಯೋನನು ಮೆಸ್ಸೀಯನನ್ನು ಕಣ್ಣಾರೆ ಕಾಣುವ ತನಕ ಆತನು ಸಾಯುವುದಿಲ್ಲ. ಆದರೆ ದಿನಗಳು ಮತ್ತು ತಿಂಗಳುಗಳು ಗತಿಸುತ್ತಿವೆ. ಸಿಮೆಯೋನನು ವೃದ್ಧನಾಗುತ್ತಿದ್ದಾನೆ ಮತ್ತು ಹೆಚ್ಚು ದೀರ್ಘಕಾಲ ಜೀವಿಸುವುದನ್ನು ತಾನು ನಿರೀಕ್ಷಿಸಲಾರನು. ದೇವರು ಆತನಿಗೆ ಕೊಟ್ಟ ವಾಗ್ದಾನವು ನೆರವೇರುವುದೊ?

ಸಿಮೆಯೋನನು ಶಿಶುವಾದ ಯೇಸುವನ್ನು ಎಷ್ಟೊಂದು ಆನಂದದಿಂದ ತನ್ನ ಕೈಗಳಲ್ಲಿ ತೆಗೆದುಕೊಳ್ಳುತ್ತಾನೆ! ವಾಗ್ದಾನಿಸಲ್ಪಟ್ಟ ಮೆಸ್ಸೀಯನು—“ಯೆಹೋವನ ಕ್ರಿಸ್ತನು” ಈತನೇ ಆಗಲಿರುವನು. ಸಿಮೆಯೋನನು ಅಂತಹ ಮುಪ್ಪಿನ ಪ್ರಾಯದಲ್ಲಿ, ಯೇಸುವು ತನ್ನ ಭೂಮಿಯ ದೈವ ನಿಯಮಿತ ಕಾರ್ಯವನ್ನು ನೆರವೇರಿಸುವುದನ್ನು ವೀಕ್ಷಿಸಲು ನಿರೀಕ್ಷಿಸಸಾಧ್ಯವಿರಲಿಲ್ಲ. ಆದರೂ, ಆತನನ್ನು ಒಂದು ಶಿಶುವಿನೋಪಾದಿ ನೋಡುವುದು ಅದ್ಭುತಕರವಾದುದು. ಮೆಸ್ಸೀಯ ಸಂಬಂಧಿತ ಪ್ರವಾದನೆಗಳು ನೆರವೇರಲಿಕ್ಕೆ ಪ್ರಾರಂಭಿಸುತ್ತಿವೆ. ಸಿಮೆಯೋನನು ಎಷ್ಟೊಂದು ಸಂತೋಷಿತನಾಗಿದ್ದನು! ಈಗ ಆತನು ಪುನರುತ್ಥಾನದ ತನಕ ಮರಣದಲ್ಲಿ ನಿದ್ರಿಸಲು ತೃಪ್ತಿಪಟ್ಟುಕೊಳ್ಳುವನು.—ಲೂಕ 2:25-28.