Sam

 2 Klawd dɛn ɛn tik tik daknɛs de arawnd am;

Fɔ du wetin rayt ɛn fɔ du tin fia wan na di fawndeshɔn na in tron.

 3 Faya de go bifo am

Ɛn bɔn in ɛnimi dɛn ɔlsay.

 4 In laytnin de mek di land brayt;

Di wɔl de si am ɛn trimbul.

 5 Di mawntin dɛn de mɛlt lɛk waks* bifo Jiova,

Dɛn de mɛlt bifo di Masta fɔ di wan ol wɔl.

 6 Di ɛvin de sho se i de du wetin rayt,

Ɛn ɔl di pipul dɛn de si in glori.

 7 Lɛ ɔl di wan dɛn we de wɔship ɛni kav imej shem,

Lɛ di wan dɛn we de bost bɔt dɛn gɔd dɛn

 8 E Jiova, Zayɔn yɛri ɛn gladi;

Di tɔŋ* dɛn na Juda gɛt gladi-at

Bikɔs ɔf di tin dɛn we yu disayd.

 9 E Jiova, na yu na di Wan We De Pantap Ɔlman na di wɔl;

Yu de oba ɔl ɔda gɔd dɛn fa fawe.

I de protɛkt di wan dɛn we nɔ de kɔmɔt biɛn am;

I de sev dɛn frɔm di wikɛd wan.

11 Layt dɔn flash fɔ di wan dɛn we de du wetin rayt

Ɛn di wan dɛn we de waka tret gladi.

12 Lɛ di wan dɛn we de du wetin rayt gladi bikɔs ɔf Jiova

Ɛn mek dɛn prez in oli nem.