Yu Tink se Jiova Witnɛs dɛn Na Tru Kristian Dɛn?

As Jiova Witnɛs dɛn, wi biliv se wi na tru Kristian dɛn. Wetin mek? Lan bɔt wetin wi biliv, di nem we wi gɛt we mek wi difrɛn frɔm ɔda rilijɔn dɛn, ɛn di lɔv we wi gɛt fɔ wi kɔmpin dɛn.

1. Usay Jiova Witnɛs dɛn pul di tin dɛn we dɛn biliv?

Jizɔs bin se: “[Gɔd in] wɔd na trut.” (Jɔn 17:​17) Jɔs lɛk Jizɔs, Jiova Witnɛs dɛn biliv wetin de na Gɔd in Wɔd. Lɛ wi tɔk bɔt wi istri insay wi yon tɛm. Arawnd di ia 1870, wan grup we bin rili want fɔ no di tru tin bɔt Gɔd bin disayd fɔ tek tɛm stɔdi di Baybul togɛda fɔ rili no wetin di Baybul de tich. Dɛn bin disayd fɔ biliv wetin di Baybul se ilɛksɛf i difrɛn frɔm wetin di chɔch de tich. Dɔn, dɛn bigin fɔ tɛl ɔda pipul dɛn di tru tin dɛn we dɛn dɔn lan frɔm di Baybul.a

2. Wetin mek wi kɔl wisɛf Jiova Witnɛs?

Jiova de kɔl di wan dɛn we de wɔship am in witnɛs dɛn bikɔs dɛn de tɔk di tru bɔt am. (Ibruz 11:​4–​12:​1) Fɔ ɛgzampul, trade trade, Gɔd bin tɛl in pipul dɛn se: “Una na mi witnɛs dɛn.” (Rid Ayzaya 43:​10.) Di Baybul kɔl Jizɔs “di Witnɛs we Fetful.” (Rɛvɛleshɔn 1:​5) So insay di ia 1931, wi bin pik di nem Jiova Witnɛs. Wi gladi fɔ gɛt da nem de.

3. Aw Jiova Witnɛs dɛn de falamakata Jizɔs fɔ sho lɔv?

Jizɔs bin rili lɛk in disaypul dɛn ɛn dɛn bin tan lɛk famili to am. (Rid Mak 3:​35.) Semweso, Jiova Witnɛs dɛn na wan famili we gɛt wanwɔd we de ɔlsay na di wɔl. Na dat mek wi de kɔl wisɛf brɔda ɛn sista. (Faylimɔn 1, 2) Wi de fala bak di lɔ we se: “Una lɛk ɔl una brɔda dɛn.” (1 Pita 2:​17) Jiova Witnɛs dɛn de sho dis kayn lɔv difrɛn we dɛn. Fɔ ɛgzampul, dɛn de ɛp dɛn brɔda dɛn di tɛm we dɛn nid ɛp.

LAN MƆ

4. Wi biliv wetin di Baybul se

Jiova bin se as tɛm de go, na so wi go de ɔndastand di Baybul mɔ ɛn mɔ. Rid Daniɛl 12:​4, dɔn una tɔk bɔt dis kwɛstyɔn:

• Wetin Gɔd in pipul dɛn go “gɛt plɛnti” we dɛn kɔntinyu fɔ stɔdi di Baybul?

Lan bɔt aw wan grup ɔf Baybul studɛnt dɛn, we wan pan dɛn nem Chals Rɔsɛl bin de stɔdi Gɔd in Wɔd. Ple di VIDIO, dɔn una tɔk bɔt di kwɛstyɔn we de dɔŋ.

VIDIO: Dɛn Fɛn di Tru Tin dɛn Bak Na di Baybul (7:​45)

• Insay di vidio, aw Chals Rɔsɛl ɛn in kɔmpin Baybul studɛnt dɛn bin de stɔdi di Baybul?

Yu bin no?

Sɔm tɛm dɛn de, wi kin ajɔst sɔm pan di tin dɛn we wi biliv. Wetin mek? We san kin kɔmɔt na mɔnin, nɔto ɔltin i kin shayn pan wantɛm wantɛm. Semweso, na smɔl smɔl Gɔd de mek in pipul dɛn ɔndastand di Baybul. (Rid Prɔvabs 4:​18.) Di Baybul nɔ de chenj, bɔt we wi ɔndastand am mɔ wi kin ajɔst wetin wi de tich.

5. Wi de liv akɔdin to wi nem

VIDIO: Wan Nem we De Sho Udat Wi Bi (2:​40)

• Wetin mek di nem Jiova Witnɛs rili fayn?

Wetin mek Jiova pik pipul dɛn fɔ bi in witnɛs dɛn? Na bikɔs dɛn go mek ɔlman no se na in na di tru Gɔd bikɔs pipul dɛn dɔn tɔk bɔku lay lay tin dɛn bɔt am. Lɛ wi tɔk bɔt tu pan dɛn lay dɛn de.

Sɔm rilijɔn dɛn de tich dɛn mɛmba dɛn se Gɔd want dɛn fɔ yuz imej we dɛn de wɔship am. Rid Lɛvitikɔs 26:​1, dɔn una tɔk bɔt dɛn kwɛstyɔn dɛn ya:

• Wetin na di tru? Aw Jiova de fil bɔt aydɔl dɛn?

Sɔm bigman dɛn pan Gɔd biznɛs de tich se Jizɔs na Gɔd. Rid Jɔn 20:​17, dɔn una tɔk bɔt dɛn kwɛstyɔn dɛn ya:

• Wetin na di tru? Yu tink se Gɔd ɛn Jizɔs na di sem pɔsin?

• Aw yu fil we yu no se Jiova dɔn sɛn in Witnɛs dɛn fɔ prich di tru tin bɔt in ɛn in Pikin?

6. Wi lɛk wi kɔmpin dɛn

Di Baybul kɔmpia Kristian dɛn to difrɛn pat dɛn na mɔtalman bɔdi. Rid 1 Kɔrintians 12:​25, 26, dɔn una tɔk bɔt dɛn kwɛstyɔn dɛn ya:

• Wetin tru Kristian dɛn fɔ du we dɛn kɔmpin Kristian dɛn de sɔfa?

• Wetin yu dɔn notis bɔt di we aw Jiova Witnɛs dɛn de sho se dɛn lɛk dɛn kɔmpin dɛn?

We Jiova Witnɛs dɛn de sɔfa na wan pat na di wɔl, dɛn kɔmpin Jiova Witnɛs dɛn we de ɔlsay na di wɔl de du sɔntin kwik kwik wan fɔ ɛp dɛn. Fɔ si wan ɛgzampul, ple di VIDIO. Dɔn una tɔk bɔt di kwɛstyɔn we de dɔŋ.

VIDIO: Eti Bin Bia wit Ɔriken Matyu (5:​29)

• Aw di rilif wok we Jiova Witnɛs dɛn de du sho se dɛn lɛk dɛn kɔmpin dɛn?

WETIN YU DƆN LAN?

Jiova Witnɛs dɛn na tru Kristian dɛn. Wi na famili we de ɔlsay na di wɔl we de wɔship Gɔd, na wetin de na di Baybul wi biliv, ɛn wi de tich ɔda pipul dɛn di tru tin bɔt Jiova.

Rivyu

• Wetin mek wi gɛt di nem Jiova Witnɛs?

• Aw wi de trit wi kɔmpin dɛn?

• Yu tink se Jiova Witnɛs dɛn na tru Kristian dɛn?

DU MƆ RISACH

Lan mɔ bɔt wi istri.

Jiova Witnɛs dɛn De Sho Fet Bay di Tin dɛn we Dɛn De Du, Pat 1: Dɛn Kɔmɔt na Daknɛs (1:00:53)

Si wan ɛgzampul bɔt aw Jiova Witnɛs dɛn dɔn sho sɔm lay lay tin dɛn we bɔku rilijɔn de tich bɔt Gɔd.

Gɔd in Pipul dɛn De Ɔnɔ In Nem (7:​08)

Gɛt ansa dɛn to kwɛstyɔn dɛn we sɔntɛm yu gɛt bɔt Jiova Witnɛs dɛn.

“Kwɛstyɔn dɛn we Pipul dɛn Kin Aks Ɔltɛm bɔt Jiova Witnɛs Dɛn” (Sɛkshɔn na di wɛbsayt)

Stivin bin et pipul dɛn we gɛt ɔda kɔlɔ ɛn i bin de du bad tin to dɛn. Lan bɔt wetin i si pan Jiova Witnɛs dɛn we mek i chenj.

“Mi Layf Bin De Go Frɔm Bad to Wɔs” (Di Wachtawa, Julay 1, 2015)