Sam

92 I fayn fɔ tɛl Jiova tɛnki.

E di Wan We De Pantap Ɔlman, i fayn fɔ siŋ fɔ prez* yu nem,

 2 Fɔ tɔk na mɔnin bɔt yu lɔv we nɔ de chenj

Ɛn fɔ tɔk na nɛt bɔt di we aw yu fetful.

 3 I fayn fɔ du dat wit myuzik instrumɛnt we gɛt tɛn string, wit lut,

Ɛn wit di fayn sawnd we ap de pul.

 4 E Jiova, yu dɔn mek a gladi bikɔs ɔf di tin dɛn we yu du.

Yu dɔn mek a ala wit gladi-at bikɔs ɔf di tin dɛn we yu mek.

 6 Ɛnibɔdi we nɔ de tink nɔ go no bɔt am;

Ɛn ɛnibɔdi we fulish nɔ go ɔndastand dis:

 7 We di wikɛd wan dɛn bɔs lɛk gras

Ɛn we ɔl di wan dɛn we de du bad de go bifo,

Na fɔ mek dɛn dɔnawe wit dɛn sote go.

 9 E Jiova, fɔ tru, yu go gladi fɔ si we yu ɛnimi dɛn de fel,

Yu go si aw yu ɛnimi dɛn de day;

Ɔl di wan dɛn we de du bad go skata.

10 Bɔt yu go gi mi mɔ trɛnk lɛk bush kaw;

A go mek mi skin sɔft wit frɛsh ɔyl.

11 A go gladi fɔ si we mi ɛnimi dɛn de fel;

A go yɛri bɔt di bad tin we apin to di wikɛd wan dɛn we atak mi.

12 Bɔt di wan dɛn we de du wetin rayt go frɛsh lɛk pam tik,

Ɛn dɛn go big lɛk sida stik na Libanɔn.

13 Dɛn plant dɛn na Jiova in os;

Dɛn go frɛsh na wi Gɔd in kɔmpawn dɛn.

14 Ivin we dɛn ol,* dɛn go stil de du wɛl,

Dɛn go kɔntinyu fɔ gɛt trɛnk* ɛn frɛsh.

15 Dɛn go de tɔk se Jiova de du tin tret.