ಸುಖ ಸಂಸಾರ ಸಾಧ್ಯ!—ಭಾಗ 1

ಹೊಸದಾಗಿ ಮದುವೆಯಾದ ದಂಪತಿಗಳು ತಮ್ಮ ಮದುವೆ ದಿನದಂದು ಹೇಗೆ ಖುಷಿಯಾಗಿ ಇದ್ದರೋ ಹಾಗೆನೇ ಜೀವನ ಪೂರ್ತಿ ಖುಷಿಯಾಗಿ ಇರಬೇಕು ಅಂತ ಆಸೆಪಡುತ್ತಾರೆ. ಆದರೆ ಅದು ಸಾಧ್ಯನಾ? ಖಂಡಿತ ಸಾಧ್ಯ. ಬೈಬಲಿನಲ್ಲಿರುವ ನೀತಿನಿಯಮಗಳನ್ನ ಪಾಲಿಸುತ್ತಿರುವ ಕ್ರೈಸ್ತ ದಂಪತಿಗಳು ಅನೇಕ ವರ್ಷಗಳಿಂದ ಖುಷಿಯಾದ ಜೀವನ ನಡೆಸುತ್ತಿದ್ದಾರೆ.

1. ಗಂಡಂದಿರಿಗೆ ಬೈಬಲ್‌ ಯಾವ ಸಲಹೆ ಕೊಡುತ್ತೆ?

ಯೆಹೋವ ದೇವರು ಗಂಡನನ್ನ ಕುಟುಂಬದ ಯಜಮಾನನಾಗಿ ನೇಮಿಸಿದ್ದಾನೆ. (ಎಫೆಸ 5:23 ಓದಿ.) ಗಂಡ ಕುಟುಂಬಕ್ಕೆ ಪ್ರಯೋಜನವಾಗುವ ತೀರ್ಮಾನಗಳನ್ನ ತೆಗೆದುಕೊಳ್ಳಬೇಕು ಅಂತ ದೇವರು ಬಯಸುತ್ತಾನೆ. ಬೈಬಲ್‌ ಗಂಡಂದಿರಿಗೆ ಹೀಗೆ ಹೇಳುತ್ತೆ: “ನೀವು ನಿಮ್ಮ ಹೆಂಡತಿಯರನ್ನ ಪ್ರೀತಿಸ್ತಾ ಇರಿ.” (ಎಫೆಸ 5:25) ಈ ಮಾತಿನ ಅರ್ಥವೇನು? ಗಂಡ ತನ್ನ ಹೆಂಡತಿಯನ್ನ ಪ್ರೀತಿಯಿಂದ ನೋಡಿಕೊಳ್ಳಬೇಕು. ಬೇರೆಯವರ ಮುಂದೆ ಇರಲಿ, ಅವರಿಬ್ಬರೇ ಇರಲಿ ಒಬ್ಬ ಪ್ರೀತಿಯ ಗಂಡ ತನ್ನ ಹೆಂಡತಿ ಜೊತೆ ಚೆನ್ನಾಗಿ ನಡೆದುಕೊಳ್ಳುತ್ತಾನೆ. ಅವನು ಅವಳ ಅಗತ್ಯಗಳನ್ನ ಪೂರೈಸುತ್ತಾನೆ, ಸಂರಕ್ಷಿಸುತ್ತಾನೆ ಮತ್ತು ಖುಷಿಯಾಗಿ ಇರುವಂತೆ ನೋಡಿಕೊಳ್ಳುತ್ತಾನೆ. (1 ತಿಮೊತಿ 5:8) ತುಂಬ ಮುಖ್ಯವಾಗಿ ಯೆಹೋವ ದೇವರ ಜೊತೆ ಆಪ್ತ ಸಂಬಂಧವನ್ನ ಬೆಳೆಸಿಕೊಳ್ಳೋಕೆ ಅವಳಿಗೆ ಸಹಾಯ ಮಾಡುತ್ತಾನೆ. (ಮತ್ತಾಯ 4:4) ಉದಾಹರಣೆಗೆ, ಅವಳ ಜೊತೆ ಪ್ರಾರ್ಥನೆ ಮಾಡುತ್ತಾನೆ, ಬೈಬಲ್‌ ಓದುತ್ತಾನೆ. ಒಬ್ಬ ಗಂಡ ತನ್ನ ಹೆಂಡತಿ ಜೊತೆ ಪ್ರೀತಿಯಿಂದ ನಡೆದುಕೊಳ್ಳುವಾಗ ಯೆಹೋವನ ಜೊತೆ ಅವನಿಗಿರುವ ಸಂಬಂಧ ಇನ್ನೂ ಬಲವಾಗುತ್ತೆ.—1 ಪೇತ್ರ 3:7 ಓದಿ.

2. ಹೆಂಡತಿಯರಿಗೆ ಬೈಬಲ್‌ ಯಾವ ಸಲಹೆಯನ್ನ ಕೊಡುತ್ತೆ?

“ಹೆಂಡತಿ ತನ್ನ ಗಂಡನಿಗೆ ಆಳವಾದ ಗೌರವ ಕೊಡಬೇಕು” ಅಂತ ಬೈಬಲ್‌ ಹೇಳುತ್ತೆ. (ಎಫೆಸ 5:33) ಇದನ್ನ ಮಾಡಕ್ಕೆ ಯಾವುದು ಸಹಾಯ ಮಾಡುತ್ತೆ? ಗಂಡ ತನ್ನನ್ನ ಮತ್ತು ಮಕ್ಕಳನ್ನ ನೋಡಿಕೊಳ್ಳೋಕೆ ಏನೆಲ್ಲಾ ಮಾಡುತ್ತಿದ್ದಾನೆ, ಅವನಲ್ಲಿ ಯಾವೆಲ್ಲಾ ಒಳ್ಳೇ ಗುಣಗಳಿವೆ ಅಂತ ಯೋಚಿಸಬೇಕು. ಗಂಡ ಸತ್ಯದಲ್ಲಿ ಇರಲಿ, ಇಲ್ಲದಿರಲಿ ಅವನು ತೆಗೆದುಕೊಳ್ಳುವ ನಿರ್ಣಯಗಳನ್ನ ಬೆಂಬಲಿಸುವ ಮೂಲಕ ಮತ್ತು ಗಂಡನ ಜೊತೆ ಪ್ರೀತಿಯಿಂದ ಮಾತಾಡೋ ಮೂಲಕ ಗೌರವ ತೋರಿಸಬಹುದು. ಅಷ್ಟೇ ಅಲ್ಲ ಬೇರೆಯವರ ಮುಂದೆ ಗಂಡನ ಬಗ್ಗೆ ಒಳ್ಳೇ ರೀತಿಯಲ್ಲಿ ಮಾತಾಡುವ ಮೂಲಕನೂ ಗೌರವ ತೋರಿಸಬಹುದು.

3. ಗಂಡ ಹೆಂಡತಿ ಹೇಗೆ ತಮ್ಮ ಕುಟುಂಬ ಜೀವನವನ್ನ ಬಲಪಡಿಸಬಹುದು?

ಗಂಡಹೆಂಡತಿ “ಒಂದೇ ದೇಹ ಆಗ್ತಾರೆ” ಅಂತ ಬೈಬಲ್‌ ಹೇಳುತ್ತೆ. (ಮತ್ತಾಯ 19:5) ಅವರ ಸಂಸಾರದಲ್ಲಿ ಯಾವುದೇ ರೀತಿಯ ಬಿರುಕು ಬರೋಕೆ ಬಿಡಬಾರದು ಅನ್ನೋದು ಈ ಮಾತಿನ ಅರ್ಥ. ಅವರು ಒಬ್ಬರಿಗೊಬ್ಬರು ಆಪ್ತರಾಗೋಕೆ ಸಮಯ ಕೊಡಬೇಕು ಮತ್ತು ತಮ್ಮ ಭಾವನೆಗಳನ್ನ, ಅನಿಸಿಕೆಗಳನ್ನ ಮನಬಿಚ್ಚಿ ಹೇಳಿಕೊಳ್ಳಬೇಕು. ಯೆಹೋವ ದೇವರನ್ನ ಬಿಟ್ಟರೆ ಅವರ ಜೀವನದಲ್ಲಿ ಯಾರಿಗೂ ಅಥವಾ ಯಾವುದಕ್ಕೂ ಸಂಗಾತಿಗಿಂತ ಹೆಚ್ಚಿನ ಪ್ರಾಮುಖ್ಯತೆ ಕೊಡಬಾರದು. ಅಷ್ಟೇ ಅಲ್ಲ, ಬೇರೆ ಯಾರ ಜೊತೆನೂ ಸಂಗಾತಿಗಿಂತ ಹೆಚ್ಚು ಆಪ್ತತೆ ಬೆಳೆಸಿಕೊಳ್ಳದಂತೆ ಎಚ್ಚರವಹಿಸಬೇಕು.

ಹೆಚ್ಚನ್ನ ತಿಳಿಯೋಣ

4. ಗಂಡಂದಿರೇ ನಿಮ್ಮ ಹೆಂಡತಿಯರನ್ನ ಪ್ರೀತಿಸಿ, ಚೆನ್ನಾಗಿ ನೋಡಿಕೊಳ್ಳಿ

ವಿಡಿಯೋ: ಗಂಡಂದಿರೇ, ನಿಮ್ಮ ಹೆಂಡತಿಯನ್ನು ನಿಮ್ಮ ಹಾಗೇ ಪ್ರೀತಿಸಿ (9:53)

• ಗಂಡ ತನ್ನ ಹೆಂಡತಿಯನ್ನ ಪ್ರೀತಿಸಿ ಚೆನ್ನಾಗಿ ನೋಡಿಕೊಳ್ಳುತ್ತಾನೆ ಅಂತ ಹೇಗೆಲ್ಲಾ ತೋರಿಸಬಹುದು?

ಕೊಲೊಸ್ಸೆ 3:12 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಈ ವಚನದಲ್ಲಿರುವ ಗುಣಗಳನ್ನ ಗಂಡನು ಹೇಗೆಲ್ಲಾ ತೋರಿಸಬಹುದು?

5. ಹೆಂಡತಿಯರೇ ನಿಮ್ಮ ಗಂಡಂದಿರನ್ನ ಪ್ರೀತಿಸಿ, ಗೌರವಿಸಿ

ನಿಮ್ಮ ಗಂಡ ಸತ್ಯದಲ್ಲಿರಲಿ ಇಲ್ಲದಿರಲಿ ಗೌರವ ಕೊಡಬೇಕು ಅಂತ ಬೈಬಲ್‌ ಹೇಳುತ್ತೆ. 1 ಪೇತ್ರ 3:1, 2 ಓದಿ, ನಂತರ ಈ ಪ್ರಶ್ನೆಗಳನ್ನ ಚರ್ಚಿಸಿ:

• ನಿಮ್ಮ ಗಂಡ ಸತ್ಯದಲ್ಲಿ ಇಲ್ಲದಿದ್ರೆ, ಅವರು ಯೆಹೋವ ದೇವರ ಆರಾಧಕನಾಗಬೇಕು ಅಂತ ನಿಮ್ಮ ಆಸೆ. ಅದಕ್ಕಾಗಿ ನೀವು ಏನು ಮಾಡಿದರೆ ಚೆನ್ನಾಗಿರುತ್ತೆ: ಯಾವಾಗ್ಲೂ ಸತ್ಯದ ಬಗ್ಗೆ ಹೇಳುತ್ತಾ ಇರಬೇಕಾ ಅಥವಾ ಪ್ರೀತಿ ಗೌರವದಿಂದ ನಡೆದುಕೊಳ್ಳಬೇಕಾ? ಯಾಕೆ ಹಾಗೆ ಹೇಳುತ್ತೀರಾ?

ಗಂಡ ಹೆಂಡತಿ ಒಟ್ಟಿಗೆ ಮನಬಿಚ್ಚಿ ಮಾತಾಡಿದ್ರೆ ಒಳ್ಳೇ ತೀರ್ಮಾನಗಳನ್ನ ಮಾಡಕ್ಕೆ ಆಗುತ್ತೆ. ಆದ್ರೆ ಕೆಲವೊಮ್ಮೆ ಗಂಡನ ಯೋಚನೆಗಳು ಹೆಂಡತಿಗೆ ಇಷ್ಟವಾಗದೇ ಇರಬಹುದು. ಅಂಥ ಸಮಯದಲ್ಲಿ ಏನು ಮಾಡಬೇಕು? ತನ್ನ ಅಭಿಪ್ರಾಯದ ಬಗ್ಗೆ ಶಾಂತಿಯಿಂದ, ಗೌರವದಿಂದ ಗಂಡನ ಹತ್ತಿರ ಹೇಳಿಕೊಳ್ಳಬೇಕು. ಆದರೆ ಕೊನೆಗೆ ನಿರ್ಧಾರ ತೆಗೆದುಕೊಳ್ಳುವ ಅಧಿಕಾರವನ್ನ ಯೆಹೋವ ದೇವರು ಗಂಡನಿಗೆ ಕೊಟ್ಟಿದ್ದಾನೆ ಅಂತ ಹೆಂಡತಿ ಮರೆಯಬಾರದು. ಗಂಡನ ತೀರ್ಮಾನವನ್ನ ಬೆಂಬಲಿಸಲು ತನ್ನಿಂದಾದ ಎಲ್ಲವನ್ನ ಹೆಂಡತಿ ಮಾಡಬೇಕು. ಹೀಗೆ ಮಾಡುವಾಗ ಸಂಸಾರ ಆನಂದ ಸಾಗರವಾಗುತ್ತೆ. 1 ಪೇತ್ರ 3:3-5 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಹೆಂಡತಿ ಗಂಡನಿಗೆ ಗೌರವ ತೋರಿಸುವಾಗ ಯೆಹೋವ ದೇವರಿಗೆ ಹೇಗನಿಸುತ್ತೆ?

6. ಸಂಸಾರದಲ್ಲಿ ಬರುವ ಸಮಸ್ಯೆಗಳನ್ನ ಸರಿಮಾಡಲು ಸಾಧ್ಯ

ವಿಡಿಯೋ: ಮದುವೆಯ ಬಾಂಧವ್ಯವನ್ನು ಬಲಪಡಿಸಿ (5:44)

• ಈ ವಿಡಿಯೋದಲ್ಲಿರುವ ಗಂಡ ಹೆಂಡತಿ ಮಧ್ಯೆ ಏನೋ ಸಮಸ್ಯೆ ಇತ್ತು ಅಂತ ಹೇಗೆ ಹೇಳಬಹುದು?

• ಮದುವೆ ಜೀವನವನ್ನ ಬಲಪಡಿಸೋಕೆ ಅವರಿಬ್ಬರೂ ಏನು ಮಾಡಿದ್ರು?

1 ಕೊರಿಂಥ 10:24 ಮತ್ತು ಕೊಲೊಸ್ಸೆ 3:13 ಓದಿ, ಪ್ರತಿ ವಚನವನ್ನ ಓದಿದ ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಮದುವೆ ಜೀವನವನ್ನ ಬಲಪಡಿಸಲು ಈ ವಚನ ಹೇಗೆ ಸಹಾಯ ಮಾಡುತ್ತೆ?

ನಾವು ಒಬ್ಬರಿಗೊಬ್ಬರು ಗೌರವ ತೋರಿಸಬೇಕು ಅಂತ ಬೈಬಲ್‌ ಹೇಳುತ್ತೆ. ಅದರಲ್ಲಿ ನಾವು ಪ್ರೀತಿ ಮತ್ತು ಮರ್ಯಾದೆಯಿಂದ ನಡೆದುಕೊಳ್ಳೋದು ಸೇರಿದೆ. ರೋಮನ್ನರಿಗೆ 12:10 ಓದಿ, ನಂತರ ಈ ಪ್ರಶ್ನೆಗಳನ್ನ ಚರ್ಚಿಸಿ:

• ನನ್ನ ಗಂಡನೇ ಅಥವಾ ಹೆಂಡತಿನೇ ಮೊದಲು ಗೌರವ ತೋರಿಸಲಿ ಅಂತ ಕಾಯುತ್ತಾ ಇರೋದು ಸರಿನಾ? ಯಾಕೆ ಹಾಗೆ ಹೇಳುತ್ತೀರಾ?

ನಾವೇನು ಕಲಿತ್ವಿ

ಗಂಡ ಹೆಂಡತಿ ಬೈಬಲಿನ ತತ್ವಗಳನ್ನ ಪಾಲಿಸುತ್ತಾ, ಒಬ್ಬರನ್ನೊಬ್ಬರು ಪ್ರೀತಿಸುತ್ತಾ, ಗೌರವಿಸುತ್ತಾ ಇದ್ದರೆ ಜೀವನ ಖುಷಿಖುಷಿಯಾಗಿರುತ್ತೆ.

ನೆನಪಿದೆಯಾ

• ಸಂಸಾರ ಆನಂದ ಸಾಗರವಾಗೋಕೆ ಗಂಡ ಏನು ಮಾಡಬೇಕು?

• ಸಂಸಾರ ಆನಂದ ಸಾಗರವಾಗೋಕೆ ಹೆಂಡತಿ ಏನು ಮಾಡಬೇಕು?

• ನಿಮಗೆ ಮದುವೆಯಾಗಿದ್ದರೆ, ನಿಮ್ಮ ಮದುವೆ ಜೀವನವನ್ನ ಬಲಪಡಿಸೋಕೆ ಬೈಬಲಿನಲ್ಲಿರುವ ಯಾವ ಸಲಹೆಗಳು ಸಹಾಯ ಮಾಡುತ್ತೆ?

ಇದನ್ನೂ ನೋಡಿ

ಕುಟುಂಬ ಜೀವನದಲ್ಲಿ ಖುಷಿಖುಷಿಯಾಗಿರಲು ಸಹಾಯ ಮಾಡುವ ಕೆಲವು ಸಲಹೆಗಳನ್ನ ನೋಡಿ.

ಸುಖೀ ಸಂಸಾರ ಸಾಧ್ಯ! (ಕಿರುಹೊತ್ತಗೆ)

ಮದುವೆ ಜೀವನದಲ್ಲಿ ದೇವರ ಮಾರ್ಗದರ್ಶನಗಳನ್ನ ಪಾಲಿಸೋದ್ರಿಂದ ಸಿಗುವ ಆಶೀರ್ವಾದಗಳ ಬಗ್ಗೆ ತಿಳಿಯಲು ಈ ಸಂಗೀತ ವಿಡಿಯೋ ನೋಡಿ.

ಪ್ರೇಮದ ಸೋನೆ ಸುರಿಸಿದ್ದು ನೀನೆ (4:26)

ಗಂಡನಿಗೆ ಅಧೀನತೆ ತೋರಿಸಬೇಕು ಅನ್ನೋ ಮಾತಿನ ಅರ್ಥವೇನು ಅಂತ ಕಲಿಯಿರಿ.

“ಸ್ತ್ರೀಯರೇ, ನೀವು ತಲೆತನಕ್ಕೆ ಏಕೆ ಅಧೀನರಾಗಬೇಕು?” (ಕಾವಲಿನಬುರುಜು, ಮೇ 15, 2010)

ಒಂದು ದಂಪತಿ ವಿಚ್ಛೇದನ ಕೊಡುವಷ್ಟು ಗಂಭೀರ ಸಮಸ್ಯೆಗಳು ಬಂದ್ರೂ ಅದನ್ನ ಹೇಗೆ ಜಯಿಸಿದ್ರು ಅಂತ ನೋಡಿ.

ನಾವು ಮತ್ತೆ ಒಂದಾಗೋಕೆ ದೇವರೇ ಕಾರಣ (5:14)