• “Prich . . . Gud Gud Wan”
    “Prich ... Gud Gud Wan” bɔt Gɔd in Kiŋdɔm

    • “I Bin De Prich . . . bɔt Gɔd in Kiŋdɔm” (Akt 28:​30, 31)

      19. Aw Pɔl bin yuz in tɛm di bɛst we we dɛn bin ol am as prizina na in os?

      19 Lyuk bin dɔn in stori fayn bay we i tɔk se: “[Pɔl] kɔntinyu fɔ de de fɔ tu ia na di os we i rɛnt, ɛn i bin de wɛlkɔm ɔl di wan dɛn we bin de kam to am. I bin de prich to dɛn bɔt Gɔd in Kiŋdɔm, ɛn i bin de tich dɛn bɔt Masta Jizɔs Krays. Ɛn i bin de rili fil fri fɔ tɔk to dɛn ɛn natin nɔ bin de stɔp am.” (Akt 28:​30, 31) Dis na fayn ɛgzampul bɔt fɔ du gud, fɔ gɛt fet, ɛn zil!

      20, 21. Tɔk bɔt sɔm ɛgzampul dɛn bɔt pipul dɛn we bin bɛnifit frɔm Pɔl in prichin wok na Rom.

      20 Wan pan di pipul dɛn we Pɔl bin wɛlkɔm wit ɔl in at na Onɛsimɔs we na slev we bin rɔnawe frɔm in masta na Kolose. Pɔl bin ɛp Onɛsimɔs fɔ bi Kristian, ɛn Onɛsimɔs bin kam fɔ bi “fetful brɔda we [i] rili lɛk.” Infakt, Pɔl bin kɔl am “mi pikin . . . we a dɔn bi papa to.” (Kol. 4:​9; Fay. 10-12) Wan dawt nɔ de se Onɛsimɔs bin rili ɛnkɔrej Pɔl!a

      21 Ɔda wan dɛn bak bin bɛnifit frɔm Pɔl in fayn ɛgzampul. I bin rayt to di Kristian dɛn na Filipay se: “Di tin we de apin to mi dɔn mek di gud nyuz go bifo, bikɔs ɔl di Kiŋ in Gaydman dɛn ɛn ɔl di ɔda wan dɛn dɔn no se a de na prizin fɔ Krays in sek. Bɔku pan di brɔda dɛn we de du di Masta in wok dɔn gɛt kɔnfidɛns bikɔs a de na prizin, ɛn dɛn de sho se dɛn rili gɛt maynd fɔ prich Gɔd in wɔd ɛn dɛn nɔ de fred.”​—Fil. 1:​12-14.

  • “Prich . . . Gud Gud Wan”
    “Prich ... Gud Gud Wan” bɔt Gɔd in Kiŋdɔm

    • 25, 26. Us wɔndaful prɔfɛsi we Pɔl dɔn si kam tru pan ɔl we i nɔ rich 30 ia afta Jizɔs tɔk bɔt di prichin wok? Aw wi go kɔmpia am to wi yon tɛm?

      25 Dɛn dɔn di intrɛstin buk we nem Akt wan fayn we bay we dɛn mek wi no se Krays in apɔsul we dɛn bin ol as prizina na in os “bin de prich . . . bɔt Gɔd in Kiŋdɔm” to ɔl di wan dɛn we bin de kam fɛn am! Insay di fɔs chapta, wi rid bɔt di wok we Jizɔs bin gi in disaypul dɛn we i bin se: “Una go gɛt pawa we di oli spirit kam pan una, ɛn una go tɔk bɔt mi na Jerusɛlɛm, ɛn ɔlsay na Judia ɛn Sameria, ɛn na di say we fa pas ɔl na di wɔl.” (Akt 1:​8) I nɔ rich 30 ia afta i tɔk dɛn wɔd dɛn ya, “dɛn . . . prich ɔlsay na di wɔl.”d (Kol. 1:​23) Dis sho klia wan se Gɔd in spirit rili gɛt pawa!​—Zɛk. 4:​6.