Sam

119 Di wan dɛn we nɔ gɛt wan blem pan wetin dɛn de du,*

Ɛn we de obe Jiova in lɔ, gɛt gladi-at.

 2 Di wan dɛn we de du di tin dɛn we i de mɛmba dɛn,

Ɛn we de luk fɔ am wit ɔl dɛn at, gɛt gladi-at.

 3 Dɛn nɔ de du ɛnitin we nɔ rayt;

Dɛn de du wetin i want.

 4 Yu dɔn gi di kɔmand

Fɔ se dɛn fɔ tek tɛm du wetin yu dɔn tɛl dɛn.

 5 If nɔmɔ a go kɔntinyu fɔ tinap tranga wan

So dat a go obe yu lɔ dɛn!

 6 Da tɛm de, a nɔ go shem

We a tek tɛm tink bɔt ɔl yu kɔmandmɛnt dɛn.

 7 A go prez yu wit ɔl mi at

We a lan bɔt di tin dɛn we yu dɔn disayd we rayt.

11 Insay mi at, a valyu wetin yu de se

So dat a nɔ go sin agens yu.

12 E Jiova, lɛ yu gɛt prez;

Tich mi yu lɔ dɛn.

13 A go yuz mi mɔt fɔ tɔk bɔt

Ɔl wetin yu dɔn disayd.

14 A kin gladi fɔ di tin dɛn we yu de mɛmba mi

Pas ɔl ɔda valyu tin dɛn.

15 A go tek tɛm tink* bɔt di tin dɛn we yu dɔn tɛl mi,

Ɛn a go pe atɛnshɔn to wetin yu se.

17 Trit mi, we na yu savant, fayn

So dat a go liv ɛn du wetin yu se.

18 Opin mi yay so dat a go si

Di wɔndaful tin dɛn na yu lɔ fayn fayn wan.

20 A rili want fɔ no

Di tin dɛn we yu de disayd ɔltɛm.

21 Yu de kɔrɛkt di wan we de du tin we i nɔ gɛt rayt fɔ du,

Ɛn di wan dɛn we gɛt swɛ we nɔ de obe yu kɔmandmɛnt dɛn igen.

22 Mek lɛ pipul dɛn stɔp fɔ fityay mi ɛn lɛ dɛn nɔ et mi,

Bikɔs a dɔn obe di tin dɛn we yu de mɛmba mi.

23 Ivin we prins dɛn kin sidɔm togɛda ɛn tɔk bad agens mi,

Mi we na yu savant, de tink gud gud wan bɔt* yu lɔ dɛn.

24 A rili lɛk di tin dɛn we yu de mɛmba mi;

Na dɛn de advays mi.

26 A tɛl yu di tin dɛn we a de du, ɛn yu ansa mi;

Tich mi yu lɔ dɛn.

27 Mek lɛ a ɔndastand wetin di tin dɛn we yu de tɛl mi min,

So dat a go tink gud gud wan bɔt* yu wɔndaful wok dɛn.

29 Mek lɛ a nɔ bi pɔsin we de lay,

Ɛn sɔri fɔ mi bay we yu gi mi yu lɔ.

32 A rili want fɔ fala yu kɔmandmɛnt dɛn,

Bikɔs yu de ɛp mi fɔ ɔndastand dɛn.*

33 E Jiova, tich mi yu lɔ dɛn,

Ɛn a go kɔntinyu fɔ fala dɛn.

34 Gi mi ɔndastandin,

So dat a go obe yu lɔ

Ɛn du wetin yu se wit ɔl mi at.

35 Ɛp mi fɔ obe yu kɔmandmɛnt dɛn,

Bikɔs a lɛk dɛn.

36 Mek lɛ mi at lɛk di tin dɛn we yu de mɛmba mi

So dat a nɔ go milɛ.*

37 Mek lɛ a nɔ wach tin dɛn we nɔ gɛt wan yus;

Mek lɛ a kɔntinyu fɔ liv so dat a go du wetin yu want.

38 Du wetin yu bin dɔn prɔmis mi, we na yu savant,

So dat pipul dɛn go fred yu.

39 Pul pan mi di disgres we a de fred,

Bikɔs di tin dɛn we yu de disayd gud.

41 E Jiova, sho mi lɔv we nɔ de chenj;

Sev mi akɔdin to yu prɔmis;*

42 Da tɛm de, a go ansa di wan we de provok mi,

Bikɔs a abop pan wetin yu se.

43 Nɔ pul kɔmɔt na mi mɔt di tru tin dɛn we de na yu wɔd,

Bikɔs a abop pan* di tin dɛn we yu dɔn disayd.

44 A go obe yu lɔ ɔltɛm,

Sote go.

45 A go waka na say we sef,

Bikɔs a de luk fɔ di tin dɛn we yu de tɛl mi.

46 A go tɔk bɔt di tin dɛn we yu de mɛmba mi bifo kiŋ dɛn,

Ɛn a nɔ go shem.

47 A rili lɛk yu kɔmandmɛnt dɛn.

Fɔ tru, a lɛk dɛn.

48 A go es mi an ɛn pre to yu bikɔs ɔf yu kɔmandmɛnt dɛn we a lɛk,

Ɛn a go tink gud gud wan bɔt* yu lɔ dɛn.

49 Mɛmba di wɔd* we yu bin tɛl mi, we na yu savant,

We gi mi op.*

50 Na dis de ɛnkɔrej mi we a de sɔfa,

Bikɔs na di tin dɛn we yu de tɔk de mek a kɔntinyu fɔ liv.

51 Pɔsin we de du tin we i nɔ gɛt rayt fɔ du de fityay mi,

Bɔt a nɔ lɛf fɔ obe yu lɔ.

52 E Jiova, a mɛmba di tin dɛn we yu bin dɔn disayd frɔm trade trade,

Ɛn dɛn de kɔrej mi.

53 A vɛks bad bad wan bikɔs ɔf di wikɛd wan dɛn,

We nɔ de obe yu lɔ igen.

54 Yu lɔ dɛn tan lɛk siŋ to mi

Ɛnisay we a de.*

55 E Jiova, a kin mɛmba yu nem na nɛt,

So dat a go obe yu lɔ.

56 Na dis a kin du ɔltɛm,

Bikɔs a de du di tin dɛn we yu tɛl mi.

57 Na Jiova nɔmɔ a gɛt;

A dɔn prɔmis fɔ obe in wɔd.

58 A beg yu wit ɔl mi at;

Sɔri fɔ mi akɔdin to wetin yu dɔn prɔmis.*

59 A dɔn chɛk wetin a de du,

So dat a go bigin fɔ fala di tin dɛn we yu de mɛmba mi.

60 A de mekes, ɛn a nɔ de westɛm

Fɔ obe yu kɔmandmɛnt dɛn.

61 Di wikɛd wan dɛn rop de rawnd mi,

Bɔt a nɔ fɔgɛt yu lɔ.

62 Midul nɛt, a kin grap fɔ tɛl yu tɛnki

Bikɔs ɔf di rayt tin dɛn we yu kin disayd.

63 Mi na padi to ɔl di wan dɛn we de fred yu

Ɛn di wan dɛn we de du wetin yu tɛl dɛn.

64 E Jiova, yu lɔv we nɔ de chenj ful-ɔp di wɔl;

Tich mi yu lɔ dɛn.

65 E Jiova, yu dɔn trit mi, we na yu savant, fayn

Akɔdin to yu wɔd.

66 Mek lɛ a gɛt sɛns ɛn no tin dɛn,

Bikɔs a abop pan yu kɔmandmɛnt dɛn.

67 Bifo a bigin fɔ sɔfa, a bin dɔn lɛf yu we,*

Bɔt naw a de du wetin yu se.

69 Di wan we de du tin we i nɔ gɛt rayt fɔ du de lay pan mi,

Bɔt a de du di tin dɛn we yu de tɛl mi wit ɔl mi at.

70 Dɛn at strɔng lɛk ston,

Bɔt a rili lɛk yu lɔ dɛn.

71 I bɛtɛ we a bin sɔfa,

So dat a go lan yu lɔ dɛn.

72 Di lɔ we yu dɔn gi gud fɔ mi,

Pas bɔku bɔku gold ɛn silva.

Gi mi ɔndastandin,

So dat a go lan yu kɔmandmɛnt dɛn.

74 Di wan dɛn we de fred yu si mi ɛn gladi,

Bikɔs na yu wɔd de gi mi op.*

75 E Jiova, a no se di tin dɛn we yu de disayd rayt,

Ɛn yu dɔn pɔnish mi bikɔs yu fetful.

76 Duya, lɛ yu lɔv we nɔ de chenj kɔrej mi,

Akɔdin to di prɔmis* we yu bin dɔn mek to mi, we na yu savant.

77 Sho mi masi so dat a go kɔntinyu fɔ liv,

Bikɔs a lɛk yu lɔ.

78 Lɛ di wan dɛn we de du tin we dɛn nɔ gɛt rayt fɔ du shem,

Bikɔs dɛn dɔn du mi bad fɔ no rizin.

79 Lɛ di wan dɛn we de fred yu kam bak to mi,

Di wan dɛn we sabi di tin dɛn we yu de mɛmba wi.

80 Lɛ a nɔ gɛt wan blem we a de fala yu lɔ dɛn,

So dat a nɔ go shem.

81 A rili want fɔ lɛ yu sev mi,

Bikɔs na yu wɔd de gi mi op.*

82 A de wet fɔ si wetin yu dɔn prɔmis

As a de aks se: “Ustɛm yu go kɔrej mi?”

83 A tan lɛk bɔtul* we dɛn dɔn dray wit smok,

Bɔt a nɔ fɔgɛt yu lɔ dɛn.

85 Di wan we de du tin we i nɔ gɛt rayt fɔ du,

Ɛn di wan dɛn we de pwɛl yu lɔ, de dig ol fɔ mi.

87 I lɛf smɔl lɛ dɛn pul mi kɔmɔt na di wɔl,

Bɔt a nɔ tɔn mi bak pan di tin dɛn we yu de tɛl mi.

88 Mek lɛ a kɔntinyu fɔ liv bikɔs ɔf yu lɔv we nɔ de chenj,

So dat a go obe di tin dɛn we yu de mɛmba mi.

89 E Jiova,

Yu wɔd go kɔntinyu fɔ de na ɛvin sote go.

91 Na di tin dɛn* we yu dɔn disayd mek dɛn de te tide,

Bikɔs dɛn ɔl na yu savant dɛn.

92 If a nɔ bin rili lɛk yu lɔ,

A bin fɔ dɔn day we a de sɔfa.

93 A nɔ go ɛva fɔgɛt di tin dɛn we yu dɔn tɛl mi,

Bikɔs na dɛn yu de yuz fɔ lɛ a kɔntinyu fɔ liv.

94 Na yu gɛt mi; sev mi,

Bikɔs a dɔn luk fɔ di tin dɛn we yu de tɛl mi.

95 Di wikɛd wan de wet fɔ dɔnawe wit mi,

Bɔt a de pe atɛnshɔn gud gud wan to di tin dɛn we yu de mɛmba mi.

96 A dɔn si bɔku tin dɛn we pafɛkt,

Bɔt yu kɔmandmɛnt dɛn bɛtɛ pas dɛn.

98 Yu kɔmandmɛnt de mek a gɛt sɛns pas mi ɛnimi dɛn,

Bikɔs i de wit mi sote go.

99 A gɛt sɛns pas ɔl mi ticha dɛn,

Bikɔs a de tink gud gud wan bɔt* di tin dɛn we yu de mɛmba mi.

100 A de du tin we de sho se a gɛt ɔndastandin

Pas di wan dɛn we big pas mi;

101 A nɔ go waka na ɛni rod usay dɛn de du bad,

So dat a go obe yu wɔd.

102 A nɔ de tɔn mi bak pan di tin dɛn we yu dɔn disayd,

Bikɔs na yu dɔn tɛl mi wetin fɔ du.

103 Di tin dɛn we yu de tɔk swit na mi tɔŋ;

Dɛn swit pas ɔni na mi mɔt!

105 Yu wɔd na lamp fɔ mi fut,

Ɛn layt fɔ di say usay a de waka.

106 A dɔn swɛ, ɛn a go du wetin a se,

So dat a go obe di rayt tin dɛn we yu dɔn disayd.

108 E Jiova, duya gladi fɔ tek di prez we a de gi yu wit ɔl mi at,

Ɛn tich mi di tin dɛn we yu dɔn disayd.

109 Mi layf de pan denja ɔltɛm,

Bɔt a nɔ fɔgɛt yu lɔ.

110 Di wikɛd wan dɔn sɛt trap fɔ mi,

Bɔt a nɔ fɔgɛt fɔ du wetin yu de tɛl mi.

111 A dɔn tek di tin dɛn we yu de mɛmba mi as mi prɔpati sote go,

Bikɔs na dɛn de mek a gladi.

112 A dɔn mek-ɔp mi maynd fɔ obe yu lɔ dɛn ɔltɛm

Te a day.

113 A et di wan dɛn we nɔ de biɛn yu wit ɔl dɛn at,

Bɔt a lɛk yu lɔ.

114 Yu na mi sef ples ɛn mi shild,

Bikɔs na yu wɔd de gi mi op.*

115 Una we de du bad, una avɔyd mi,

So dat a go obe mi Gɔd in kɔmandmɛnt dɛn.

116 Sɔpɔt mi jɔs lɛk aw yu dɔn prɔmis,*

So dat a go kɔntinyu fɔ liv;

Nɔ mek di tin dɛn we a de op fɔ nɔ apin.*

117 Sɔpɔt mi so dat a go sev;

Da tɛm de, a go pe atɛnshɔn to yu lɔ dɛn ɔltɛm.

118 Yu de tɔn yu bak pan ɔl di wan dɛn we dɔn lɛf fɔ obe yu lɔ dɛn,

Bikɔs dɛn de lay ɛn ful pipul dɛn.

120 Di fred we a de fred yu de mek mi bɔdi* trimbul;

A de fred di tin dɛn we yu dɔn disayd.

122 Prɔmis se yu go ɛp mi, we na yu savant;

Lɛ di wan we de du tin we i nɔ gɛt rayt fɔ du nɔ sɔprɛs mi.

123 Mi yay dɔn taya as i de wet fɔ si we yu go sev mi

Ɛn fɔ di tin dɛn we yu dɔn prɔmis.*

124 Sho yu lɔv we nɔ de chenj to mi, we na yu savant,

Ɛn tich mi yu lɔ dɛn.

125 Mi na yu savant; mek lɛ a gɛt ɔndastandin,

So dat a go no di tin dɛn we yu de mɛmba mi.

126 Di tɛm dɔn kam fɔ lɛ yu, Jiova, du sɔntin,

Bikɔs dɛn dɔn pwɛl yu lɔ.

127 Na dat mek a lɛk yu kɔmandmɛnt dɛn

Pas gold, ilɛksɛf na fayn* gold.

128 So a de si ɔl wetin yu de tɛl wi as tin we rayt;

A et ɔlkayn lay lay.

130 Di tin dɛn we yu de tɔk de gi layt,

I de mek di wan dɛn we nɔ gɛt ɛkspiriɛns, gɛt ɔndastandin.

131 A opin mi mɔt big ɛn pini,

Bikɔs a rili want fɔ no yu kɔmandmɛnt dɛn.

132 Pe atɛnshɔn to mi ɛn sɔri fɔ mi,

Lɛk aw yu kin du* ɔltɛm fɔ di wan dɛn we lɛk yu nem.

133 Gayd di tin dɛn we a de du sef wan bay wetin yu de se,

Lɛ no wikɛd tin nɔ kɔntrol mi.

134 Sev mi frɔm pipul dɛn we de sɔprɛs dɛn kɔmpin,

Ɛn a go obe di tin dɛn we yu de tɛl mi.

135 Gladi fɔ mi, we na yu savant,

Ɛn tich mi yu lɔ dɛn.

136 Bɔku bɔku kray wata de kɔmɔt na mi yay

Bikɔs pipul dɛn nɔ de obe yu lɔ.

137 E Jiova, yu de du wetin rayt,

Di tin dɛn we yu de disayd fia.

138 Di tin dɛn we yu de mɛmba wi rayt,

Ɛn pɔsin kin abop pan dɛn wit ɔl in at.

139 Di zil we a gɛt tan lɛk faya we de bɔn insay mi,

Bikɔs mi ɛnimi dɛn dɔn fɔgɛt yu wɔd.

140 Di tin dɛn we yu de tɔk rili klin,

Ɛn mi, we na yu savant lɛk dɛn.

141 A nɔ impɔtant, ɛn pipul dɛn nɔ tek mi mek natin;

Bɔt a nɔ fɔgɛt di tin dɛn we yu de tɛl mi.

142 Di we aw yu de du wetin rayt go de sote go,

Ɛn yu lɔ na tru.

143 Pan ɔl we pwɛlat ɛn bad bad tin dɛn de mit mi,

A stil lɛk yu kɔmandmɛnt dɛn.

147 A dɔn grap bifo doklin fɔ kray fɔ ɛp,

Bikɔs na yu wɔd dɛn de gi mi op.*

148 Mi yay dɛn opin midul nɛt,

So dat a go tink gud gud wan bɔt* wetin yu dɔn tɔk.

150 Di wan dɛn we de du shemful shemful tin dɛn dɔn kam nia mi;

Dɛn de fa frɔm yu lɔ.

151 E Jiova, yu de nia mi,

Ɛn ɔl yu kɔmandmɛnt dɛn na tru.

152 Trade trade, a bin dɔn lan bɔt di tin dɛn we yu de mɛmba wi,

Fɔ se yu dɔn mek dɛn fɔ de sote go.

153 Luk di sɔfa we a de sɔfa ɛn sev mi,

Bikɔs a nɔ fɔgɛt yu lɔ.

154 Fɛt fɔ mi ɛn sev mi;

Mek lɛ a kɔntinyu fɔ liv akɔdin to wetin yu dɔn prɔmis.*

155 I go rili at fɔ lɛ di wikɛd wan dɛn sev,

Bikɔs dɛn nɔ luk fɔ yu lɔ dɛn.

157 Mi ɛnimi dɛn ɛn di wan dɛn we de mek a sɔfa bɔku;

Bɔt a nɔ lɛf fɔ fala wetin yu de mɛmba mi.

158 A rili et di wan dɛn we nɔ fetful,

Bikɔs dɛn nɔ de du wetin yu de se.

160 Ɔl wetin yu de se na tru,

Ɛn ɔl wetin yu de disayd go de sote go.

161 Prins dɛn de mek a sɔfa fɔ no rizin,

Bɔt a de kɔle ɛn rɛspɛkt wetin yu de se.

162 A de gladi fɔ wetin yu de se

Lɛk pɔsin we fɛn bɔku bɔku prɔpati.

163 A et lay lay—A rili et am—

Bɔt a lɛk yu lɔ.

164 A de prez yu sɛvin tɛm insay di de,

Bikɔs ɔf di rayt tin dɛn we yu dɔn disayd.

165 Di wan dɛn we lɛk yu lɔ rili gɛt pis;

Natin nɔ go mek dɛn fɔdɔm.

166 E Jiova, a abop pan di we aw yu de sev,

Ɛn a de obe yu kɔmandmɛnt dɛn.

167 A de du di tin dɛn we yu de mɛmba mi,

A rili lɛk dɛn.

168 A de obe di tin dɛn we yu de tɛl mi ɛn di tin dɛn we yu de mɛmba mi,

Bikɔs yu no ɔl wetin a de du.

171 Lɛ a prez yu ɔltɛm,

Bikɔs yu de tich mi yu lɔ dɛn.

172 Lɛ a siŋ bɔt wetin yu de se,

Bikɔs ɔl yu kɔmandmɛnt dɛn rayt.

173 Duya rɛdi fɔ ɛp mi,

Bikɔs a dɔn disayd fɔ obe di tin dɛn we yu de tɛl mi.

174 E Jiova, a rili want fɔ mek yu sev mi,

Ɛn a rili lɛk yu lɔ.

175 Mek a de alayv so dat a go prez yu;

Lɛ di tin dɛn we yu dɔn disayd ɛp mi.

176 A fiba ship we dɔn lɔs. Luk fɔ mi, we na yu savant,

Bikɔs a nɔ fɔgɛt yu kɔmandmɛnt dɛn.