ವಾಚ್‌ಟವರ್ ಆನ್‌ಲೈನ್ ಲೈಬ್ರರಿ

‘ಪವಿತ್ರಶಕ್ತಿಯ ಸಹಾಯದಿಂದ ಅವರು ತುಂಬ ಖುಷಿಯಾಗಿದ್ರು’

ದೇವರ ರಾಜ್ಯಕ್ಕೆ ‘ಕೂಲಂಕಷ ಸಾಕ್ಷಿ’
- 5. ಸೈಪ್ರಸ್‌ ದ್ವೀಪದಲ್ಲಿ ಸಾಕ್ಷಿಕೊಡೋಕೆ ಬಾರ್ನಬ ಸೌಲ ಏನೆಲ್ಲಾ ಮಾಡಿದ್ರು ಅಂತ ವಿವರಿಸಿ.
  
  ⁵ ಬಾರ್ನಬ ಮತ್ತು ಸೌಲ ಅಂತಿಯೋಕ್ಯದಿಂದ ಸೆಲೂಕ್ಯಕ್ಕೆ ನಡ್ಕೊಂಡು ಹೋದ್ರು. ಯಾಕಂದ್ರೆ ಅದು ಅಲ್ಲೇ ಹತ್ರದಲ್ಲಿದ್ದ ಬಂದರು ಪಟ್ಟಣ ಆಗಿತ್ತು. ಆಮೇಲೆ ಸೆಲೂಕ್ಯದಿಂದ ಹಡಗಲ್ಲಿ ಸುಮಾರು 200 ಕಿ.ಮೀ. ದೂರದಲ್ಲಿದ್ದ ಸೈಪ್ರಸ್‌ ದ್ವೀಪಕ್ಕೆ ಪ್ರಯಾಣ ಮಾಡಿದ್ರು.d ಬಾರ್ನಬ ಸೈಪ್ರಸ್‌ನವನೇ ಆಗಿದ್ರಿಂದ ತನ್ನ ಸ್ವಂತ ಊರಿನವರಿಗೆ ಸಿಹಿಸುದ್ದಿ ಸಾರೋಕೆ ತುದಿಗಾಲಲ್ಲಿ ಇದ್ದ ಅಂತ ಅನ್ಸುತ್ತೆ. ಅದಕ್ಕೆ ಆ ದ್ವೀಪದ ಪೂರ್ವ ತೀರದಲ್ಲಿನ ಸಲಮೀಸ್‌ ಅನ್ನೋ ಪಟ್ಟಣಕ್ಕೆ ಬಂದ ತಕ್ಷಣ ಇವರು ಸಮಯ ವ್ಯರ್ಥಮಾಡದೆ “ಯೆಹೂದ್ಯರ ಸಭಾಮಂದಿರಗಳಲ್ಲಿ ದೇವ್ರ ಸಂದೇಶ ಸಾರಿದ್ರು.”e (ಅ. ಕಾ. 13:5) ಇವರು ಸೈಪ್ರಸ್‌ ದ್ವೀಪದ ಒಂದು ತುದಿಯಿಂದ ಇನ್ನೊಂದು ತುದಿ ತನಕ ಹೆಚ್ಚುಕಮ್ಮಿ 220 ಕಿ.ಮೀ. ನಡ್ಕೊಂಡು ಪ್ರಯಾಣ ಮಾಡಿದ್ರು. ಹೀಗೆ ಹೋಗೋವಾಗ ದಾರಿಯಲ್ಲಿದ್ದ ಮುಖ್ಯ ಪಟ್ಟಣದ ಜನ್ರಿಗೆ ಖಂಡಿತ ಸಿಹಿಸುದ್ದಿ ಸಾರಿರ್ತಾರೆ!
  
  ಯೆಹೂದ್ಯರ ಸಭಾಮಂದಿರ
  
  “ಸಭಾಮಂದಿರ” (ಸಿನಗಾಗ್‌) ಅನ್ನೋ ಪದದ ಅರ್ಥ “ಸಭೆಸೇರೋದು.” ಮೊದಲು ಇದು ಯೆಹೂದ್ಯರು ಸೇರಿಬರೋದಕ್ಕೆ ಅಥವಾ ಯೆಹೂದ್ಯರ ಸಭೆಗೆ ಸೂಚಿಸ್ತಿತ್ತು. ಆಮೇಲೆ ಆ ಪದಕ್ಕೆ ಸಭೆ ಸೇರೋ ಸ್ಥಳ ಅಥವಾ ಕಟ್ಟಡ ಅನ್ನೋ ಅರ್ಥ ಬಂತು.
  
  ಯೆಹೂದ್ಯರು ಬಾಬೆಲಿನಲ್ಲಿ 70 ವರ್ಷ ಕೈದಿಗಳಾಗಿದ್ದಾಗ ಅಥವಾ ಆ ಸೆರೆವಾಸ ಮುಗಿದ ಮೇಲೆ ಸಭಾಮಂದಿರಗಳ ಸ್ಥಾಪನೆ ಆಯ್ತು ಅನ್ನೋ ಅಭಿಪ್ರಾಯ ಇದೆ. ಸಭಾಮಂದಿರಗಳಲ್ಲಿ ಬೋಧನೆ ಮಾಡ್ತಿದ್ರು, ಆರಾಧನೆ ಮಾಡ್ತಿದ್ರು, ನಿಯಮ ಪುಸ್ತಕನ ಓದಿ ವಿವರಿಸ್ತಿದ್ರು. ಕ್ರಿ.ಶ. ಒಂದನೇ ಶತಮಾನದಲ್ಲಿ ಪ್ಯಾಲೆಸ್ತೀನ್‌ನ ಪ್ರತಿಯೊಂದು ಪಟ್ಟಣದಲ್ಲೂ ಒಂದೊಂದು ಸಭಾಮಂದಿರ ಇತ್ತು. ದೊಡ್ಡ ದೊಡ್ಡ ನಗರಗಳಲ್ಲಿ ಒಂದಕ್ಕಿಂತ ಜಾಸ್ತಿ ಸಭಾಮಂದಿರ ಇರ್ತಿತ್ತು. ಯೆರೂಸಲೇಮಿನಲ್ಲೂ ತುಂಬ ಸಭಾಮಂದಿರಗಳಿದ್ವು.
  
  ಆದ್ರೆ ಬಾಬೆಲಿಂದ ಎಲ್ಲ ಯೆಹೂದ್ಯರು ಪ್ಯಾಲೆಸ್ತೀನ್‌ಗೆ ವಾಪಸ್‌ ಬರಲಿಲ್ಲ. ತುಂಬಾ ಜನ ವ್ಯಾಪಾರಕ್ಕೋಸ್ಕರ ಬೇರೆ ದೇಶಗಳಿಗೆ ಹೋದ್ರು. ಹಾಗಾಗಿ ಕ್ರಿ.ಪೂ. 5ನೇ ಶತಮಾನದಲ್ಲೇ ಪರ್ಷಿಯನ್‌ ಸಾಮ್ರಾಜ್ಯದ 127 ಸಂಸ್ಥಾನಗಳಲ್ಲಿ ಯೆಹೂದ್ಯರಿದ್ರು. (ಎಸ್ತೇ. 1:1; 3:8) ಹೋಗ್ತಾ ಹೋಗ್ತಾ ಮೆಡಿಟರೇನಿಯನ್‌ ಪ್ರದೇಶದಲ್ಲಿದ್ದ ನಗರಗಳಲ್ಲೂ ಯೆಹೂದ್ಯರ ಸಮುದಾಯಗಳು ನೆಲೆಯೂರಿದ್ವು. ಹೀಗೆ ಯೆಹೂದ್ಯರು ಚೆಲ್ಲಾಪಿಲ್ಲಿ ಆದ ಕಡೆಯೆಲ್ಲಾ ಸಭಾಮಂದಿರಗಳನ್ನ ಸ್ಥಾಪಿಸಿದ್ರು.
  
  ಸಭಾಮಂದಿರಗಳಲ್ಲಿ ಪ್ರತಿ ಸಬ್ಬತ್‌ ದಿನ ನಿಯಮ ಪುಸ್ತಕವನ್ನ ಓದಿ ವಿವರಿಸ್ತಿದ್ರು. ಸ್ವಲ್ಪ ಎತ್ತರವಾದ ವೇದಿಕೆ ಮೇಲೆ ನಿಂತು ನಿಯಮ ಪುಸ್ತಕವನ್ನ ಓದ್ತಿದ್ರು, ವೇದಿಕೆಯ ಮೂರು ಕಡೆ ಆಸನಗಳಲ್ಲಿ ಕೂತು ಜನ ಅದನ್ನ ಕೇಳ್ತಿದ್ರು. ದೇವರ ಮೇಲೆ ಭಕ್ತಿಯಿರೋ ಯಾವ ಯೆಹೂದ್ಯ ಪುರುಷ ಬೇಕಾದ್ರೂ ನಿಯಮ ಪುಸ್ತಕವನ್ನ ಓದಬಹುದಿತ್ತು, ಅದನ್ನ ವಿವರಿಸಿ, ಬೇರೆವ್ರನ್ನ ಪ್ರೋತ್ಸಾಹಿಸಬಹುದಿತ್ತು.

‘ಪವಿತ್ರಶಕ್ತಿಯ ಸಹಾಯದಿಂದ ಅವರು ತುಂಬ ಖುಷಿಯಾಗಿದ್ರು’

ದೇವರ ರಾಜ್ಯಕ್ಕೆ ‘ಕೂಲಂಕಷ ಸಾಕ್ಷಿ’
- d ಒಂದನೇ ಶತಮಾನದಲ್ಲಿ ಒಂದು ಹಡಗು ದಿನಕ್ಕೆ ಸುಮಾರು 160 ಕಿ.ಮೀ. ದೂರ ಹೋಗ್ತಿತ್ತು. ಅದೂ ಹವಾಮಾನ ಚೆನ್ನಾಗಿದ್ರೆ ಮಾತ್ರ. ಇಲ್ಲಾಂದ್ರೆ ಅಷ್ಟು ದೂರ ಹೋಗೋಕೆ ಇನ್ನೂ ಜಾಸ್ತಿ ಸಮಯ ಹಿಡೀತಿತ್ತು.