Sho se Yu Gladi fɔ di Layf we Jiova Gi Yu

Bɔku wɔndaful tin dɛn de we wi kin du ɛn ɛnjɔy bikɔs wi gɛt layf. Pan ɔl we wi kin gɛt prɔblɛm dɛn, wi kin ɛnjɔy sɔm tin dɛn na layf. Aw wi go sho se wi gladi fɔ di layf we Gɔd gi wi? Ɛn us impɔtant rizin wi gɛt fɔ du dat?

1. Wetin mek wi fɔ sho se wi gladi fɔ di layf we wi gɛt?

Wi fɔ gladi fɔ di layf we wi gɛt bikɔs na gift frɔm wi Papa we lɛk wi, we na Jiova. Na in de “gi layf,” na in mek ɔltin we gɛt layf. (Sam 36:​9) “Na in gi ɔlman layf, briz fɔ blo, ɛn ɔltin.” (Akt 17:​25, 28) Jiova de gi wi wetin wi nid fɔ kɔntinyu fɔ de alayv. Bɔt wetin pas dat, i de mek am pɔsibul fɔ mek wi ɛnjɔy wi layf.​—Rid Akt 14:​17.

2. Aw wi go sho Jiova se wi gladi fɔ di layf we i gi wi?

Jiova bisin bɔt yu frɔm di tɛm we yu mama gɛt yu bɛlɛ. Insay wan prea we Jiova mek dɛn rayt insay in Wɔd, di Baybul, wan pan in savant dɛn we na Devid bin tɛl am se: “Yu bin dɔn si mi bifo a bɔn.” (Sam 139:​16) Jiova rili valyu yu layf. (Rid Matyu 10:​29-​31.) I go rili fil bad if pɔsin kil in kɔmpin bay wilful ɔ i ivin kil insɛf.a (Ɛksodɔs 20:​13) Jiova go fil bad if wi put wi layf pan denja ɔ if wi nɔ du wetin wi fɔ du fɔ protɛkt ɔda pipul dɛn layf. We wi kia fɔ wi layf ɛn rɛspɛkt ɔda pipul dɛn yon layf, wi de sho se wi gladi fɔ dis wɔndaful gift we wi gɛt.

LAN MƆ

3. Kia fɔ yu wɛlbɔdi

Bikɔs wi prɔmis Jiova se wi go du wetin i want ɔltɛm, na dat mek wi de yuz ɔl wi layf fɔ sav am. I kin tan lɛk se wi de gi wi bɔdi dɛn as sakrifays to Gɔd. Rid Romans 12:​1, 2, dɔn una tɔk bɔt dɛn kwɛstyɔn dɛn ya:

• Wetin fɔ mek yu kia fɔ yu wɛlbɔdi?

• Wetin na sɔm we dɛn we yu go du dat?

4. Tek tɛm mek yu nɔ du tin we go damej pɔsin ɔ mek i day

Di Baybul ɛnkɔrej wi fɔ avɔyd fɔ du tin dɛn we go put wi layf ɔ ɔda pipul dɛn layf pan denja. Ple di VIDIO fɔ lan bɔt sɔm tin dɛn we yu go du fɔ kip yu ɛn ɔda pipul dɛn sef.

VIDIO: Go De Du Tin Sef Wan (8:​34)

Rid Prɔvabs 22:​3, dɔn una tɔk bɔt aw yu ɛn ɔda pipul dɛn go de sef wan  . . .

• na os.

• na yu wokples.

• we yu de ple gem.

• we yu de drayv motoka ɔ ɛni ɔda tin ɔ if yu na pasenja.

5. Nɔ kil pikin we dɛn nɔ bɔn yet

Devid bin tɔk se Jiova bisin bɔt ɔltin we de apin to pikin we de insay in mama in bɛlɛ. Rid Sam 139:​13-​17, dɔn una tɔk bɔt dis kwɛstyɔn:

• To Jiova, ustɛm pɔsin in layf de bigin, na we dɛn bɔn am ɔ na we i de na in mama in bɛlɛ?

Di lɔ we Jiova bin gi di Izrɛlayt dɛn bin de protɛkt mama dɛn ɛn di pikin dɛn we de na dɛn bɛlɛ. Rid Ɛksodɔs 21:​22, 23, dɔn una tɔk bɔt dɛn kwɛstyɔn dɛn ya:

• Aw Jiova bin de si pɔsin we mistek kil pikin we dɛn nɔ bɔn yet?

• Aw i go fil if pɔsin du dat bay wilful?b

• Aw yu fil bɔt di we aw Gɔd de si dɛn tin dɛn de?

Ple di VIDIO.

VIDIO: Valyu Layf Lɛk Aw Gɔd Valyu Am (5:​00)

Ivin uman we no se layf valyu kin fil se i nɔ gɛt natin fɔ du pas fɔ pwɛl bɛlɛ. Rid Ayzaya 41:​10, dɔn una tɔk bɔt dɛn kwɛstyɔn dɛn ya:

• If dɛn de mɔna uman fɔ pwɛl bɛlɛ, udat i fɔ tɔn to fɔ ɛp am? Wetin mek?

WETIN YU DƆN LAN?

Di Baybul tich se wi fɔ lɛk, rɛspɛkt, ɛn protɛkt di gift we Jiova dɔn gi wi we na layf. Dis gɛt fɔ du wit wi yon layf ɛn ɔda pipul dɛn yon layf.

Rivyu

• Wetin mek mɔtalman layf valyu to Jiova?

• Aw Jiova de fil we pɔsin kil in kɔmpin bay wilful?

• Wetin mek yu gladi fɔ di layf we Jiova gi yu?

DU MƆ RISACH

Aw wi go tɛl Jiova tɛnki fɔ di layf we i gi wi?

Siŋ 141​—Layf Na Wɔndaful Gift (2:41)

Fɛn di ansa to di kwɛstyɔn we se, Gɔd go fɔgiv uman we bin dɔn pwɛl bɛlɛ?

“Wetin di Baybul Se bɔt Pwɛl-Bɛlɛ?” (Atikul na di wɛbsayt)

Lan aw di we aw Gɔd de si layf fɔ afɛkt di tin dɛn we wi de pik fɔ ɛnjɔy wisɛf.

“Wi Fɔ Tek Pat pan Spɔt we De Risk Wi Layf?” (Awek!, Ɔktoba 8, 2000)

Wetin pɔsin go du if i de tink fɔ kil insɛf? Lan aw di Baybul go ɛp dɛn kayn pipul dɛn de.

“A Want fɔ Kil Misɛf​—Di Baybul Go Ɛp Mi We A De Tink fɔ Kil Misɛf?” (Atikul na di wɛbsayt)