Sɔlɔmɔn in Siŋ

2 “Mi na jɔs safrɔn flawa we de na di flat land nia di si,

Mi na lili* flawa na di vali dɛn.”

 2 “Jɔs lɛk lili* flawa midul chukchuk dɛn,

Na so mi lɔv tan lɛk midul di yɔŋgal dɛn.”

 3 “Jɔs lɛk apul tik midul di tik dɛn na di fɔrɛst,

Na so di wan we a lɛk tan lɛk midul di yɔŋman dɛn.

A rili want fɔ sidɔm ɔnda in shed,

Ɛn in frut swit na mi mɔt.

 4 I kɛr mi go na os we pati de,

Ɛn in bana we bin de oba mi na lɔv.

 5 Gi mi rezin kek dɛn fɔ mek a fil fayn;

Gi mi apul dɛn fɔ lɛ a gɛt trɛnk,

Bikɔs lɔv sik de pan mi.

 6 In lɛftan de ɔnda mi ed,

Ɛn in raytan de rawnd mi.

 7 E di uman dɛn na Jerusɛlɛm,

A tek di gezɛl* dɛn ɛn di uman dia dɛn na bush fɔ beg una

Luk! I de kam,

I de klem di mawntin dɛn ɛn jomp na di il dɛn.

Luk am, i tinap biɛn wi wɔl,

I de wach na di winda dɛn,

I de pip na di opin say dɛn na di winda.

‘Mi lɔv, kam,

Mi fayn uman, kam wit mi.

12 Flawa dɛn dɔn gro na di land,

Di tɛm fɔ trim dɔn kam,

Ɛn yu de yɛri di tɔtuldɔv de siŋ na wi land.

13 Di fig dɛn dɔn rɛp na di fig tik;

Di vayn dɛn dɔn pul flawa ɛn dɛn de pul fayn sɛnt.

14 E mi dɔv, kɔmɔt na di ol we de insay di big rɔk,

Kɔmɔt na di ol na di ay pat na di mawntin,

Mek lɛ a si yu ɛn yɛri yu vɔys,

Bikɔs yu vɔys swit ɛn yu fayn.’”

15 “Kech di fɔks* dɛn fɔ wi,

Di smɔl smɔl fɔks dɛn we kin pwɛl di vayn gadin dɛn,

Bikɔs wi vayn gadin dɛn dɔn pul flawa.”

17 E di wan we a lɛk, bifo di briz bigin fɔ blo ɛn di shado dɛn lɔs,

Kam bak kwik, jɔs lɛk gezɛl* ɔ yɔŋ man dia

Pantap di mawntin dɛn we de bitwin mi ɛn yu.