Sam

 2 A dɔn tɔk se: “Lɔv we nɔ de chenj go de sote go,

Ɛn yu go kɔntinyu fɔ fetful wans ɛvin de.”

 3 “A dɔn mek agrimɛnt wit di wan we a pik;

A dɔn swɛ to Devid we na mi savant:

 4 ‘A go mek yu pikin dɛn de sote go,

Ɛn a go mek yu tron kɔntinyu fɔ de frɔm jɛnɛreshɔn to jɛnɛreshɔn.’” (Sila)

 5 E Jiova, ɛvin de sho di wɔndaful tin dɛn we yu mek,

Ɛn di oli wan dɛn de tɔk bɔt aw yu fetful.

 7 Dɛn de fred ɛn rɛspɛkt Gɔd usay di oli wan dɛn de;

I gret ɛn ɔl di wan dɛn we de rawnd am de fred ɛn rɛspɛkt am.

 8 E Jiova Gɔd we gɛt bɔku bɔku sojaman dɛn,

E Ja, udat pawaful lɛk yu?

 9 Yu de rul di rɔf si;

We in swɛlin ay, yu de kɔntrol am.

11 Di ɛvin na yu yon, di wɔl na yu yon;

Di grɔn ɛn ɔl wetin de de—na yu mek dɛn.

12 Na yu mek di nɔt ɛn di sawt;

Tebɔ ɛn Amɔn gladi fɔ prez yu nem.

13 Yu an pawaful;

Yu an strɔng;

Yu raytan de ɔp.

14 Fɔ du wetin rayt ɛn fɔ du tin fia wan na di fawndeshɔn na yu tron;

Lɔv we nɔ de chenj ɛn fetfulnɛs tinap bifo yu.

16 Ol de dɛn de gladi bikɔs ɔf yu nem,

Dɛn de gɛt ɔnɔ bikɔs yu de du wetin rayt.

17 Na yu de gi dɛn glori ɛn trɛnk,

Ɛn bikɔs yu gladi fɔ wi, wi de gɛt mɔ trɛnk.*

18 Na Jiova gɛt wi shild,

Na di Oli Wan na Izrɛl gɛt wi kiŋ.

Yu se: “A dɔn gi trɛnk to di wan we pawaful;

A dɔn es di wan we a pik frɔm di pipul dɛn.

20 A dɔn fɛn Devid we na mi savant;

A dɔn anɔynt am wit mi oli ɔyl.

21 A go sɔpɔt am wit mi an

Ɛn gi am trɛnk.

22 No ɛnimi nɔ go ol taks na in an,

Ɛn nɔbɔdi we nɔ de du wetin rayt nɔ go sɔprɛs am.

23 A go nyamanyama in ɛnimi dɛn bifo am

Ɛn kil di wan dɛn we et am.

24 A go sho am se a fetful, ɛn a gɛt lɔv we nɔ de chenj;

Ɛn bikɔs ɔf mi nem, a go mek i gɛt mɔ trɛnk.*

25 A go put in an* oba di si,

Ɛn a go put in raytan oba di riva dɛn.

26 I go tɛl mi lawd wan se: ‘Yu na mi Papa,

Mi Gɔd, ɛn di Rɔk we de sev mi.’

27 A go mek i bi mi fɔs pikin,

A go put am oba di kiŋ dɛn na di wɔl.

28 A go sho am mi lɔv we nɔ de chenj sote go,

Ɛn mi agrimɛnt we a mek wit am nɔ go ɛva fel.

29 A go mek in pikin dɛn de sote go,

Ɛn a go mek in tron kɔntinyu fɔ de as lɔng as ɛvin de.

30 If in bɔypikin dɛn lɛf fɔ fala mi lɔ

Ɛn nɔ du di tin dɛn we a dɔn disayd,

31 If dɛn nɔ du wetin a dɔn mek-ɔp mi maynd fɔ du,

Ɛn if dɛn nɔ obe mi kɔmandmɛnt dɛn,

32 A go pɔnish dɛn wit ken bikɔs dɛn nɔ obe*

Ɛn bit dɛn fɔ dɛn mistek.

33 Bɔt a nɔ go ɛva lɛf fɔ sho mi lɔv we nɔ de chenj to am

Ɔ nɔ kip mi prɔmis.

34 A nɔ go pwɛl mi agrimɛnt

Ɔ chenj wetin a dɔn tɔk.

35 As Gɔd we oli, a dɔn swɛ wan tɛm ɛn a nɔ go swɛ igen;

A nɔ go lay to Devid.

36 In pikin dɛn go kɔntinyu fɔ de sote go;

In tron go kɔntinyu fɔ de lɛk di san we de bifo mi.

37 I go kɔntinyu fɔ de sote go lɛk di mun

We na witnɛs we fetful na di skay.” (Sila)

38 Bɔt yusɛf sɛf dɔn drɛb am ɛn pul an pan am;

Yu dɔn vɛks pan di wan we yu anɔynt.

39 Yu dɔn pul an pan di agrimɛnt we yu mek wit yu savant;

Yu dɔn dɔti in krawn bay we yu trowe am na grɔn.

40 Yu dɔn brok brok ɔl in ston wɔl dɛn;

Yu dɔn pwɛl di say dɛn we i dɔn mek strɔng.

41 Ɔl di wan dɛn we de pas dɔn lut in tin dɛn;

In neba dɛn de provok am.

42 Yu dɔn mek in ɛnimi dɛn win;*

Yu dɔn mek ɔl in ɛnimi dɛn gladi.

43 Dɔn yu dɔn mek in sɔd nɔ gɛt ɛni yus,

Ɛn yu dɔn mek i nɔ ebul fɔ win di fɛt.

44 Yu dɔn mek i nɔ de gɛt glori igen,

Yu dɔn ib in tron na grɔn.

45 Yu dɔn mek i ol kwik kwik wan;

Yu dɔn mek i shem pasmak. (Sila)

49 E Jiova, we yu lɔv we nɔ de chenj we yu bin de sho trade,

We yu, we fetful, bin swɛ bɔt to Devid?

50 E Jiova, mɛmba di provok we dɛn bin de provok yu savant dɛn;

Aw a bin gɛt fɔ bia we ɔlman de provok mi;

51 E Jiova, mɛmba aw yu ɛnimi dɛn fityay;

Mɛmba aw dɛn dɔn fityay di wan we yu anɔynt ɛnisay we i go.