Sam

 3 Nɔ abop pan prins dɛn*

Ɔ mɔtalman we nɔ ebul fɔ sev pɔsin.

 4 We i stɔp fɔ blo, i de go bak na dɔti;

Da de de, ɔl wetin i de tink bɔt go dɔn.

 5 Pɔsin we Jekɔp in Gɔd de ɛp, gɛt gladi-at,

Di wan we abop pan Jiova we na in Gɔd, gɛt gladi-at,

 6 Di Wan we mek ɛvin ɛn di wɔl,

We mek di si ɛn ɔl wetin de insay de,

Di Wan we fetful ɔltɛm,

 7 Di Wan we de mek di pipul dɛn we dɛn dɔn kruk gɛt jɔstis,

Di Wan we de gi it to di wan dɛn we angri.

 8 Jiova de mek di wan dɛn we blayn, si;

Jiova de es di wan dɛn we butu;

Jiova lɛk di wan dɛn we de du wetin rayt.

 9 Jiova de protɛkt fɔrina dɛn;

I de kia fɔ pikin we nɔ gɛt papa ɛn fɔ uman we in man dɔn day,

Bɔt i de pwɛl di wikɛd wan dɛn plan.

10 Jiova go bi Kiŋ sote go,

E Zayɔn, yu Gɔd go bi Kiŋ fɔ jɛnɛreshɔn to jɛnɛreshɔn.