Sam

Devid in siŋ.

15 E Jiova, udat go de as strenja na yu tɛnt?

Udat go de na yu oli mawntin?

2 Na di wan we nɔ gɛt wan fɔlt,*

We de du wetin rayt

Ɛn we de tɔk tru na in at.

3 I nɔ de yuz in mɔt fɔ pwɛl ɔda pipul dɛn,

I nɔ de du bad tin to in neba,

Ɛn i nɔ de mek in padi dɛn shem.

4 I nɔ de gladi fɔ ɛnibɔdi we nɔ gɛt rɛspɛkt,

Bɔt i de ɔnɔ di wan dɛn we de fred Jiova.

I de du wetin i prɔmis ilɛksɛf tin nɔ kɔmɔt fayn fɔ am.

5 I nɔ de lɛnt mɔni ɛn aks fɔ intrɛst,

Ɛn i nɔ de tek brayb fɔ du bad to di wan we inosɛnt.

Natin nɔ go ɛva shek di wan we de du dɛn tin dɛn ya.