1. ಯೇಸುವಿನ ದಿನದ ಸಾಮಾನ್ಯ ಜನರ ಕಡೆಗಿನ ಆತನ ಮನೋಭಾವವು ಫರಿಸಾಯರ ಮನೋಭಾವಕ್ಕಿಂತ ಹೇಗೆ ಭಿನ್ನವಾಗಿತ್ತು?

ಆತನ ಕಣ್ಣುಗಳಲ್ಲಿ ಪ್ರೀತಿಯ ಚಿಂತೆಯನ್ನು ಅವರು ಕಾಣಬಹುದಿತ್ತು. ಈ ಮನುಷ್ಯನು, ಯೇಸು, ಅವರ ಧಾರ್ಮಿಕ ಮುಖಂಡರಂತಿರಲಿಲ್ಲ; ಆತನು ಕಾಳಜಿವಹಿಸಿದನು. ಅವರು “ಕುರುಬನಿಲ್ಲದ ಕುರಿಗಳ ಹಾಗೆ ತೊಳಲಿ ಬಳಲಿ ಹೋಗಿ”ದ್ದ ಕಾರಣದಿಂದ ಈ ಜನರಿಗಾಗಿ ಆತನು ಕನಿಕರಪಟ್ಟನು. (ಮತ್ತಾಯ 9:36) ಅವರ ಧಾರ್ಮಿಕ ಮುಖಂಡರು, ಒಬ್ಬ ಪ್ರೀತಿಯ, ದಯಾಳು ದೇವರನ್ನು ಪ್ರತಿನಿಧಿಸುತ್ತಾ ಪ್ರೀತಿಯ ಕುರುಬರಾಗಿರಬೇಕಿತ್ತು. ಅದಕ್ಕೆ ಬದಲಾಗಿ, ಅವರು ಸಾಮಾನ್ಯ ಜನರನ್ನು ಕೇವಲ ಅಲ್ಪರು ಮತ್ತು ಶಾಪಗ್ರಸ್ತರೋಪಾದಿ ಕಂಡರು!a (ಯೋಹಾನ 7:47-49; ಹೋಲಿಸಿ ಯೆಹೆಜ್ಕೇಲ 34:4.) ಸ್ಪಷ್ಟವಾಗಿಗಿಯೇ, ಅಂತಹ ಒಂದು ವಕ್ರವಾದ, ಅಶಾಸ್ತ್ರೀಯ ಮನೋಭಾವವು, ತನ್ನ ಜನರ ಕುರಿತಾದ ಯೆಹೋವನ ವೀಕ್ಷಣಕ್ಕಿಂತ ಬಹಳ ಭಿನ್ನವಾಗಿತ್ತು. “ನಾನು ನಿನ್ನನ್ನು ಪ್ರೀತಿಸಿರುವದು ಶಾಶ್ವತ ಪ್ರೇಮದಿಂದಲೇ” ಎಂದು ತನ್ನ ಜನಾಂಗವಾದ ಇಸ್ರಾಯೇಲಿಗೆ ಆತನು ಹೇಳಿದ್ದನು.—ಯೆರೆಮೀಯ 31:3.