Di Baybul gri se mɔtalman dɛn layf nɔ ‘lɔng ɛn i gɛt bɔku bɔku waala.’ (Job 14:​1) Fɔ se na dis Gɔd want fɔ wi? If nɔto so, wetin Gɔd want fɔ wi? Di tin we Gɔd want fɔ wi go ɛva apin? Lan bɔt di fayn ansa dɛn we di Baybul gi we go ɛnkɔrej yu.

1. Uskayn layf Jiova want fɔ wi?

Jiova want wi fɔ liv di bɛst layf. We i mek di fɔs mɔtalman dɛn we na Adam ɛn Iv, i bin put dɛn na wan fayn Paradays, we na di gadin na Idɛn. Dɔn, “Gɔd blɛs dɛn ɛn tɛl dɛn se, ‘Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl.’” (Jɛnɛsis 1:​28) Jiova bin want dɛn fɔ bɔn pikin dɛn, fɔ mek di wan ol wɔl bi Paradays, ɛn fɔ tek kia ɔf di animal dɛn. I bin want ɔlman fɔ ɛnjɔy pafɛkt wɛlbɔdi ɛn fɔ de sote go.

Pan ɔl we tin nɔ bin apin di we aw Gɔd bin want,a wetin i want nɔ stil chenj. (Ayzaya 46:​10, 11) I stil want mɔtalman dɛn we de obe am fɔ de sote go na say we ɔltin fayn.​—Rid Rɛvɛleshɔn 21:​3, 4.

2. Aw wi go ebul fɔ liv di kayn layf we Jiova bin want wi fɔ liv?

Jiova mek wi wit di “nid fɔ lan bɔt [am]” ɛn wɔship am. (Rid Matyu 5:​3-6.) I want wi fɔ gɛt tayt padi biznɛs wit am, “fɔ du ɔl wetin i want, fɔ lɛk am,” ɛn fɔ sav am “wit ɔl [wi] at.” (Ditarɔnɔmi 10:​12, NWT; Sam 25:​14, NWT) We wi du dat, wi go gɛt tru tru gladi-at pan ɔl we wi gɛt bɔku prɔblɛm dɛn. We wi wɔship Jiova, wi layf go gɛt rial minin bikɔs wi de liv wi layf di we aw i want.

3. Jiova want mɔtalman fɔ liv di bɛst layf

Ple di VIDIO, dɔn una tɔk bɔt di kwɛstyɔn dɛn we de dɔŋ.

VIDIO: Wetin Mek Gɔd Mek di Wɔl?​—Shɔt Pat (1:​41)

• Wetin mek Gɔd mek wi fayn fayn wɔl?

Rid Ɛkliziastis 3:​11, dɔn una tɔk bɔt dis kwɛstyɔn:

• Wetin dis de tich yu bɔt Jiova?

4. Wetin Jiova want nɔ chenj

Rid Sam 37:​11, 29 ɛn Ayzaya 55:​11, dɔn una tɔk bɔt dis kwɛstyɔn:

• Aw wi no se wetin Jiova want fɔ wi nɔ chenj?

5. We wi wɔship Jiova, wi layf de gɛt rial minin

VIDIO: A Lan Wetin Mek Gɔd Mek Wi (5:​03)

• Us bɛnifit Terumi bin gɛt we i lan bɔt wetin mek Gɔd mek wi?

Rid Ɛkliziastis 12:​13, dɔn una tɔk bɔt dis kwɛstyɔn:

• Aw wi go sho tɛnki fɔ ɔl di bɔku tin dɛn we Jiova dɔn du fɔ wi?

WETIN YU DƆN LAN?

Jiova want wi fɔ ɛnjɔy pafɛkt layf sote go na dis wɔl. We wi wɔship Gɔd wit ɔl wi at, wi layf de gɛt tru tru minin ivin naw.

Rivyu

• Wetin Jiova bin want fɔ Adam ɛn Iv?

• Aw wi no se wetin Gɔd bin want fɔ mɔtalman nɔ chenj?

• Aw yu layf go gɛt minin?

DU MƆ RISACH

Lan bɔt ɔda tin dɛn we de sho se di gadin we bin de na Idɛn na bin rial ples.

“Di Gadin we Bin De na Idɛn​—Na Tru Tru Ples ɔ Na Lay Lay?” (Di Wachtawa, Janwari 1, 2011)

Lan wetin mek wi fɔ biliv se di wɔl go de sote go.

“Dɛn Go Dɔnawe wit di Wɔl?” (Atikul na di wɛbsayt)

Lan bɔt wetin di Baybul se bɔt aw fɔ fɛn minin na layf.

“Wetin Na di Minin ɔf Layf?” (Atikul na di wɛbsayt)

Lan bɔt aw wan man we bin tink se i gɛt ɔltin bin kam fɔ fɛn wetin i bin de mis na in layf.

Naw Mi Layf Gɛt Minin (3:​55)

2. Udat dɛn go rul wit Jizɔs?

Nɔto Jizɔs in wangren de rul. Pipul dɛn frɔm “ɔl di trayb dɛn, pipul dɛn, neshɔn dɛn,” ɛn we de “tɔk difrɛn difrɛn langwej . . . go rul as kiŋ dɛn oba di wɔl.” (Rɛvɛleshɔn 5:​9, 10) Ɔmɔs pipul dɛn go rul wit Jizɔs? Frɔm di tɛm we Jizɔs kam na di wɔl, bɔku bɔku pipul dɛn dɔn bi in disaypul. Bɔt na dɛn ɔl go rul wit am? Nɔ! Na jɔs 144,000 pan dɛn go go na ɛvin fɔ rul wit am. (Rid Rɛvɛleshɔn 14:​1-4.) Ɔl di ɔda wan dɛn na di wɔl go bi sitizin dɛn na di Kiŋdɔm.​—Sam 37:​29.

Gɔd in Kiŋdɔm ɔlrɛdi de rul. I nɔ go te igen, i go mek big chenj dɛn na di wɔl. Lɛ wi tɔk bɔt sɔm pan di gud tin dɛn we wi de wet fɔ si ɔnda di Kiŋdɔm.

1. Aw Gɔd in Kiŋdɔm go mek pis ɛn jɔstis de bak na di wɔl?

Jizɔs, we na di Kiŋ fɔ Gɔd in Kiŋdɔm, go dɔnawe wit wikɛd pipul dɛn ɛn gɔvmɛnt dɛn di tɛm fɔ Amagɛdɔn. (Rɛvɛleshɔn 16:​14, 16) Da tɛm de, di Baybul prɔmis we se: “Smɔl bit mɔ, yu nɔ go si di bad man igen” go rili apin. (Sam 37:​10) Jizɔs go yuz di Kiŋdɔm fɔ mek shɔ se pis ɛn jɔstis de ɔlsay na di wɔl.​—Rid Ayzaya 11:​4.

2. Aw layf go tan lɛk we wetin Gɔd want go bi na di wɔl?

Di tɛm we Gɔd in Kiŋdɔm go rul, “di wan dɛn we de du wetin rayt go gɛt di wɔl, ɛn dɛn go de de sote go.” (Sam 37:​29, NWT) Imajin aw layf go tan lɛk na wɔl usay ɔlman de du wetin rayt ɛn ɔlman lɛk Jiova ɛn dɛn lɛk dɛnsɛf! Nɔbɔdi nɔ go sik, ɛn ɔlman go de sote go.

3. Wetin Gɔd in Kiŋdɔm go du afta dɛn dɔn dɔnawe wit di wikɛd wan dɛn?

Afta dɛn dɔn dɔnawe wit di wikɛd wan dɛn, Jizɔs go rul as Kiŋ fɔ 1,000 ia. Insay da tɛm de, in ɛn di 144,000 pipul dɛn we go rul wit am go ɛp mɔtalman dɛn we go de na di wɔl fɔ pafɛkt ɛn nɔ sin. Bay di tɛm we di 1,000 ia go dɔn, di wɔl go tɔn to fayn fayn Paradays ɛn i go ful-ɔp wit pipul dɛn we gladi we go bɛnifit bikɔs dɛn de obe Jiova in lɔ dɛn. Dɔn Jizɔs go an ova di Kiŋdɔm bak to in Papa, Jiova. Da tɛm de, ɔlman go tek Jiova in “nem as sɔntin we oli” pas ɛni ɔda tɛm. (Matyu 6:​9, 10) Ɔlman go dɔn no se Jiova na gud Rula we bisin bɔt in pipul dɛn. Dɔn Jiova go dɔnawe wit Setan, di dimɔn dɛn, ɛn ɛni ɔda pɔsin we disayd fɔ tɔn agens di we aw i de rul. (Rɛvɛleshɔn 20:​7-​10) Di fayn fayn tin dɛn we Gɔd in Kiŋdɔm go kam wit go de sote go.

LAN MƆ

4. Gɔd in Kiŋdɔm go dɔnawe wit mɔtalman gɔvmɛnt dɛn

“Mɔtalman dɔn sɔprɛs in kɔmpin ɛn mek i sɔfa.” (Ɛkliziastis 8:​9, NWT) Jiova go yuz in Kiŋdɔm fɔ mek dis nɔ apin igen.

Rid Daniɛl 2:​44 ɛn 2 Tɛsalonians 1:​6-8, dɔn una tɔk bɔt dɛn kwɛstyɔn dɛn ya:

• Wetin Jiova ɛn in Pikin, Jizɔs, go du to mɔtalman gɔvmɛnt dɛn ɛn di wan dɛn we de sɔpɔt dɛn?

• Aw wetin yu dɔn lan bɔt Jiova ɛn Jizɔs mek yu biliv se dɛn go du tin tret ɛn fia wan?

5. Jizɔs na di bɛst Kiŋ

As Kiŋ fɔ Gɔd in Kiŋdɔm, Jizɔs go du bɔku tin dɛn fɔ bɛnifit di wan dɛn we go de na di wɔl. Ple di VIDIO fɔ si aw Jizɔs dɔn ɔlrɛdi sho se i rili want fɔ ɛp pipul dɛn, ɛn Gɔd dɔn gi am di pawa fɔ du dat.

VIDIO: Jizɔs Bin Sho Wetin di Kiŋdɔm Gɛt fɔ Du (1:​13)

We Jizɔs bin de na di wɔl, i bin du tin dɛn we sho wetin di Kiŋdɔm go du. Uswan pan di blɛsin dɛn we de dɔŋ ya we yu rili want fɔ si? Rid di skripchɔ dɛn we de nia de we go ɛp yu fɔ lan mɔ bɔt dɛn blɛsin dɛn de.

6. Gɔd in Kiŋdɔm go mek wi ɛnjɔy fayn fayn tin dɛn tumara bambay

VIDIO: Sɔm pan di Tin dɛn we Wi Go Ɛnjɔy Tumara Bambay (4:​38)

Rid Sam 145:​16, (NWT) dɔn una tɔk bɔt dis kwɛstyɔn:

• Aw yu fil we yu no se Jiova go “satisfay ɔltin we gɛt layf”?

WETIN YU DƆN LAN?

Gɔd in Kiŋdɔm go du wetin Gɔd want am fɔ du. I go chenj di wan ol wɔl ɛn mek i bi Paradays we ful-ɔp wit gud pipul dɛn we go wɔship Jiova sote go.

Rivyu

• Aw Gɔd in Kiŋdɔm go mek Jiova in nem oli?

• Wetin mek wi biliv se Gɔd in Kiŋdɔm go du wetin di Baybul bin dɔn prɔmis?

• Wetin Gɔd in Kiŋdɔm go du tumara bambay we yu rili want fɔ si?

DU MƆ RISACH

Lan wetin Amagɛdɔn min.

“Wetin Na Amagɛdɔn?” (Atikul na di wɛbsayt)

Lan bɔt di tin dɛn we go apin insay di tɛm we Jizɔs kɔl di “big big trɔbul.”​—Matyu 24:21.

“Wetin Na di Big Big Trɔbul?” (Atikul na di wɛbsayt)

Si aw famili dɛn kin tink gud gud wan bɔt di blɛsin dɛn we di Kiŋdɔm go kam wit tumara bambay.

Imajin Yusɛf na Paradays (1:​50)

Insay di atikul we gɛt di taytul “I Was Troubled by Many Questions,” lan aw wan man bin fɛn ansa to kwɛstyɔn dɛn we i bin de tink bɔt.

“Di Baybul De Chenj Layf” (Di Wachtawa, Janwari 1, 2012)